Matyu 16:20 - Godigo dwagi yai po buku

²⁰ Tama te po olama, agai po bomonama aga wali pabo bidi dabebolo wali, augwaligo gasa bidi dabebolo te aga digi te Godigo sa muani Krais bidi da wali po me wagio, hogwa sao, te po wai.

Matyu 16:20 Referans Kwoze

Dwagi Yai Gesi Po Makgo Asęani 8:30

Tama agai augwali habu seleyu, te augwaligo bidi me delibolo olamu da po wai.

Dwagi Yai Gesi Po Lukgo Asęani 9:21

Jisas agai augwaligo te po mebolo waidali weyu, bomona hageali, “Te po mesegeleiąo,” wali.

Dwagi Yai Gesi Po Jongo Asęani 1:41

Tama polo agai aga ama Saimon gegegi pai, tama agabolo te po wali, “Dago te Mesaia bidi suali,” Andrugo aga ama Saimonbolo te po wai. (Dago te nogi Mesaia wali begelama, tama te nogi poai Krais dao, Godigo sa muyu asaiba wali bidi dao.)

Matyu 17:9

Te augwali te bulu dude bidali tagalama dulubadi, Jisasgo bomo elama, augwalibolo te po wai, “Dagego megi suali sę po te gasa bidi dabebolo wagio. Dagego te po osogo hogwa sao. Tama nosali te Godigo Bidi Mu aga isama, tama ma hodalobode, tama te sogo dagego megi suali sę po te we bidibolo wagameo,” Jisasgo te po wai.

Dwagi Yai Gesi Po Lukgo Asęani 9:36

Te po togwa sobadi yaide, Jisas agaduba bidibo suali. Te pedelali sę dabe augwaligo osogo hogwa selama, tama tiali po te we bidibolo dwasianu me pusube.

Matyu 8:4

Tama Jisasgo te bidi aga dali te po wali, “Bugagia dua dao. Nago bidi me deli dali eno nagede yali sę po me wagio. Menio. Nage dolo pelama, tama nago tigi te pris bageba waseligi pelama, tama agai nago tigi osola sumainao. Tama tilama, tama polobadu Mosesgo wali po gilama Godibolo nai ofa yao. Tama tiyu te bidi dabego koneyu, te nago gasi silali, nage te meda meni yai bidi tiwai megi ma bidibao, te homu augwaligo yaibao,” Jisasgo te po wai.

1 Jon 5:1

Tigidali bidigo Jisas aga te Godigo sa muani tagala palali bidi Krais dao olama konealubo po dąų wai, te bidi dabe augwali Godigo wai dabe dao. Tama tigidali bidigo aya dali dwagi yai homu ebo bidi, te augwaligo te dwagi yai homu eyu godolo ebo kolesaga agai wai dabe dali me ebo dao.

1 Jon 2:22

Tibo po wabo bidi de dawe? “Jisas aga Godigo sa muani tagala palali bidi Krais menio,” te po wabo te bidi aga te tibo po wabo bidi te dao. Te bidigo te Aya dali aga ogwa dali sigo nogi wabo hogwa siyu, tama tudiba mubo bidi, te bidi agai Krais dali boi bidi homu yabo bidi dao.

Godigo Sęba Tagala Palai Bidigo Po 2:36

Te Pitago po ma wai, “Eno dagebolo te po obao, dage Israel we bidi tigidali, dagego hania koneao, te duga te nide enani bidi Jisas, te bidi Godigo te Genuai Bidi ilali, te Godigo we bidi tau somainu sa muani bidi Krais,” Pitago te po wai.

Dwagi Yai Gesi Po Jongo Asęani 20:31

Te bidi Jisas da, te Godigo sa muyu nosali asaibao wali bidi Krais dao, aga da te Godigo Ogwa dao. Tama dagego te po mu po dao homu emainogo, eno Jisasgo yali bomo yai sę po meba e bukude asęani. Tama dagego Jisas da te Krais dao, te aga Godigo Ogwa dao, dagego te homu eyu, aga dali wadoloyu, mu bidada pabo ula dagego somainogo eyu, eno agai yali sę po asęani.

Dwagi Yai Gesi Po Jongo Asęani 1:45

Filip pelama, Natanielbolo te po wagi pai, “Te bidi polobadu Mosesgo te bomo yai po bukude asęani po dali, tama Godigo polobadu po ola mani profet bidi dabe me, augwaligo te bidi dali po asęai, te bidi dago suai. Te bidi Jisas aga Nasaret bulu bidi Josepgo ogwa dao,” Filip agai te po wai.

Dwagi Yai Gesi Po Makgo Asęani 9:9

Augwali te bulu dude bidali tagalama tama aiyaba dudulayu, tama Jisasgo augwali habu seleyu, te tiwai po wai, “Te dagego suali sę, te dagego bidi me delibolo munu me wasiąma, te ena Godigo Bidi Mu te gų page tagalama ma hodalobo sogoba usu naibao,” wali.

Matyu 1:16

Tama Jekop aga ogwa Josep. Tama Josep te we Maria aga bidi dao. Tama Mariago Jisas ame nai, augwaligo aga nogi te Krais da wabo dao. Te aga sa muyu asaiba wali bidi dao.

Matyu 16:16

Tama Saimon Pitago po wei ponoyu, te po wai, “Nage da, nage te Godigo te we bidi tau sabo sa muani bidi Krais dao, te nage bidibo ula elalubo Godigo Ogwa dao,” Pitago te po wai.

Dwagi Yai Gesi Po Lukgo Asęani 2:11

Megi pio hulide Devitgo hanude wai me tega pai dao, te agai dage ma dobola saibao, aga te we bidi tau somainu sa muani Genuai Bidi dao.

Dwagi Yai Gesi Po Jongo Asęani 11:27

Martago Jisasbolo te po wai, “Ao, Genuai Bidi. Nage da Krais dao. Nage Godigo Ogwa dao. Nage te bidi polobadu Godigo po weyu, e tǫba asaibao wali bidi da. Ena homu dąų olama, nageba muai dao,” Martago te po wai.