Matyu 16:28 - Godigo dwagi yai po buku

²⁸ Eno mu po dagebolo obao, dage megi ede bidalubo bidi dabe me badu isisąbadi, dagego te Godigo Bidi Mu aga we bidi tonalubo sę yabo bomo dali asobo sueibao,” Jisasgo te po wai.

Matyu 16:28 Referans Kwoze

Dwagi Yai Gesi Po Lukgo Asęani 9:27

Te po koneao. Dage megi e bidalubo bidi dabe me badu isisąbadi, Godigo we bidi tonalubo sę sueibao,” Jisasgo te po wali.

Dwagi Yai Gesi Po Makgo Asęani 9:1

Te po silama, tama agai augwalibolo te po wai, “Eno mu po dagebolo obao, te ede dolalubo bidi dabe meba te augwali me isisąbadi, tama te Godigo te we bidi tonalubo sę te aga bomo dali pedalubo augwaligo sueibao,” agai te po wai.

Dwagi Yai Gesi Po Jongo Asęani 8:52

Te Juda bage augwaligo Jisasbolo te po wai, “Megi da dago mu konebao, nagede dwai haubo mobo bidi bidibao. Abraham isai dao. Godigo nosali yabo sę po ola mani profet bidi dabe me augwali isai dao. Te genuai nogi elalubo bage augwali isai digi, nago te po wai, ‘Eno po wali pabo bidi dabe augwali munu me isigobeo.’

Matyu 26:64

Jisasgo agabolo te po wali, “Awe, nago po wali ena te tiwai dao. Tiali goli eno dagebolo obao, nosali dagego te Godigo Bidi Mu te Tigidali Bomo Elalubo Godigo dolo nogo badude dualalubo sueibao. Tama aga te ugwadu daide elalubo pǫde bidama asobo, te me dagego sueibao,” wali.

Matyu 10:23

Tama augwaligo dage te hanu me delide dene mobaso da, teda dage wi peyu, gasa hanuba pao. Eno mu po dagebolo obao, te tigidali Israel hanude te dagego sę ebo silisąbadi yaide, tama te Godigo Bidi Mu aga ma asaibao.” wali.

Dwagi Yai Gesi Po Lukgo Asęani 2:26

“Te Genuai Bidigo we bidi tau somainu sa muani bidi Krais sulama, nage isaibao,” te po wali.

Dwagi Yai Gesi Po Makgo Asęani 13:26

Tama te tebo sogode teda augwaligo te Godigo Bidi Mu te dagalu tomodu te pǫ me deli daide ugwadu dualasa asobo sueibao, te aga genuai bomo me genuai wiegi yai ula elalubadi te asaibao.

Hibru 2:9

Tiali goli dago Jisas konebao. Polobadu osogo naga Godigo aga nogi te mobo bidi ensel dabego nogi dologode bidimainogo ilali, te Godigo wiegi yai homu eyu, te olo mu tau sabo kolesaga pedalomainogo me te tigidali bidi tau siyu isainogo tiai. Agai te dene tolama isali, tama Godigo aga nogi ugwaba selama, tama genuai bomo me genuai nogi agabolo mawai dao, tama megi aga te tiwai bidibo dago konebao.

Matyu 24:3

Te aga pelama, tama te dwasianu bulu du Oliv teba sabolama, aga tede dualaluyu, tama aga wali bilibo bidi dabe naga augwali aga pageba aselama, augwaligo te po wai, “Nago dabolo wao, nisu sogo te Moni Lotu Be tempel dolobo sę pedelaibawe? Magi sę bolo hasia pedelama, dago koneai elalubadi, nage ma asiyu e tǫ siligowe?”

1 Tesalonaika 1:10

Tama augwaligo te po wabo dao, dage te Godigo Ogwa dagalu tagalama e tǫba ma asobo sogo te dagego tonalubo dao, te po wabo dao. Te Godigo polobadu gų pagede ma hodolali bidi, te Jisas, tama te bidi agai da dali Godigo nosali sębę idali weyu tau sali bidi Jisas dao. Dagego te bidi asobo tonalubo po augwaligo dabolo pusubo dao.

Matyu 24:42

Tama tibaso, dagego bugagia tonaluao. Duga Genuai Bidi ma asobo sogo, te dagego konegobeo.

Dwagi Yai Gesi Po Lukgo Asęani 18:8

Eno dagebolo obao, menio, augwaligo hanalu wabo po agai odoyu, tama te tau sabo bodolu asobo si, agai tau mawaibao. Tiali goli, ena Godigo Bidi Mu ena e tǫba ma asobo si, enaba homu kolesaga mani we bidi eno sugowe?” Jisasgo te po wali.

Matyu 8:20

Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.

Matyu 16:13

Te Jisas te gasa tǫba pali, te tǫde te hanu me deli nogi Sisaria tede elaluali, te gavman bidi nogi Filip agai te bulu tonaluali. Tama te badu pelama, tama te sogo Jisasgo agade digi te aga wali pabo bidi dabe augwalibolo hanaluyu, te po wai, “Te we bidi augwaligo homu te Godigo Bidi Mude aga de dawe, augwaligo magi po agade wabo dawe?” Jisasgo aga digi te po wai.

Matyu 24:34

Eno mu po dagebolo obao, te megi e sogode te tǫde bidalubo we bidi augwali me isisąbadi, tama te sę tigidali pedalaibao.

Dwagi Yai Gesi Po Makgo Asęani 8:38

Tama te megi e sogo tǫde bidibo we bidi dabe augwali da, te aga bidi taga soayu penani ebo we tiwai da, augwaligo Godigo po taga soali, tama haniani dwai sę ebo dao. Te bidi augwali bidalubo tomode bidiyu, tama agai enade me te eno ola mabo pode me hale eyu ebaso da, teda nosali ena te Godigo Bidi Mu, ena me te bidide hale eyu aga nogi geme dualaluaibao, te eno ena Ayago genuai bomo yai ula dali, te wiegi yai tedali ensel mobo bidi dabe dali e tǫba ma asobo sogo tama tiaibao,” Jisasgo te po wai.

Dwagi Yai Gesi Po Jongo Asęani 8:51

Mu po eno dagebolo obao, eno po wali pabo bidi dabe augwali munu me isigobeo,” Jisasgo te po wai.

Dwagi Yai Gesi Po Jongo Asęani 21:22

Jisasgo Pita dali te po wai, “Eno homugo ena ma asobo si te bidi aga me bidibadi asomai da wida, te nago sę dawe? Nage ena wali asao,” Jisasgo Pita dali te po wai.

Godigo Sęba Tagala Palai Bidigo Po 1:11

Tama augwali sigo te po hanalu wai, “Dage Galili tǫ bidi dabe, dage te ugwaba dagaluba magi baso tonalu dolalubawe? U bidi Jisas, te Godigo dagaluba odasa holali bidi, te bidi ma asaibao, te aga dagaluba pabo yaligia ma asiyu me tiaibao, te dagego tonalubadi megi pabo yaligia tiwai yaibao, ma asobo sogode,” te po wali. Tama te po olama, tega si ma pali.

1 Korin 15:23

Tiali goli da tigidali we bidi deli deli te da ma hodaluama, tama dena sogo tede te bidabo ula saibao. Te hasia bolo polalubo te Krais aga ma hodaluama tama bidabo ula sai dao. Tama nosali aga ma asobo sogo, da aga hani tigidali ma hodaluaibao.

Jems 5:7

Eno ama dedeo, te walu hauwa munalubo bage augwaligo tama tiyu, dagego homu dąų olama, dagego te tigidali sęgę toloyu, tama te Genuai Bidi Jisas ma asobo tonaluao. Dagego koneani, te gi page bidigo te aga gide bulali nai dwagi yai holobo tonalubo dao. Tama te bidigo homu dąų olama, moni homu esiąyu, te tulubage dali te giliga dali sigo sę usu ela silibo si, tama te bidi aga te gide te wiegi yai nai sabo dao.

2 Pita 1:16

Te dago dagebolo te dago Genuai Bidi Jisas Kraisgo bomo dali, aga nosali ma asobo po dali, te po si polobadu ola mobadi yaide, te dago te bidi me aga homugo naga olo nigali po wali pelama, tama dagebolo te Kraisgo po ola mabeo. Woo, te menio. Dago suali, Godigo genuai ula dali bomo dali te dago gedugo suai.

1 Jon 2:28

Awe, eno wai dabe, dage aga dali bidao. Magi baso meni, nosali aga hania pedalaibao, te sogo da bomo elama dolaluaibao, te aga ma asobo sogode, te tama da hale eyu geme duala sogobeo.