Matyu 14:25 - Godigo dwagi yai po buku

²⁵ Tama te be posabo magade Jisas te sigi ąį daidu pelama, aga wali pabo bidi dabe augwali bidibo gebaba pedalainogo pai.

Matyu 14:25 Referans Kwoze

Jopgo Po Asęani Elalubo Buku 9:8

Agaduba deligo naga dagalu ugwade dinigina palai dao. Te tamu ąį holobo sogo da, te ąįba hologobe aga ugwadu bilibo dao.

Dwagi Yai Gesi Po Jongo Asęani 6:19

Augwali te gebadu ąį todogo pali, te kilomita a naga ma te a naga olama me badu nogo deli tama dąį egi pai. Tama augwaligo suali, Jisas ąį daidu asiyu tama te geba pąba sabolainogo asai. Tama augwali moni wi yai.

Dwagi Yai Gesi Po Makgo Asęani 6:48

Tama agai suali, te waligo augwali degelainogo ebaso, tama augwali te wę togobo sę dene mu yai. Te be posabo pąde, teda Jisas te sigi ąį daidu augwali bidiboba pali. Agai te augwali ela soainogo yai.

Matyu 24:43

Dagego homugo te sęde koneao, te be page bidigo hasia bolo te nisu sogo hulide te nai wi sabo bidi asobo te agai konegi sogo da, teda agai bugagia tonalugi baso, tama te nai wi sabo bidigo agai be aluama, te tomoba soabo si te me gogolama me sula tagaligi menigi da.

Dwagi Yai Gesi Po Lukgo Asęani 12:38

Te genuai bidi huli tomode me, ma be posabo magade te ba gogolo po hasia sogo obadi me, te aga asabo konesiąbaso, te augwali sisi elasa bidibadi yaide, aga te huli tomode me, ma be posabo magade me aga asobo si, te augwali dwagi yai pemene mu yaibao. Tama te po konealu iyąo.

Godigo Nogi Ugwaba Sabo Tęąbi Po Wabo Buku Dabe 104:3

Tama nago be ąį daide ugwadu sęwai. Dagalu pǫ te nago dulalubo nai karis tiwai, tama waligo nage selasa pabo dao.

Kraisgo Geme Dualali Sę Pedelabo Po Jonbolo Ola Mani 10:5

Tama te ensel mobo bidi tamadi eno te tamu ąį de tǫ si tede dolalubo suali, agai dolo nogo dagaluba ugwaba muai, agai wabo po dąų omainogo,

Kraisgo Geme Dualali Sę Pedelabo Po Jonbolo Ola Mani 10:2

Tama agai nogode dwasianu buku tolaluai, tama te buku dagawai elaluai. Tama aga dolo sągą te tamu ąį daide muai elaluali, tama aga pobase sągą te tǫ daiba ugwadu munama elaluai.

Kraisgo Geme Dualali Sę Pedelabo Po Jonbolo Ola Mani 10:8

Tama te eno polobadu dagaludu po me deli asiyu wali po odali tiwai, agai enabolo te po ma wali, “Te dagawai elaluali buku te tamu ąįde me te tǫde dali me te dolalubo ensel mobo bidigo nogode tolalubo buku nage pelama sigi pao,” te po wali.

Dwagi Yai Gesi Po Makgo Asęani 13:35

Tama te dagego me te tiwai gilama bugagia tonaluiąo. Te be page bidi aga nisu sogo asabo te dagego konebe. Te aga pio asogowe, ma huli tomode asabo me, ma te be posainuba po obadi me, ma te kigamu asabo me, te dagego konebe dao.