Matyu 18:19 - Godigo dwagi yai po buku

¹⁹ Tama eno po me dagebolo obao, e tǫde dage tomode bidi me sigo deli homu kolesaga eyu, tama nai me deli sainogo augwali sigo gedu haluasa po obaso da, teda eno Aya dagalude bidibo bidi agai te nai te bidi sibolo mawaibao.

Matyu 18:19 Referans Kwoze

Matyu 7:7

“Te dagego gedu haluasa po Godiba hanalu da, teda agai dagego te hanalubo nai te dageba mawaibao. Dagego te nai gegebo sę idu da, teda te nai dagego sueibao. Tama dagego be tuba eliyu bebego wedu da, teda Godigo dagebolo te tų dalaibao.

Dwagi Yai Gesi Po Makgo Asęani 11:24

Tama tibaso, eno dagebolo obe dao, dagego te nai me deli sainogo te Godibolo po weyu, te naide hanalu wabo po wabo side, tama dagego homude te Godide konealubo po dąų olama tama te homu eyu da, ‘Awe, mu da, dago te nai saibao,’ te sę te dagego wali po tiwai gilama pedalaibao.

Dwagi Yai Gesi Po Jongo Asęani 16:23

“Te sogo dagego ena dali magi nai me hanalugobeo. Eno dage dali mu po obao, dagego gedu haluasa po weyu, Ayago magi nai me dagebolo mao eno nogide weyu da, teda Aya agai dagebolo mawaibao,” Jisasgo te po wai.

Filipai 1:19

Magi baso meni, eno mu koneai, dagego ena tau somainogo gedu haluasa po wabogo me, te Jisas Kraisgo Tedali Mobo Bidigo tau sabogo me, te sigo ena tau selama, tama te ena kalabusiba muani bage augwaligo ena olo tagala palaibao.

Matyu 21:22

Tama dagego konealubo po dąų olama gedu haluasa po weyu da, teda te nai dagego sainogo gedu haluasa po wabo, te nai dagego saibao,” Jisasgo te po wai dao.

Dwagi Yai Gesi Po Jongo Asęani 15:7

Dage ena dali wadolama bidiyu, tama eno wali po dage dali bidiyu da, tiali dagego magi naide hanalu obaso da, tama te eno dagebolo mawaibao. Dagego homu koneani gilama, dagebolo tama pedelaibao.

1 Jon 3:22

Tama tiyu, tama dago magi nai me sainogo gedu haluasa po obaso da, te agai dabolo mabo dao. Magi basowe? Dago agai bomo yai po wali peyu, tama agai godolo ebo kolesaga dago ebo dao.

Godigo Sęba Tagala Palai Bidigo Po 12:5

Tama tibaso, augwaligo Pita kalabus bede tonaluali. Tiali goli, Jisasgo po wali pabo we bidi augwaligo Godibolo gedu haluasa po hauwa sogo mu oduali, te Pita tau somainu yai.

Dwagi Yai Gesi Po Jongo Asęani 15:16

Dagego ena sai olama, sa mubeo. Eno dage sa muyu, dage ena bage dao wai dao. Tama eno dage sęba muai dao, tama dage pelama, du gilama walama, tama dagego du elalumainogo, te da eno dage sa muani page dao. Tama dagego tama du waloluyu da, eno nogide dagego magi sę me yainogo, eno Ayabolo hanalubaso da, agai dage tau siyu, te nai mawaibao,” Jisasgo te po wai, aga wali pabo bidi dabe dali.

Godigo Sęba Tagala Palai Bidigo Po 1:14

Tama augwali hauwa sogo deliba sisinagasali, Godibolo po omainu yali. Tama te Jisas wali pai we dabe me, Jisas aga ida me, Jisas aga ama dede me, te bidi dabe dali hodobo deliba sisinagasali, Godibolo po omainu yali.

Matyu 5:24

teda nago te Godibolo mawainogo yali nai ofa tede munalubadi taga soao. Tama nage pelama, hasia naga ama dali po bolo dodolao. Te po dodola silama, tama megi da nage pelama, tama Godibolo ofa nai magi pao.”

Godigo Sęba Tagala Palai Bidigo Po 6:4

Tiali goli, dena te sę egobe. Da da, tigidali sogo Godibolo gedu haluasa po wabo sę dali, Godigo po pusa mabo sę dali, te sę si naga yaibao,” augwaligo te po wai.

Godigo Sęba Tagala Palai Bidigo Po 16:10

Te sogo Polgo na gagawai elama, te sogo ena Luk da Pol dali munasa pali, tama dago walu dabe polo sisi elama, dago geba gegelama, Masedonia tǫba pai hagede. Dago koneai, Godigo da i wali, agai dwagi yai po tede bidibo we bidibolo ola momainu yai.