Matyu 16:18 - Godigo dwagi yai po buku

¹⁸ Tama eno nagebolo te po obao, nage Pita dao, te nogi page te masigi dao, tama eno ena po wali pabo we bidi hani te masigi daide pedalaibao, te be me deli te genuai masigi daide sę ebo tiwai. Tama te we bidi hani augwali te dwai mobo bidi Satango we bidi ela muabo bomogo augwali me aiyaba elalugobeo.

Matyu 16:18 Referans Kwoze

Aisaia 28:16

Tiali goli, God, Genuai Bidigo te po wali, “Odao. Eno te be page dąų walabo masigi dila pai deli me polo dąį ilai dao. Te aga te dwagi yai boma pai mu dao. Tama eno te masigi te bulu du Saionde muaibao. Te bidi dabego agaba homu dąų wabo bidi dabe da, teda augwali wi elama, didibili me egobeo.

Kolosi 1:18

Godigo po odobo we bidi augwali da te Krais aga tigi tiwai dao, tama aga da te aga tigigo tobolu dao. Tama aga da te tigigo bidabo bomo page bidi dao. Aga naga te tigidali naide polalubo bidi bidimainogo eyu, tama aga da te Godigo hasia ogwa da, tama aga hasia mu gų pagede hodaloai bidi dao.

Dwagi Yai Gesi Po Jongo Asęani 1:42

Tama Andru agai aga ama Saimon odasa, Jisas bidibo madigi pai. Jisas agai Saimon sulama, te po wai, “Nage Saimon, Jongo ogwa dao. Nosali nago nogi Sifas waibao,” Jisasgo te po wai. (Dago te nogi Sifas begelama, tama wai, Pita wali nogi, te nogi page masigi dao.)

Hibru 12:28

Te dago sali te bidibo digi te magi naigo munu me dologobeo, usu egobeo. Tama te tebode dago Godibolo usu da olama gedu haluasa po wao. Tama dago agaba lotu po weyu, tama agai godolo ebo kolesagade sę tulama yao. Tama tiyu dago aga nogi ugwaba siyu, tama agade wi yao.

Godigo Sęba Tagala Palai Bidigo Po 2:47

Augwaligo te po wabo da, “Te God da, aga dwagi yai mu da.” Tama te olo we bidi tigidali augwaligo te Jisasde homu dąų wai we bidi dabebolo wiegi yai homu yai. Tama Godigo sesemane deli deli sogo te olo we bidi dabe selama, agai po wali pabo bidi dabeba wadolobo dao.

2 Timoti 3:15

Magi baso meni, ena polo sabalisiąbaso da, teda nago e pas selama tama nedama, tama nago nage Godigo hanide bugagia bidabo kolesaga po tede koneagameo. Te God aga da te bidibo ula elalubo God dao. Te agai po odobo we bidi hani augwali da te Godigo be tiwai we bidi dao. Tama augwali te Godigo mu po tolalubo te bomai ni pos dali kau ni me tiwai elalubo dao.

Aisaia 54:17

Tiali goli, te hwįbo nai dabe me deligo nage me dologobeo. Te nage bomonama dolalu, te bidi dabego nageba haniani po kisilama wabo po te wei ponoyu, aiyaba elalueibao. Eno te kolesagade ena sę bidi dabe tigidali bugagia tonalu, te augwali doloba pai we bidi pedelaibao. Ena Genuai Bidi, eno te po wai dao.”

Efesus 5:32

E po tomode te genuai geme po digi po page tede elalubo. Tama ena digi eno homugo te Krais dali aga we bidi dali po page hanilibao.

Efesus 3:10

Tama polobadu agai homude yabo sę dualaluai. Tiali goli megi agai te agai po wali pabo we bidibolo haninama ola mani. Te gasa we bidi me augwaligo te Godigo po wali pabo we bidigo pedauwalidu te po odama tama Krais wali peyu tama aga hani bage pedalomainogo eyu, agai aga po haninama ola mani. Tama tebogo augwaligo te Godigo wiegi yai sę ebo kolesaga te dagalude bidibo ensel mobo bidi tobolu bidi dali, te polalubo bidi dabe augwalibolo te wiegi yai ebo kolesaga page waselemainogo yai. Tama te wiegi yai kolesaga page te ensel mobo bidi dabebolo tama waselama, tama augwaligo Godigo haniani sę ebode wiegi yai homu kolesaga mu elalubo te augwaligo hania koneaibao.

Bugagia Bidibo Kolesagade Po Asęai Buku 24:7

Te wiegi yai homu kolesaga koneani te ugwanu mu elaluyu, tama te wiegi yai homu kolesaga konesiąwani bidigo kolesaga te aiyaba elaluaibao. Tama te bidi dabe dugulama, te genuai naide po mibo konila obaso da, teda te wiegi yai homu kolesaga konesiąwani bidi da, te olo dugulalu, tama pedauwali panialubo dao. (23)

Jopgo Po Asęani Elalubo Buku 38:17

Mena tama tialiwe? Nage te isai we bidi pabo madi aiyanu mu nage dulai yali bogo?

Kraisgo Geme Dualali Sę Pedelabo Po Jonbolo Ola Mani 21:14

Te hanu obo page dąų walali moni masigi te nogo si olama sągą badu si elaluai, tama te nogo si olama sągą badu si bidi augwali te Kibu Sipsip Waigo po pusigi pabo sę bidi nogi te masigide asęai elaluai.

Godigo Sęba Tagala Palai Bidigo Po 8:1

Te sogo, Stiven isali sogode, augwaligo Jisas wali pabo we bidi elebo sę gagalali, te Jerusalemde. Te tebo sę genuagi mu yali. Tama Jisas wali pabo we bidi tigidali te Judia tǫ, Samaria tǫ te bulu siba wi tedela pali. Tiali goli, te Jisasgo tagala palai bidi dabe wi pabe.

Godigo Nogi Ugwaba Sabo Tęąbi Po Wabo Buku Dabe 9:13

Genuai Bidi, nago enaba te olo mu tau sabo wiegi yai kolesaga yao. Te boi bidi dabego enaba te dene me sęgę mabo, te nago suao. Te pąde ena isainu ebadi goli, tiali goli nage asiyu, ena dąų walao, te ena bugagia bidimainogo tiao.

2 Timoti 3:5

Magi baso meni. Te bidigo aga digi aga we wai puluba bugagia tonalusiąbo bidi da, aga te Godigo po odobo we bidigo tobolu bidi bidibo te usu me egobeo.

Galesia 2:9

Tama Jems dali, Pita dali, Jon dali augwali te Godigo hani bidi tomode te be ni bomo elama dolalubo tiwai bidama dolaluai, te we bidigo gedude. Tama te bidi sela augwaligo koneai, te God agai ena olo mu tau siyu, tama enabolo te sę mawai. Tama tibaso, augwaligo ena dali Barnabas dali si nogo mani. Tama nogo mayu, da tigidaligo te homu yali, te da sigo te Juda hani isiąwai we bidi tomode Godigo sę yaibao, tama augwali selago te Juda bidi hani tomode te sę yaibao.

Matyu 18:17

Tiali goli agai augwaligo po odobo me hagela ebaso da, teda dagego te Godigo po odobo we bidi hanibolo te po pusao. Tama agai te Godigo po odobo we bidigo po me odisąbaso da, teda dagego homugo aga te Godigo po odisąbo bidi, ma te takis mone sabo sę ebo dwai bidi tiwai da homu eyu, aga sula tagalao,” Jisasgo te po wai.

Matyu 11:23

Tama dage Kaperneam hanude bidibo bage, te dagego homu te dagego nogi ugwaba siyu, te sigiba mu, te dagaluba paio, te homu yali. Tiali goli, mu menio. Te dage tigi dene ebo dwai sia dabo dedage pageba sąwaibao. Tama bidi me deli agai bomai sę dabe te eno dagego hanude yali bomai sę dabe tiwai te bomai sę te Sodom hanude egi sogo da, teda megi me te Sodom hanu elalugi dao.

Matyu 10:2

Te 12 bidi nogi te e dao: hasia bidi aga nogi Saimon, te aga gasa nogi Pita, tama me aga ama nogi Andru dali. Tama Jems me aga ama Jon dali, augwali si te Sebedigo ogwa si dao.

Godigo Nogi Ugwaba Sabo Tęąbi Po Wabo Buku Dabe 69:12

Te bidi dabe sunumiba sisinama, tama enade po miani. Tama te wain wę tulama, te gęǫ ebo bidi dabego te balia mebade te dwai po enaba weyu yali.

Tigidali Nai Gagalama Nigali Side 22:17

Eno te tiwai po obao, te eno nago hani wąį dabe te wai puluba hauwa mu, te dagalude hǫ, me te tamu ąį sanede masigi kemi tiwai hauwa mu pedelaibao. Tama nago wąį hani wai dabe augwaligo te boi bidi dabe augwali aiyaba mu elaluama, tama augwaligo doado bage mu saibao.

Kraisgo Geme Dualali Sę Pedelabo Po Jonbolo Ola Mani 11:15

Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.

1 Korin 15:55

Bukude po me e tiwai elalubao, “Nage da, isibo kolesaga, tama nago te we bidi aiyaba elaluabo sę mena elalubawe? Menio! Te mu silalio! Nage da, isibo kolesaga, te nago dene mabo bomo menawe? Te menio! Te aiyaba elalualio!” Te po bukude asęani.

Aisaia 38:10

“Eno homugo tama tiali, hobede ya, te megi tebogo ena gesi bidi tigi elalubadi, te ena isiyu, te tǫ taga paibao homu yai. Tama ena te isali bidigo bulu pesageba bidigi paibao.

Aisaia 28:6

Genuai Bidigo te po tų odobo bidi dabebolo wiegi yai kolesaga menama, tama augwaligo po tų bugagia osola sueibao. Tama agai te hanude ami bidi dabe bomo mawaibao. Tama augwaligo te boi bidi dabe te hanu tomoba we bidi dabe dali hwįagasomainu sula tagalogobeo.

Godigo Nogi Ugwaba Sabo Tęąbi Po Wabo Buku Dabe 107:18

Augwa te nai tubo hagela yai, tama tiyu, augwa pąde isainu yali.

2 Samuel 18:4

Tama kingo po wei ponoyu, te tama wai, “Te usu dao, eno te dagego homu wali pabo homu elalubao.” Tama Devit te taun bagulali genuai obo pąde dolalu, tama agai te ami hani dabe te nogo sągą sąyu, te mas ela peyu, te buluba soabo suai. Te ami bidi dabe te 1,000 bidi hanidu, me 100 bidi hanidu wasiasa soalio.

Godigo Nogi Ugwaba Sabo Tęąbi Po Wabo Buku Dabe 127:5

Te wai ogwa hauwa elalubo bidi, aga te wiegi yai pemene yao. Te agai te aga boi bidi dabe dali te po tų ebo pesagede te po tų ebo sogo, te augwaligo aga tau saibao. Tama aga te po tųde hagamainu me egobeo.

Godigo Nogi Ugwaba Sabo Tęąbi Po Wabo Buku Dabe 129:2

Nago te tiwai po wali, “Te boi bidi dabego enaba dwai sę mu yali, te ena gesi ogwa bidide gagalasa, megiba usu nagasobao. Tiali goli, augwaligo ena aiyaba me elalubeo,” po wai.

Jona 2:6

Ena te tamu ąį tomoba te tigidali bulu du page aiyaba mu dulali. Te dwai bulugo ena kalabus mu ilai. Tiali goli, Genuai Bidi, nage eno God, nago ena ma dobola salio. Tama eno te dwai bulu tagalama, ena te bidibo ulade bidibao.

Matyu 4:18

Te me sogo Jisas te Galili sigi wę sesegedu pobadi, tama agai te augwali ama name si suali, te bidi me nogi Pita, me aga ama, Andru, augwali sigo te sųgų sabo wa te sigi węba sąbo sę yai. Te augwali sigo te sųgų selama mone sabo bisnis sę yai dao.

Matyu 7:24

“Te niwai bidi agai eno e wabo po odama wali pabo bidi, teda te bidi me deli agai homu te wiegi yai tiwai elalubo bidi, tama agai be te masigi daide ugwadu sę yai dao, te be bugagia dąų omainogo yai.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?