Matyu 14:31 - Godigo dwagi yai po buku

³¹ Tama polo mu Jisasgo nogo munama, Pita nogogo tola sali, tama agabolo te po wai, “Nago naga homu tigidali enaba mubeo, dwasianu naga mawai. Magi baso nago homu si ebawe?”

Matyu 14:31 Referans Kwoze

Godigo Nogi Ugwaba Sabo Tęąbi Po Wabo Buku Dabe 138:7

Te sęgę hauwa enaba pedalubo sogo, nago ena tonalubaso, tama ena bugagia bidibao. Te boi bidi dabego enaba wado ebo dao, tiali goli, nago augwali dali hwįyu elama, tama nago bomogo naga nago ena ma sabo dao.

Matyu 8:26

Tama agai augwalibolo te po wali, “Magi baso dage wi ebawe? Dagego homugo enade konealu po dąų wabo te dwasianu naga dao.” Tama aga hodaluama, te wali dali te moni wę dini te sia sao po wai. Tama te wali yali sia siyu, tama te wę memenege dwasianu me ebeo.

Tigidali Nai Gagalama Nigali Side 22:14

Tialima, Abrahamgo te bulu nogi poali “Yawego mawaibao.” Tama bidi dabego megi tama me te po wabo, “Yawego aga bulu dude te sǫą pabo nai mawaibao.”

Matyu 17:20

Tama agai te po augwalibolo wai, “Dagego homu Godiba dwasianu naga begi pobaso, dagego te sę yainogo ebo te usu meni dao. Awe, eno mu po dagebolo obe dao, te dagego Godiba duga homu begi pabo kolesaga te dwasianunu, te kemeni ge tiwai usu elalubaso da, teda dagego e bulu dubolo te po weyu da, ‘Nage hodaluama tama u badu pao’ wabo si da, tama aga teba paibao. Tama dagego te tiwai bomai sę tigidali ebo te usu yaibao.

Dwagi Yai Gesi Po Makgo Asęani 5:41

Tama agai te wegi nogo tolalu, tama agabolo weyu, te po wali, “Talita kumi.” Te po begelama tama dena pogo te po page e tiwai dao, “Dwasianu wegi, eno nagebolo obao, nage hodaluao,” wali.

Dwagi Yai Gesi Po Makgo Asęani 1:31

Te po olama, tama Jisas agaba pelama, tama aga nogo tola sigi pelama, hodolali. Tama te tigi posolo gasi agade elaluali tagalama, tama te wego augwali nai sisi ilibo sę yai.

Matyu 16:8

Tama Jisasgo augwaligo wabo po koneama, tama agai te po wai, “Aua, dage da te enaba duga homu dwasianu muani bidi dabe da. Magi baso duga digi te po weyu, ‘Te da bret menio’ te po obawe?

Aisaia 63:12

Agai te aga genuai bomo te Mosesba mawai. Agai te tamu ąį si badu peda somainu elama, te aga we bidi dabe te ąį nogelama, u badu pedaiba sabolali, tama te kolesagade aga genuai nogi sali, te sesemane elalumainu yai dao.

Godigo Sęba Tagala Palai Bidigo Po 4:30

We bidigo nago bomo sumainao. Gasi ebo we bidi dwagi yai ma ilao. Da tagala palama, nago dolo sę ebo bidi agai nogide we bidigo polobadu susiąwai bomai sę emainao,” augwaligo te po wai, Godibolo.

Dwagi Yai Gesi Po Lukgo Asęani 24:34

Tama augwaligo te bidi sibolo te po wai, “Mu tamao, Genuai Bidi ma hodaloai, aga ma pedalobo Saimongo suai,” augwaligo te bidi si dali te po wai.

Dwagi Yai Gesi Po Makgo Asęani 16:7

Tiali goli dagego te aga wali pali bidi dabebolo wagi piąo, tama Pitabolo wao, ‘Jisas aga te dage asabo madi te Galili tǫba polasa pobao. Te agai polobadu wali po tiwai gilama, te dagego aga te Galili tǫde sueibao,’” agai te po wai.

Dwagi Yai Gesi Po Makgo Asęani 11:23

teda dagego te bulu dubolo po weyu, ‘Nage hogodama, tama nage te tamu ąįba samonao,’ te po wagameo. Tama homu si me isąyu, tama duga homude Godide konealubo po dąų naga olama, te po weyu, ‘Eno te wali po te mu po pedalaibao,’ te homu mu eyu da, teda dagego te bulu dude wali po gilama te sę mu pedalaibao.

Dwagi Yai Gesi Po Makgo Asęani 1:41

Tama Jisasgo aga homu dene mu ebaso, tama agaba nogo munama diąyu, tama agabolo te po wai, “Awe, eno homugo nage gasi usu ilaibao. Tama nage wiegi yai pedalao, te meda meni yai bidi bidao,” te po wai.

Matyu 6:30

Tama te gide megi elaluali noswai, tama do da te noswai augwaligo togolama, siaba sąwaibao. Tama te tiwai olo noswai te Godigo au ilibo dao. Tama dage te konealubo po dwasianu naga dąų wabo we bidi, dagego mu koneiąo. Godigo dage me bugagia tonaluyu, te ugwa dabe dagebolo me mu mawaibao.

Bomai Po 32:36

“Tama Genuai Bidigo aga hani we bidigo bomo sia selama, deli deli bidi naga bidibo subaso da, teda agai augwali te deli deli bidi dabe hobede elama, tama augwali agai sę ebo bage augwali ma oda saibao.

2 Timoti 2:8

Tama eno homugo te tigidali bulu bidi dabe augwaligo gedu haluasa po omainogo homu ebao. Eno homugo augwali Godigo kolesaga naga wali pabo bidi dabe bidu, tama haliga sębę me wado po wabo tagaliyu, tama augwa nogo ugwaba siyu, te augwaligo gedu haluasa po omainogo ebo dao. Nago augwalibolo tama tiao po wao.

1 Pita 1:5

Tama dagego duga homu tigidali te Krais agaba mubaso, God agai bomogo dage bugagia tonalubao. Tama nosali te tigidali nai silabo bodolu mani sogo pedalobo si, agai te we bidi ma dobola sabo kolesaga polobadu sisi ela muani te sogo waselaibao. Tama tibaso, megi agai dage bugagia tonalubao.

Matyu 14:30

Tiali goli agai te wali asobo sulama wi yali, tama aga te ąį tomoba tigi dwasianu hoasainogo yai. Tama agai bomonama i weyu, te po wai, “Genuai Bidi, nago ena tau sao,” te po wai.

Matyu 14:32

Tama augwali si te gebaba hola soabo side da, tama te moni wali sia sai dao.

Dwagi Yai Gesi Po Makgo Asęani 4:40

Tama agai aga wali pabo bidi dabebolo te po wai, “Magi baso dage te tiwai wi ebawe? Te dagego enade te konealubo po dąų weyu enaba duga homu me tialubo meniwe?” te po wai.