Matyu 16:15 - Godigo dwagi yai po buku

¹⁵ Tama Jisasgo augwalibolo te po wai, “Tiali goli dagego da, te dagego homugo ma ena de da wabo dawe?”

Matyu 16:15 Referans Kwoze

Dwagi Yai Gesi Po Lukgo Asęani 9:20

“Dagego homugo ma ena de da wabo dawe?” wali. Pitago te po wei ponoyu, te po wali, “Nage da, Krais da, Godigo da Juda we bidi tau somai hagede tagala palali bidi dao,” Pitago te po wai.

Matyu 13:11

Agai po wei ponoyu te po wai, “Godigo agai we bidi tonalubo sę geme dualaluali po page haninama te agai dagebolo ola mawai dao. Tiali goli e bidi dabebolo te geme dualali po page te haninai menio.

Dwagi Yai Gesi Po Makgo Asęani 8:29

Tama Jisasgo te augwalibolo hanalu wali, “Duga digi te ena de nogi ebo dawe?” Tama Pitago agabolo po wei ponoyu, te po wai, “Nage Krais dao, e we bidi tau somainu Godigo nage sa muyu asaiba wali bidi dao,” te po wai.

Matyu 16:14

Tama augwaligo te po wai, “Mebago te po wabo dao, te nage te baptais mani bidi Jon da po wabo dao. Tama mebago nage ma te polobadu bidali profet bidi Elaija da wabo dao. Tama mebago te po weyu, nage te Jeremaia da po weyu, ma gasa te Godigo po polobadu pusali profet bidi da te po wabo dao.”

Matyu 16:16

Tama Saimon Pitago po wei ponoyu, te po wai, “Nage da, nage te Godigo te we bidi tau sabo sa muani bidi Krais dao, te nage bidibo ula elalubo Godigo Ogwa dao,” Pitago te po wai.