Matyu 17:22 - Godigo dwagi yai po buku

²² Augwali hodobo te Galili tǫde deliba sisinama, tama Jisas aga wali pabo bidi dabebolo te po wai, “Augwaligo ena te Godigo Bidi Mu e tǫde bidigo nogoba mawaibao.

Matyu 17:22 Referans Kwoze

Matyu 16:21

Tama te sogo, te Pitago nage Krais dao po wali sogo, te sogo Jisasgo gagalama, aga wali pabo bidi dabebolo te po haninama ola mawai, “Te mu tama, ena te moni hanu Jerusalemba paibao. Tama pelama, tama tede nosali te Juda dabe genuai bidi dabego me, te pris tobolu bidi dabego me, te Juda dabego bomo yai po page ola mabo bidi dabego me, te augwaligo ena dene genuai mu mawaibao. Augwaligo ena isilama, tama nosali te sela sogo wabo side ena ma hodalueibao,” Jisasgo te po wai.

Dwagi Yai Gesi Po Makgo Asęani 8:31

Te Jisas agai te aga wali pabo bidi dabe augwalibolo te tiwai po ola mabo gagalali, “Te Godigo Bidi Mu te aga dene hauwa tolomainu yaibao, tama te Juda dabego tobolu bidi dabe, me te genuai pris bidi dabe, me te Juda dabego bomai po page koneai bidi dabe augwaligo te aga tudiba munama, tama aga ela muaibao. Te nosali sela sogo bidama te aga ma hodaluaibao,” te po wai.

Matyu 17:23

Tama augwaligo aga ela muaibao. Tama sela sogo wabode te Godigo bomogo aga ma hodolobaso, te aga ma hodalueibao,” Jisasgo te po wai. Tama aga wali pabo bidi dabe augwali homu sęgę mu te pode yai dao.

Dwagi Yai Gesi Po Lukgo Asęani 24:46

Tama Jisasgo augwalibolo te po wai, “Godigo bukude tama te tobage po wai, ‘Godigo sa muani bidi Krais dene polo selama, isilama, tama sela sogo aga gų pagede bidama,

Dwagi Yai Gesi Po Lukgo Asęani 24:26

“Magi basowe tama tiyu dage sigo koneai meniwe, Godigo sa muani bidi Krais aga dene bolo selama, isilama, tama nosali aga genuai nogi mu saibao,” Jisasgo te po wai.

Dwagi Yai Gesi Po Lukgo Asęani 9:22

Agai te po me wali, “Ena da, Godigo Bidi Mu da. Tama nosali te Juda dabego genuai bidi dabego me, te pris tobolu bidi dabego me, te Juda dabego bomo yai po ola mabo tobolu bidi dabego me, augwaligo ena buluba ela palama, dene genuai mu mawaibao. Augwaligo ena isilama, nosali sela wali sogo ena hodaluaibao,” te po wali.

Godigo Sęba Tagala Palai Bidigo Po 7:52

Polobadu duga wąį dabe augwaligo Godigo dwagi yai po pusa mabo bidi dabe tigidali ela silali. Me deli bidibawe? Mu menio. Polobadu mu Godigo dwagi yai po odasa pabo bidi dabe augwaligo te po wai, ‘Nosali God agai dwagi yai dolo sę ebo bidi asaibao.’ Tialima, duga wąį dabe augwaligo te po odasa pabo bidi dabe ela muani. Megi tama dagego te Godigo dwagi yai dolo sę ebo bidi ela muai.

Matyu 26:46

Dage hodaluao, tama da augwali tiąba pinao. Suao, ena augwaligo nogoba maiabo bidi aga te pąba megi yagasobao,” Jisasgo te po wai.

Matyu 24:10

Tama tebo sogo te we bidi hauwa augwaligo enade konealubo po dąų wali tagalama, tama augwaligo augwa ama dabe boi bidigo nogoba munama, tama augwa me augwa digi augwa ama dabe dali boi bidi yaibao.

Matyu 16:28

Eno mu po dagebolo obao, dage megi ede bidalubo bidi dabe me badu isisąbadi, dagego te Godigo Bidi Mu aga we bidi tonalubo sę yabo bomo dali asobo sueibao,” Jisasgo te po wai.

1 Korin 11:23

Magi baso meni. Te eno dagebolo mani po te eno dago Genuai Bidide naga te ola mani po sali. Te e tiwai dao: te pio hulide Judasgo Jisas te Juda dabe boi bidigo nogoba musiąbadi, te sogo pio hulide te Genuai Bidi Jisasgo

Matyu 26:16

Tama te sogo agai Jisas te boi bidi dabe augwali nogoba mawainogo te deli sogo me sogo gegebo sę gagalama yai.

Matyu 17:9

Te augwali te bulu dude bidali tagalama dulubadi, Jisasgo bomo elama, augwalibolo te po wai, “Dagego megi suali sę po te gasa bidi dabebolo wagio. Dagego te po osogo hogwa sao. Tama nosali te Godigo Bidi Mu aga isama, tama ma hodalobode, tama te sogo dagego megi suali sę po te we bidibolo wagameo,” Jisasgo te po wai.

Matyu 17:12

Tiali goli eno dagebolo obao, Elaija aga asali goli, tama te bidi dabe augwaligo aga konebeo. Menio. Augwa digi augwaligo augwa ebo haniani dwai kolesaga wali peyu, aga dali dwai sę yai. Te tiwai kolesagago naga augwaligo te Godigo Bidi Mu dali me dwai sę eyu agabolo dene mayu yaibao,” te po wai.

Dwagi Yai Gesi Po Lukgo Asęani 9:43

Godigo moni bomo sulama, tigidali we bidi noma mu sali. Te we bidi Jisasgo te yali sę tigidali sulama, noma sali homu me elalubadi yaide, agai aga wali bilibo bidi dabebolo te po wali,