Matyu 13:54 - Godigo dwagi yai po buku

⁵⁴ Tama aga page buluba pali, tama Godigo po agai te augwa bomo yai po odobo be tomode ola mawai. Tama augwali noma mu siyu, te po augwa hasi wai, “Te kolesaga koneani, me te bomai sę tigidali, te bidi agai magi ilama te tigidali kolesaga saliwe?

Matyu 13:54 Referans Kwoze

Matyu 7:28

Jisasgo wali po silagasu te po wali, tama tibaso te genuai we bidi hani augwaligo te po odama, augwali te pode noma mu siyu bidai dao.

Matyu 4:23

Te Jisas aga te moni tǫ Galili te tigidali sesege badu aga biligi pai. Agai aga ola mabo po te Juda dabego bomo yai po ola mabo be tomode te we bidibolo ola mawai. Tama ola mayu, agai augwalibolo te Godigo we bidi tonalubo sęde te gesi dwagi yai po pusali, tama te tigidali haniani gasi dabe me te tigidali dwai naigo te tigi dolai we bidi augwali tigi usu ma ilai dao.

Matyu 2:23

Tama te tǫba sabolama, tama aga te hanu me nogi Nasaret te hanuba bidigi pai. Tama te sę yaligo da te Godigo po pusali profet dabego wali po usu nubao, “Tama augwaligo aga te Nasaret hanu te bulu bidi dao, te po waibao,” te po wali.

Godigo Nogi Ugwaba Sabo Tęąbi Po Wabo Buku Dabe 22:22

Nago tama tiwai ebaso da, teda eno te ena hani bidi dabebolo nago yali sę po pusaibao. Augwali te lotu weyu, deliba sisinibo side, tama eno nago nogi te augwali tomode ugwaba saibao.

Godigo Sęba Tagala Palai Bidigo Po 13:46

Tiali goli, Pol dali Barnabas sigo bomo selama, wi isąma, te po wai, “Dago koneai, Godigo po hasia bolo dage Juda haniba mawainu yai. Tiali goli, dagego agai po sela sąbaso da, teda dago dage Juda hani taga paibao. Duga homugo tama te da, dagego bugagia bida bida pabo kolesaga sogobeo homu ebaso da, teda da te Juda hani isąwai we bidi haniba tau sigi paibao. Godigo dabolo te bomo yai po wai dao,

Godigo Sęba Tagala Palai Bidigo Po 4:13

Te Pita dali Jon sigo te po tama olama, wi meni baso, te Judago po tų ebo kaunsil bidi dabe noma sai. Augwaligo odai, te bidi si skulba pabe, olo bidi si naga dao, tama tibaso, augwali noma sai. Augwaligo te sogo koneai, te bidi si Jisas dali bidai dao.

Dwagi Yai Gesi Po Jongo Asęani 1:11

Aga bulu muba asai. Tiali goli aga hani augwaligo aga sabeo, gesebeo.

1 Samuel 10:11

Tama te polobadu aga koneani, te mena we bidi augwaligo agai te profet bidi dabe dali te tiwai kolesaga ebo sulama, tama augwa hasi hanalu, te tiwai wali, “Magi sę te Kisgo ogwa Solba pedalubowe? Aga me te profet pedelainu ebowe?”

Dwagi Yai Gesi Po Lukgo Asęani 2:47

Agai po odali we bidi dabe tigidali noma sali, “Agai homu poa pelamubao, agai pusali po dwagi yai po dao,” wali.