Matyu 14:15 - Godigo dwagi yai po buku

¹⁵ Tama pio aga wali pabo bidi dabe augwali agaba aselama, te po wai, “Te ede bidi meni yai madigi dao, tama be pio yalio. Tama nago e we bidi augwali tagala palama, pomainao. Augwa te be nani dabeba tedela pelama, tama augwa nai abela tugi pomainao,” te po wai.

Matyu 14:15 Referans Kwoze

Matyu 15:23

Tiali goli Jisasgo te wego po wei ponobeo, sagia sai. Tama aga wali pabo bage augwali agaba aselama, tama aga homu begelemainogo te po wai, “Te we aga tagala palao. Aga da wali asiyu, da dali bomonama i weyu ebao,” augwaligo te po wai.

Dwagi Yai Gesi Po Lukgo Asęani 9:12

Giliga aiyaba osoga sobadi yaide, Jisas aga wali pabo bidi dabe augwali aga pageba aselama, agabolo te po wali, “E bidi meni yai digi dao. E we bidi tagala palama, augwa digi tuabo nai me, piabo be me gegemainao, te dwasianu be nani dabede me, te gi dabede me.”

Dwagi Yai Gesi Po Makgo Asęani 8:3

Tama augwali nai sili bidai elalubadi te eno augwali te augwa beba pomainu tagala palali da, teda augwali tomode pobadi te gedu te gęǫ page elama, te augwali sunumiba tulaluaibao. Meba augwali te digibulu asiyu asalio,” te po wai.

Matyu 14:13

Te Jisasgo te Jon isali po wabo odama, tama agai te bulu tagalama, tama geba me deli selama, tama ąį daidu peyu, aga te bidi meni yai bulu badu pali, aga wali pabo bidi dabe augwali naga aga dali pali. Tiali goli te we bidi augwaligo aga pali po odobaso, tama augwali te hanude bidali tagalama, tama augwali aga pali wali pai dao.

Matyu 14:14

Tama nosali Jisas aga te gebadu pelama, te wę u badu tugi pelama, tama agai genuai we bidi bidalubo suali. Tama agai augwali homu dene mu ebaso, tama agai augwaligo gasi sai bidi dabe usu ma ilali.

Matyu 14:16

Tiali goli Jisasgo augwalibolo te po wai, “Magi baso augwali pomainogowe? Duga digi augwali nai mao.”