Matyu 13:48 - Godigo dwagi yai po buku

⁴⁸ Tama te sųgų sabo wa pągą baso, teda augwaligo te wa kegasa te ąį saniba tuagasobo dao. Tama augwali dualama, te wiegi yai sųgų naga te genuai pede mebaba sisinaibao. Tiali goli te dwai sųgų dabe da, te augwaligo te sela sąbo dao.

Matyu 13:48 Referans Kwoze

Matyu 13:30

‘Dagego te si dali si holomainao, te si holama, tama te nai sabo sogode te usu naibao. Tama te nai sabo sogo eno te nai togwa sabo sę ebo bidi augwalibolo te po waibao, “Dagego te dwai noswai bolo hasia sisinama, tama dunama, siade ulainogo kęnama muao. Tiali goli, dagego te wit da, te te sisinama te eno nai mubo beba muao,” eno te po waibao,’ te bidigo te po wali,” Jisasgo te po wai.

Matyu 3:12

Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.

Matyu 4:18

Te me sogo Jisas te Galili sigi wę sesegedu pobadi, tama agai te augwali ama name si suali, te bidi me nogi Pita, me aga ama, Andru, augwali sigo te sųgų sabo wa te sigi węba sąbo sę yai. Te augwali sigo te sųgų selama mone sabo bisnis sę yai dao.

Matyu 13:47

“Ma, te Godigo we bidi tonalubo sę e tiwai dao. Bidi dabe augwaligo te sųgų sainu te genuai sųgų sabo wa te sigi ąįba sąnama, tama haniani sųgų te wa tomoba pabo te tiwai dao.

Matyu 13:49

Tama e tǫ de dagalu si silibo sogo te tiwai gilama naga yaibao. Te Godigo sę ebo ensel mobo bidi dabe augwali aselama, te dwai kolesaga yali bidi dabe te doloba pai bidi dabe tomode bidibo te dagalama, sela sąwaibao.