Matyu 13:3 - Godigo dwagi yai po buku

³ Tama agai po digi po hauwa begelama augwalibolo wai. Agai te po wali, “Te bidi me deli pelama, te giba nai wai ge telala biligi pai.

Matyu 13:3 Referans Kwoze

Dwagi Yai Gesi Po Makgo Asęani 4:13

Tama Jisasgo augwalibolo te po hanalu wai, “Dagego te eno po digi po begelama wali po page me konebe dawe? Tama tiyu da, teda dagego mena tama te begelama wabo po page tigidali koneaibawe?

Dwagi Yai Gesi Po Makgo Asęani 4:33

Jisasgo te we bidi augwalibolo te po digi po hauwa begelama, te tama tiwai agai po pusali, te augwaligo homu kolesagaba muabo usu po naga wai dao.

Matyu 13:53

Jisasgo te po digi po wali te po dabe ola silama, tama agai te bulu tagalama pai.

Godigo Nogi Ugwaba Sabo Tęąbi Po Wabo Buku Dabe 78:2

Eno dageba te po dabe pusainu ebao. Eno te haniani sę dabe te polobadu geme dualaluali sę me te megi e sogoba usu nagasu, te po pusaibao, tama eno te po dabego page dagebolo pusaibao.

Dwagi Yai Gesi Po Makgo Asęani 12:12

Te Juda dabego tobolu bidi dabe augwaligo Jisas pageabi elama tuainu yali, tiali goli augwali te we bidide wi yai. Augwaligo koneani, Jisasgo te po digi po begelama, te augwali tobolu bagede wai. Tama augwaligo aga taga peyu, tama augwali palio.

Godigo Nogi Ugwaba Sabo Tęąbi Po Wabo Buku Dabe 49:4

Eno po digi po begelama, hasia meba pusaibao. Tama eno dwagi yai tęąbi gita dali elama, tama dagebolo te po begelama wali po page pusaibao.

Dwagi Yai Gesi Po Jongo Asęani 16:25

Te Jisasgo te po wai, “Te eno te po begelama, dage dali wai dao. Nosali eno po begelama, dage dali ma wagobeo. Te meni. Eno po hanilama, Ayade po dage dali waibao.

Dwagi Yai Gesi Po Lukgo Asęani 12:41

Te Pitago Jisasbolo hanalu te po wali, “Genuai Bidi, nago te wali po digi po dabolo naga obawe, ma tigidali bagego me odomainu waliwe?” te hanalubo po tama Pitago wali.

Dwagi Yai Gesi Po Lukgo Asęani 8:10

Jisasgo wei ponoyu, te po wali, “Godigo te we bidi tonalubo bomo geme dualalubo po page dagebolo da hanilai dao. Tiali goli, gasa we bidi dabebolo eno te po digi pogo naga ola mobe dao. Augwaligo gegali goli, te susiąmainu eyu, te odali goli, te konesiąmainu tebo dao,” Jisasgo te po wali.

Dwagi Yai Gesi Po Makgo Asęani 12:1

Tama Jisasgo te po meba begelama, te Juda dabego genuai bagebolo wai. Agai te po wali, “Te bidi me deli agai te bono du wain gi bulama, tama obogo bagulali. Tama agai te wain bono du ąį sabo agabo madi nigilama, tama te gi tonaluabo bidigo bobage sigi be me deli sę yani. Tama agai te gi te bisnis sę yainogo ebo bidi dabe mebago nogoba muai. Tama aga digi te aga digibulu bulu habuba palio.

Dwagi Yai Gesi Po Makgo Asęani 3:23

Tama te po obaso, Jisasgo augwali aga pąba asomainogo i olama, tama agai te po meba habu sugunama te po begelama wali. Agai te po wai, “Te magi ilama tama te Satango te Satan aga digi te sela sąwainogo ebo usu yaibawe? Woo, te Satango aga digi me sela sagobeo.

Matyu 24:32

“Dagego te ni kayade koneiąo. Te agai nologode te wę elaluyu, te gesi yabe pedalabo sogo, dagego koneaibao, te sogo te dwagi yai giliga nanobo si pedalainogo ebao, te po wabo dao.

Habakuk 2:6

Tialima, te tǫ pedai kantri bulu we bidi augwaligo te augwali tonalubo Babilon bidi dabeba posobo po waibao. Te augwaligo te tiwai po augwaliba waibao, “Dage te gasa hani bidi dabego doado bage anoma elama sabo bidi dabe dao, te dage dolaibao. Nisu sogo te bidi dabego dagego nai negeli elalubo wei ponomainu selibo sę ebo kolesaga tagalaibawe?” te po waibao.

Maika 2:4

Te dwai sę dabe pedalubo sogo da, te bidi dabego dage dolali po mimi pelama, te dageba posobo po waibao. Tama augwaligo te tibo homu dene eyu, te tiwai tibo gela wabo weyu, balia po waibao, ‘Da mu dolali dao. Genuai Bidigo dago tǫ salio. Agai te tǫ te da kalabus yali bidi dabeba dobayu, mawai dao.’ Augwaligo te po waibao,” Genuai Bidigo te po obao.

Esekiel 20:49

Genuai Bidigo po ola simanobo si da, tialima eno te tama po wei ponani, “Hobede ya, God Genuai Bidio, eno te po augwalibolo pusubo si, magi yaibawe? Tigidali we bidigo eno te tobage begelama pusubo po odobo hagela ebo dao.” Ena Esekiel eno te po wali.

Esekiel 17:2

“Tǫde bidio, eno homugo te po me deli begelama, te nago te Israel dabeba po digi po pusumainu homu ebao,” wali.

Matyu 22:1

Te Jisasgo po digi po begelama augwalibolo te po ma weyu te po wai,

Matyu 13:4

Tama agai te nai wai ge telala pobadi, tama te nai wai ge me badu te soabo tųde tudulaluali. Tama te tųde tudulaluali nai ge te ba dabego tuagasai.