Matyu 16:22 - Godigo dwagi yai po buku

²² Tama Pitago aga te gasaba odasa aselama, tama bomonama yoga sabo po wabo gagalai, “Genuai Bidi, mu menio. Eno homugo God agai nage dali homu dene eyu, tau siyu yao, te sę nageba pedalidali weyu. Te sę nageba me pedalogobe dao, te homu ebao,” Pitago te po wai.

Matyu 16:22 Referans Kwoze

Dwagi Yai Gesi Po Makgo Asęani 8:32

Agai te po augwalibolo hania haninama wai. Tama tibaso, Pitago Jisas te sesege badu odasa solama, tama aga dali te tobage po wagio po wali.

Te Israel me Juda Hani Sigo Tuni Bidigo Po Elalubo Buku Deli 22:13

Te ofisa bidi, Ahapgo te Mikaia sigi pomainu tagala palali bidi, agai te Mikaia odasa asali. Augwali si te kingba sabalisiąbadi, ofisago Mikaiaba te tama po wai, “Tigidali profetgo po weyu, kingo hwįbaso, te boi bidi aiyaba elalueibao wali. Tama tialima, nago me nago wiegi yai kolesaga eyu, wiegi yai po naga te kingba mao,” te po wai.

Matyu 16:21

Tama te sogo, te Pitago nage Krais dao po wali sogo, te sogo Jisasgo gagalama, aga wali pabo bidi dabebolo te po haninama ola mawai, “Te mu tama, ena te moni hanu Jerusalemba paibao. Tama pelama, tama tede nosali te Juda dabe genuai bidi dabego me, te pris tobolu bidi dabego me, te Juda dabego bomo yai po page ola mabo bidi dabego me, te augwaligo ena dene genuai mu mawaibao. Augwaligo ena isilama, tama nosali te sela sogo wabo side ena ma hodalueibao,” Jisasgo te po wai.

Matyu 16:23

Tama Jisas begelama, Pitabolo te po wai, “Satan, nage ena tudi badu soao. Nago eno pabo tųde tųą palobo nai tiwai dao. Nago Godigo homu kolesaga wali pabeo. Menio. Nago e tǫde bidigo homu kolesaga naga wali peyu, enabolo te po wai,” Jisasgo Pita dali te po wai.