Matyu 15:23 - Godigo dwagi yai po buku

²³ Tiali goli Jisasgo te wego po wei ponobeo, sagia sai. Tama aga wali pabo bage augwali agaba aselama, tama aga homu begelemainogo te po wai, “Te we aga tagala palao. Aga da wali asiyu, da dali bomonama i weyu ebao,” augwaligo te po wai.

Matyu 15:23 Referans Kwoze

Matyu 14:15

Tama pio aga wali pabo bidi dabe augwali agaba aselama, te po wai, “Te ede bidi meni yai madigi dao, tama be pio yalio. Tama nago e we bidi augwali tagala palama, pomainao. Augwa te be nani dabeba tedela pelama, tama augwa nai abela tugi pomainao,” te po wai.

Te We Bidi Dabego Jerusalem Hagede Gela Wali 3:8

Eno i olama, Genuai Bidibolo ena tau sao po olama, hanalubo dao. Tiali goli, agai eno gedu haluasa po waboba olo saganama, odobo menio.

Godigo Nogi Ugwaba Sabo Tęąbi Po Wabo Buku Dabe 28:1

Genuai Bidi, nage da te ena seselalubo bidi dao, tama eno nageba i obao. Eno gela wabo odao. Te nago eno gedu haluasa po wabo wei ponisiąyu da, teda ena te isai we bidi dabe tiwai elama, tama te isali bidi dabego pesageba paibao.

Bomai Po 8:2

Dagego bugagia mu kone paliąo, God dago Genuai Bidi aga polasa peyu, tama agai dage te bobobage sunumidu asali tau sai dao. Dage te nai meni yai kemi sane bulude dage te kibu be bidi sese si 40, te tama te bulude bilai dao. Tama Godigo haniani sęgę taga palai dao, te dage usu sela suyu, te dagego te tigidali bomai po wali pogowe ma meniwe elama suainogo tiai dao.

Tigidali Nai Gagalama Nigali Side 42:7

Tama Josepgo aga ama dede sulama, tama polo agai augwali sulama, konea pali. Tiali goli, agai augwali dali po miani te agai augwali konesiąwai bage dali po mibo tiwai yai. Agai augwali dali po bomonama, tama te po wai, “Dage menadu asaliwe?” Augwaligo te po wai, “Da te Kenandu aselama, tama da nai abelagasu asali,” wali.

Matyu 15:22

Tama te Kenan tǫdu asai we me deli te bulude bidai, te we da te Israel hani isiąwai we dao. Tama te we Jisas pageba asama, tama te po wedu geai, “Genuai bidi, nage te polobadu bidali bidi Devit aga hani bidi, nage ena dali homu dene eyu, tau siyu yao. Eno wegi te dwai haubogo mu dagana sai, tama te dwai haubogo te wegibolo dene mu mabo dao,” te wego te po wedu geai.

Matyu 15:24

Tama Jisasgo augwalibolo po wei ponoyu, te po wai, “Te Israel we bidi hani augwali te hagawai kibu sipsip tiwai dao. Tama God agai ena tǫba tagala palali, te eno augwali naga tau somainogo asai,” Jisasgo te po wai.