Matyu 18:20 - Godigo dwagi yai po buku20 Awe, te bidi si ma selago eno nogide bulu me deliba sisinabaso da, teda ena augwali tomode bidaibao,” Jisasgo te po wai. Gade chapit la |
Tama Genuai Bidigo te po wai dao, aga te isi tiwai pedalama, tama aga te taun bagulai obo tiwai te Jerusalem bagualuaibao, tama agai te taun tonaluaibao. Tama aga Jerusalemde bidaibao, tama agai genuai ula me bomo pepeli diliba haninaibao,’ te po te usu sabo bono string tolalubo bidiba walao,” te enselgo te po walali.
Te Jisas wali pabo bidi dabe augwali Juda bidi dabe wi eyu, tama augwali bidibo te be tų dąų olama, augwali te be tomode bidai. Te sogo moni Sarere dao wabo sogo giliga iba dega sigi pai. Tama Jisas augwali bidibo digi tomoba dolaluagasai, tama augwalibolo te po wai, “Dagego homu dwagi yai elama, tama dage bugagia bidao,” Jisasgo augwali dali te po wai.
Te bidigo enabolo e po me wai, “Te hasia Efesus hanude Godigo po odoyu bidibo we bidi tonalubo ensel mobo bidibolo e po asęna tolao: eno dolo nogogo te hǫ a naga olama me badu si eno tolaluyu, tama ena te a naga olama me badu nogo si te lam sole tomode bilibo bidi dao. Tama tiyu, eno e po nage dali obao:
Tama dagego tǫ meba selama, tama eno alta nigao. Tama te altade dagego te sipsip dabe me, bulmakau me, te tigidali siaba ulama, siago dabo te ofa dali, te we bidi augwaligo ena dali dedeli homu yabo te ofa me yao. Tama dagego te tigidali bulude te dagego enabolo lotu omainogo, eno te sa mubo bulude dagego tama tibaso da, te ena aselama, dage bugagia wiegi yai mu ilaibao.
Tama te sogo Pita Jisas pageba asama tama aga dali te po wai, “Genuai Bidi, nisu naga sogo ena amago dwai sę enabolo emainogo yai, tama agai enabolo dwai sę yali te sęgę eno nisu naga sogo sela sągowe? Ma a naga olama me badu nogo si tama sogo te sęgę sela sąbo usu egowe?” Pitago Jisas dali te po hanalu wai.