Matyu 16:13 - Godigo dwagi yai po buku

¹³ Te Jisas te gasa tǫba pali, te tǫde te hanu me deli nogi Sisaria tede elaluali, te gavman bidi nogi Filip agai te bulu tonaluali. Tama te badu pelama, tama te sogo Jisasgo agade digi te aga wali pabo bidi dabe augwalibolo hanaluyu, te po wai, “Te we bidi augwaligo homu te Godigo Bidi Mude aga de dawe, augwaligo magi po agade wabo dawe?” Jisasgo aga digi te po wai.

Matyu 16:13 Referans Kwoze

Daniel 7:13

Eno te hulide yali nade, eno te bidi me deli te da tǫde bidi tiwai tobage suali. Aga te dagalu pǫ dabe tomode bidiyu, tama ena pąba asali. Tama augwaligo aga te Polobadu Polobadu Bidada Aselama, te Megi Me Bidada Peyu, Bidada Pabo Bidiba sela palio.

Dwagi Yai Gesi Po Jongo Asęani 5:27

Aga te Godigo Bidi Mu dao, tigidali we bidi augwaligo abagi hasi bidi dao. Tama tibaso, Ayago agabolo te we bidi po tų yabo sę mawai.

Matyu 9:6

Ena da, te Godigo Bidi Mu da. Bidigo dwai sę sęgę e tǫde sela sąbo bomo eno elalubo, te dagego suiąo.” Tama weyu, agai te sągą dili tigidali isai bidibolo te po wai, “Nage hodaluama, naga somo selama, tama naga beba pao,” te po wai.

Matyu 13:37

Te Jisasgo po wei ponoyu te po wai, “Te wiegi yai nai ge telala pali bidi po wali da, te bidi da te ena dao, Godigo Bidi Mu dao.

Matyu 12:8

Magi baso meni. Ena da, te Godigo Bidi Mu da. Ena da te Sabat sogode te genuai bidi dao. Tama tibaso, bidigo Sabatde mena sę yagameo wabo po te eno digi waibao,” Jisasgo te po wai.

Matyu 8:20

Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.

Godigo Sęba Tagala Palai Bidigo Po 10:38

Te po duga digi koneai dao. God agai te Nasaret bulu bidi Jisas sa muai. Tama Godigo agai Dwagi yai Mobo Bidi dali, bomo dali si agabolo mawai dao. Tama Jisas aga tigidali bulu bilama, dwagi yai sę ela bilali, tama agai Satango dolai we bidi agai dwagi yai ma ilali. God aga dali bidibaso, te tobage sę yali.

Godigo Sęba Tagala Palai Bidigo Po 7:56

Stivengo te po wai, “Suao. Eno megi suba, dagalu dalalubo. Tama tede Godigo Bidi Mu megi Godigo dolo nogo badude dolalubo eno subao,” te po wai.

Dwagi Yai Gesi Po Jongo Asęani 12:34

Te we bidi augwaligo Jisasbolo po wei ponoyu, te po wai, “Dago bomo yai pode tama po elalubo dao, Godigo sa muyu, asaiba wali bidi Krais aga bidada peyu, bidada paibao, te po wai. Tama tibaso, magi baso nago te po obawe, augwaligo te Godigo Bidi Mu ugwaba sao, po wai. Te Godigo Bidi Mu wali te de dawe?” augwaligo te po wai.

Dwagi Yai Gesi Po Makgo Asęani 10:45

Magi baso meni, te ena Godigo Bidi Mu tama, tama ena me te bidigo ena tau sabo sę emainu me asobeo. Menio. Ena asali, te eno augwali tau sabo sę yainu asai, tama eno bidibo ulago digi te hauwa we bidi ma abelagasai dao,” Jisasgo te po wai.

Dwagi Yai Gesi Po Makgo Asęani 8:38

Tama te megi e sogo tǫde bidibo we bidi dabe augwali da, te aga bidi taga soayu penani ebo we tiwai da, augwaligo Godigo po taga soali, tama haniani dwai sę ebo dao. Te bidi augwali bidalubo tomode bidiyu, tama agai enade me te eno ola mabo pode me hale eyu ebaso da, teda nosali ena te Godigo Bidi Mu, ena me te bidide hale eyu aga nogi geme dualaluaibao, te eno ena Ayago genuai bomo yai ula dali, te wiegi yai tedali ensel mobo bidi dabe dali e tǫba ma asobo sogo tama tiaibao,” Jisasgo te po wai.

Matyu 25:31

Te po ma weyu, Jisasgo te po wai, “Nosali te Godigo Bidi Mu te tuni bidi ma asobode, tama tigidali ensel mobo bidi aga dali, te sogo aga te tuni bidigo wiegi yai sia saide dualagasaibao.

Matyu 15:21

Te Jisasgo te Genesaret tǫ tagalama, tama aga gasa tǫba pai, te hanu si nogi me Tair, me Saidon, te hanu si pąba pai.

Matyu 13:41

Te Godigo Bidi Mu agai aga sę ebo ensel mobo bidi dabe tagala palama, tama augwaligo te Godigo tonalubo we bidi tomode elalubo dwai dwai sę ilabo kolesaga me, te haniani gasa dwai sę ebo we bidi me, augwali tigidali sisinama

Matyu 12:32

Tama bidi mego dwai po me deli te Godigo Bidi Mu dali obaso da, teda Godigo te bidi agai sęgę te sela sąbo usu yaibao. Tiali goli bidigo dwai po te Godigo Mobo Bidi dali weyu da, te bidi agai sęgę te megi e tǫde bidibo sogo me te nosali me munu me te sęgę me sela sągobeo. Te sęgę me elalua peyu, bidada paibao,” Jisasgo te po wai.

Dwagi Yai Gesi Po Jongo Asęani 3:14

Polobadu Mosesgo te kapago nigai tibo hasamani te bidi meni yai bulude ni donogo ugwaba sai. Te tiwai yali gilama, tama augwaligo te Godigo Bidi Mu ugwaba sela mueibao.

Dwagi Yai Gesi Po Jongo Asęani 1:51

Tama Jisasgo agabolo ma naga wai, “Mu tamao, eno mu po dagebolo obao, nosali dagego dagalu dala pabo sueibao. Tama dagego Godigo dagalude sę ebo ensel mobo bidi augwali ugwaba holoyu, aiyaba duluyu ebo dagego sueibao. Tama augwali enaba asiyu yaibao, ena da te Godigo Bidi Mu dao,” Jisasgo te po wai.

Matyu 12:40

Tama polobadu te tiwai yai te bidi Jona sela sogo giligade me sela sogo hulide te genuai sųgų haliga tomode bidai, tama te tiwai yali gilama naga te Godigo Bidi Mu aga me te sela sogo giligade me sela sogo hulide e tǫ tomode bidaibao, te isai we bidi bidibo madide.

Matyu 16:27

Magi baso meni. Nosali Godigo Bidi Mu te aga Ayago genuai bomo me, ula me dali, te ensel mobo bidi dabe dali hodobo si asaibao. Te sogo te agai tigidali we bidigo yali kolesaga usu nama wei ponaibao.

Matyu 16:28

Eno mu po dagebolo obao, dage megi ede bidalubo bidi dabe me badu isisąbadi, dagego te Godigo Bidi Mu aga we bidi tonalubo sę yabo bomo dali asobo sueibao,” Jisasgo te po wai.