Matyu 15:21 - Godigo dwagi yai po buku

²¹ Te Jisasgo te Genesaret tǫ tagalama, tama aga gasa tǫba pai, te hanu si nogi me Tair, me Saidon, te hanu si pąba pai.

Matyu 15:21 Referans Kwoze

Te Israel Tobolu Bidi Dabe 1:31

Tama Asergo hanigo te Ako me Saidon, me Alap, me Aksip, me Helba, me Afek, me Rehop, te tama hanude bidali we bidi te augwaligo me sela sąsiąwai.

Josua 13:6

“Tigidali Saidon bage, te augwali te Lebanon, me te Misrefot Maim te bulu du dabe elalubo tomo bulude bidalubo, tigidali te moni pedai hanu tomode bidibao. Te Israel dabe augwali asidubadi, tama eno digi te Saidon bage augwali gudulama, sela sąwaibao. Tama tialima, nago te tǫ usu selama, tama te Israel dabe augwalibolo menama, te augwa tǫ mu gagalama bidaibao. Nago te sę eno nagebolo wabo po tiwai gilama yao.

Josua 11:8

Tama Genuai Bidigo te Israel dabe augwali tau selama, tama augwaligo te boi bidi dabe aiyaba elaluai. Te Israel dabe augwaligo hwįyu, tama te boi bidi dabe pobeasa peyu, te tǫ bogo badu te genuai bulu Saidon teba usu nama, te Misrefot Maim dąį igi pelama, tama te giliga pedalubo badu, te odogo bulu Mispa, te badu saboligi pali. Augwaligo hwį hwį pali, te boi bidi dabe tigidali siliboba usu nai dao.

Tigidali Nai Gagalama Nigali Side 49:13

“Sebulun te tamu ąį pąde bidaibao. Te aga bidibo tama wę saneba te sip dabe tuagasobo madi elaluaibao. Te agai tǫ sesege badu te dąį igi pabo te Saidon buluba usu nugi paibao.”

Matyu 15:20

Tama te tebo kolesaga dabego te bidi Godigo gedude te dwai meda ilibo dao. Tiali goli bidigo duga wąįgo ola mani nogo wę telabo kolesaga isiąbadi te nai tubo, tebo kolesagago te bidi meda iligobeo,” Jisasgo te po wai.