Matyu 17:17 - Godigo dwagi yai po buku

¹⁷ Te Jisasgo te po wei ponoyu, bomonama te po wai, “Dagego homu enaba begi pisąwai we bidi hani, tama dagego homu gagea pidubao. Ena dage dali nisu naga sogo me bidigowe? Nisu naga sogo eno dagego sęgę tologowe? Dagego te ogwa eba sesao,” wali.

Matyu 17:17 Referans Kwoze

Israel Hanigo Namba 14:11

Tama Genuai Bidigo Mosesbolo e tama po wali, “Hauwa sogo mu te we bidigo eno po sela sąyu, tama augwaligo eno po mu dao homu ebeo. Eno augwali tomode wiegi yai sę hauwa yali, Tiali goli, augwaligo teba homu dąų wabeo.

Matyu 6:30

Tama te gide megi elaluali noswai, tama do da te noswai augwaligo togolama, siaba sąwaibao. Tama te tiwai olo noswai te Godigo au ilibo dao. Tama dage te konealubo po dwasianu naga dąų wabo we bidi, dagego mu koneiąo. Godigo dage me bugagia tonaluyu, te ugwa dabe dagebolo me mu mawaibao.

Godigo Sęba Tagala Palai Bidigo Po 13:18

te kemi tǫ bidi meni yai bulude bilidubadi, kibu be bidi sigo nogo sągą sese te 40 yia silama yali. Tama te kibu be tomode bidibadi, augwaligo dwai kolesaga ebo sęgę Godigo selama, agai tonaluali.

Dwagi Yai Gesi Po Makgo Asęani 16:14

Nosali badu te wali pali bidi dabe nogo si olama sągągo deli te augwali dugulama nai tubadi, tama Jisas te augwaliba pedalai. Te augwaligo agai wali poba augwa homu dąų me wasiąbaso, tama agai augwaliba wado ilali. Magi baso meni, augwaligo olo te palialu, tama te we bidi augwaligo suali, aga te ma hodaloai yali po wabo te augwaligo homu teba dąų me wabeo.

Dwagi Yai Gesi Po Makgo Asęani 9:19

Jisasgo te po odama, tama agai te we bidi augwalibolo wai, “Te dage hani we bidigo enade konealubo po dąų olama, duga homu enaba tialubo menio! Nisu naga sogo ena dage dali me bididuaibawe? Nisu naga sogo te eno dagego sęgę tolomainogo ebawe? Dagego te ogwa enaba odasa asao,” wali.

Matyu 13:58

Augwaligo agade konealubo po dąų wasiąbaso, agai bomai sę hauwa te aga page bulude ebeo.

Matyu 8:26

Tama agai augwalibolo te po wali, “Magi baso dage wi ebawe? Dagego homugo enade konealu po dąų wabo te dwasianu naga dao.” Tama aga hodaluama, te wali dali te moni wę dini te sia sao po wai. Tama te wali yali sia siyu, tama te wę memenege dwasianu me ebeo.

Bugagia Bidibo Kolesagade Po Asęai Buku 1:22

“Dage te homu kolesaga meni yani hani, dage te tiwai sesemane bidabo homu eba, agawe? Dage te wabo pabo bidi dabe tiwai ebao. Dagego te wiegi yai kolesaga sabo homu wei me isiąma, tama dagego tede posobo po wabo dao. Mena sogo dagego te kolesaga ebo tagalaibawe?

Israel Hanigo Namba 14:27

“Hauwa sogo te dwai we bidigo ena dali wado po wai dao. Eno polo odama, tama eno augwaligo te po hagela mu yalio. Nisu mu augwaligo te po wabo mu tagalogowe?

Ma Dobola Sali 10:3

Tama Moses de Aron si pelama, te tuni bidi agabolo te po wagi pali, “Da Hibru bagego God, Genuai Bidi Yawe, agai te po wai, ‘Nisu naga sogo nago te po sela sąyu, tama nage ena dologode bidigobewe? Te eno we bidi hani tagala palao, te augwaligo lotu po enaba wagasomainao.

Dwagi Yai Gesi Po Jongo Asęani 20:27

Tama agai Tomasbolo te po wai, “Nago nogo dani eba da muao. Tama nago eno nogo me suao. Tama nago nogo eno punali badu palama suao. Nago homu si ebo tagalao. Enade nago homu deli yao, te tiwai bidao,” Jisasgo te po Tomas dali wai.

Dwagi Yai Gesi Po Lukgo Asęani 24:25

Te Jisasgo te tama po augwali sibolo wai, “Ao, dage sigo homu kolesaga meniwe? Dage sigo homu te polobadu Godigo sę nosali pedelabo po ola mani bidigo po naga konealuai dawe?” Jisas po augwali si dali wai.

Dwagi Yai Gesi Po Lukgo Asęani 9:41

Jisasgo wei ponoyu, te po wali, “Magi baso dagego homu enaba begi pisąma, gagega pidubawe? Ena dage dali nisu naga sogo bidigowe? Nisu naga sogo dagego sęgę eno tologowe?” wali. Tama te ogwa aga ayabolo te po wali, “Nago ogwa eba sesao.”

Matyu 16:8

Tama Jisasgo augwaligo wabo po koneama, tama agai te po wai, “Aua, dage da te enaba duga homu dwasianu muani bidi dabe da. Magi baso duga digi te po weyu, ‘Te da bret menio’ te po obawe?

Jeremaia 4:14

Dage Jerusalem bage, mena sogo dagego te tobage dobo homu kolesaga tagalaibawe? Te dagego duga dwai kolesaga tigidali tagalama, te dage wiegi yai pedalubaso, teda Genuai Bidigo dage ma saibao.

Ma Dobola Sali 16:28

Tama Genuai Bidigo Mosesbolo te po wai, “Nisu sogo dagego te dwai kolesaga ebo tagalama, tama dagego eno bomo yai po wali paibawe?

Bugagia Bidibo Kolesagade Po Asęai Buku 6:9

Tiali goli, dage hagela bidi dabe, te dage sesabi gana elama, pila mudabo homu eba, agawe? Mena sogo te dage duga betde pila muani te hogodaluaibawe?

Godigo Nogi Ugwaba Sabo Tęąbi Po Wabo Buku Dabe 95:10

Eno te hani we bidide dwai haliga iduali, te kibu be bidi sese siba usu nai. Tama tibaso, eno te po wali, augwa hagoma mu yali. Augwaligo te eno wali pabo homu me isiąwai.

Bomai Po 32:5

Tiali goli, dage Israel we bidi, dage te tiwai menio. Dage da, ili po wabo we bidi dao. Dagego po hasegeliyu, te dąų wali po boliyu ebo dao. Dage dwai sęgę sabo we bidi dao. Tama tialima, dage Godigo wai puluba hani me bidigobeo.

Aisaia 19:14

Genuai Bidigo te Isip dabego homu kolesaga polo dolai dao. Te pagede te Isip dabego ebo sę dabe dolo me pabeo, te geda mubao, te polobo bidigo aga bogu agalama, tulaluainu ebo tiwai te ebao.

Matyu 17:16

Tama naga wali bilibo bidi dabego te aga usu ilimainogo eno aga augwali pageba sesai dao. Tiali goli augwaligo aga geselainogo yali usu isąbaso tagalai dao,” te po wai.

Matyu 17:18

Tama te ogwa sesama, tama Jisasgo te dwai haubo noma bidibolo wado ilibo po obaso, tama agai te ogwa dali bidali tagalama pabo si da, tama megi naga tama te ogwago gasi sia sai dao.

Godigo Sęba Tagala Palai Bidigo Po 2:40

Te Pitago augwalibolo dwasianu po wabe, te po hauwa wai, te po bomona weyu, te po wai, “Duga digi duga ma tau siąo. Tibaso, dage dene sogobeo, te Jisas ela muai dwai bidi dabe nosali dene sainu ebo yaligia,” te po wai.

2 Korin 11:1

Te dageba nosali asali bidi dabe augwaligo augwa digi augwa nogi ugwaba siyu, tama homu kolesaga meni yani po wali goli, dagego augwali tede tagalao wabeo. Tama tibaso, eno homugo dagego ena me gogolama, tama eno te homu kolesaga meni yai po dwasianu waio. Awe, dagego ena gogolao.