Matyu 14:19 - Godigo dwagi yai po buku

¹⁹ Tama agai te we bidi augwalibolo po olama, augwali te noswaide duada pao te po wai. Tama agai te a naga bret badi te sųgų si dali selama, tama agai dagaluba ugwaba tonaluyu, aga Ayabolo nage usu dao po wai. Tama agai te bret pedama, tama aga wali pabo bidi dabebolo menama, tama aga wali pabo bidi dabego te we bidi augwalibolo te nai dobaba pai.

Matyu 14:19 Referans Kwoze

Dwagi Yai Gesi Po Lukgo Asęani 24:30

Nosali augwali nai tuainogo, tama Jisas augwali si dali dulaluai. Tama Jisasgo te giguai nai bret selama, Godibolo hanaluyu usu da wai, tama te nai togolama, augwali sibolo mawai, Jisasgo.

1 Samuel 9:13

Tama dage si te taun tomoba pabo sogo, te dage sigo aga sueibao, magi baso meni, aga te taunde me bididuaibao, tama aga te bulu duba nai tugi peyu pabeo. Agai te we bidi meba te ofa yali kibu mi tuagasomainu i wali. Tiali goli, te augwaligo agabolo asomainu tonalu, te aga sabalubo si te nai tueibao. Te aga asobo si da, teda agai te Godiba hanalu, te ofa wiegi yai ilimainu elama, tama nosali augwa te nai tueibao. Dage si asesa polo pobaso da, te dage sigo aga subaso usu yaibao,” wali.

Godigo Sęba Tagala Palai Bidigo Po 27:35

Tama te po olama, Pol agai te bret nai selama, te bidi dabe gesabidide Pol agai Godibolo nage usu da olama, te nai nogogo pebedama, tubo gagalali.

Dwagi Yai Gesi Po Makgo Asęani 6:41

Tama agai te a naga bret dali te sųgų si me sali. Tama agai te dagaluba tonaludama, tama puba hwi po Godibolo walio. Tama agai te bret pebedama, tama te aga wali pabo bidi dabebolo menama, tama augwaligo te we bidiba dobaba pali. Tama te sųgų si me tologolama, tama te tigidali we bidiba dobaba palio.

1 Korin 11:24

te bret selama, tama te naide Godibolo puba hwi po olama, tama te bret pebedama, tama aga dali bidali bidi dabebolo mayu, te po wali, “Te eno tigi dao, te eno dage tobade mobao. Dagego tigidali sogo tama tidu gebo si ena homugo koneao,” agai te po wai.

Polgo Po Pas Rom Dabeba Asęani 14:6

Bidigo homugo deli sogo te polalubo genuai sogo da homu eyu da, te bidigo te Genuai Bidigo nogi ugwaba somainogo tama tebo dao. Te tigidali nai tubo bidi me, te bidigo te Godibolo te tubo naide puba hwi po obaso tama te nai tubo si agai te Genuai Bidigo nogi tama ugwaba sabo dao. Me ma, te tigidali nai me tusiąbo bidi me, agai te Genuai Bidigo nogi ugwaba siyu, tama Godibolo te puba hwi po weyu ebadi, aga nai meba tubo menio.

Kolosi 3:17

Tama tigidali sogo dagego po obadi ma dagego nogogo sę ebadi, te tigidali ebo kolesaga dagego dago Genuai Bidi Jisasgo nogide yao, tama agai dage dali yali sęde dagego dago Aya Godibolo puba hwi po weyu bidao.

1 Korin 10:16

Te dago komunion tubaso da, dago te kapde gedu haluasa po olama tama Godibolo puba hwi po wabo dao. Te kapde elalubo wain ąį da tigidali deli deligo tubo si da, tebogo dago te bidi Kraisgo tigi kaneme dobayu tubo dao. Tama dago komunion tubadi, dago te dwasianu pebedama dobaba pabo bret, dago te bret tubo si da, tebogo dago te bidi Kraisgo tigi mi dobayu tubo tiwai ebo dao.

Dwagi Yai Gesi Po Lukgo Asęani 9:14

Jisasgo aga bidi dabebolo weyu,” Te we bidi dabe dugayao po wao,” po wali. “Bugulama, te haniani nani elama, duga duga pao, te bidi sese si olama nogo si te 50 50 naga nidigi pelama, dugayao wao,” te po wali.

Dwagi Yai Gesi Po Makgo Asęani 7:34

Tama agai te dagaluba tonaludu, tama mobo bomonama ponani, te aga homude gela wabo tiwai elama, tama agai agabolo weyu te po wai, “Efata!” po wai. Te tiwai wali, “Nago olo dala pao,” wai.

1 Korin 10:31

Te dage tomode bidi me deligo te po obaso, eno e po agabolo wei ponaibao, te dagego te nai tuyu me wę tuyu ebode, ma dage gasa sę ebo si da, dagego gasa we bidide homugo koneao, augwaligo Godigo nogi ugwaba somainogo eyu dagego duga kolesaga tigidali tama bugagia tiao.

Dwagi Yai Gesi Po Jongo Asęani 6:23

Tama augwaligo homu hauwa ebadi yaide, Taiberius bulu du asai geba meba teba poloba tuagasai, te Genuai Bidigo Godibolo nage usu da olama, tama te we bidi hauwa augwaligo nai tuali madigi pąba.

Dwagi Yai Gesi Po Makgo Asęani 6:39

Tama agai augwalibolo te po wali, “Tigidali augwali te wiegi yai nosaide wasisi pelama, duada piąo wao,” te po wali.

Dwagi Yai Gesi Po Jongo Asęani 11:41

Te agai te masigi sela sąyao te po obaso, augwaligo te masigi sela sąwai. Tama Jisasgo dagaluba tonaluyu, te po wai, “Aya, eno nagebolo nage usu dao obao. Nago eno hanalu wali po nago odai dao.

Dwagi Yai Gesi Po Lukgo Asęani 22:19

Te Jisasgo agai te diluai nai bret me selama, Godibolo nage usu dao olama, tama te nai bret nogogo togolama, aga bidi dabebolo dobawai. Agai te po wai, “E nai eno tigi mi dao. Eno dage tau somainogo mobao. Tuao. Ena isilama, dage nosali tama tuyu, ena konealu bidao,” te po wai.

Dwagi Yai Gesi Po Lukgo Asęani 9:16

Tama Jisasgo te bret a naga badi, sųgų si badi selama, dagaluba tonalu, Godibolo nage usu dao wali. Nage usu da olama, te nai pebedama, Jisas aga dali bidibo bagebolo menama, te bagego ma te we bidi dabebolo doboba pali. Te tibadi yaide, te tubo nai kua pali. Augwaligo te nai tulama, tabiali.

Matyu 14:18

Agai te po wai, “Te nai enabolo edaba sela asao.”

Dwagi Yai Gesi Po Lukgo Asęani 22:17

Te Jisasgo agai te bono du kaneme wain wę pągąwai kap selama, Godibolo usu da po olama, tama aga bidi dabebolo mayu, te po wai, “Dage te bono du kaneme wain wę selama, duga hasi tomode dobola selama, tuao.