Matyu 13:23 - Godigo dwagi yai po buku

²³ Tiali goli te tedela palali nai wai ge te wiegi yai ili yai elalubo tǫba tudulaluali po wali da, te bidigo po odama tama te po page bugagia koneani dao. Te tobage we bidi augwaligo nai ge walaibao, te 100, ma 60, ma 30 tama walobo dao,” Jisasgo te po wai.

Matyu 13:23 Referans Kwoze

Filipai 1:11

Tama Jisas Krais agai naga pedalabo dolo mu yai kolesaga augwali dagede geninama pedalama, tama dagego ebo kolesaga tigidali te tiwai naga elaluaibao. Tama tebogo Godibolo bomo yai ula dali genuai nogi si mawaibao. Eno dagede te homu eyu, Godibolo gedu haluasa po wabo dao.

Dwagi Yai Gesi Po Jongo Asęani 15:16

Dagego ena sai olama, sa mubeo. Eno dage sa muyu, dage ena bage dao wai dao. Tama eno dage sęba muai dao, tama dage pelama, du gilama walama, tama dagego du elalumainogo, te da eno dage sa muani page dao. Tama dagego tama du waloluyu da, eno nogide dagego magi sę me yainogo, eno Ayabolo hanalubaso da, agai dage tau siyu, te nai mawaibao,” Jisasgo te po wai, aga wali pabo bidi dabe dali.

Matyu 12:33

“Te wiegi yai nigo da, te nai me wiegi yai walaibao. Ma, te dwai nigo da, teda te nai me dwai walobo dao. Tama te bidi dabe augwaligo te nai bolo sulama, tama augwaligo koneaibao, te ni wiegi yai yaliwe ma dwai yaliwe naga osola subo dao.

Matyu 13:8

Tiali goli te telala pali nai wai ge me badu te wiegi yai tǫba tudulaluali, tama te nai du walali. Meba te 100, tama me badugo te 60 walali, tama me badugo 30 tama waliyu yai,” wali.

Kolosi 1:6

Tama te gesi wiegi yai po pusubo bidi dabe augwali te tigidali tǫba tedali pelama, tama tede bidibo we bidibolo te po pusama, tama tebogo te we bidi dali dwagi yai sę ebo dao, te ni aga du bugagia walobo tiwai ebo. Te dage tomode me te tiwai yai dao. Hasia dagego te Godigo olo tau sabo wiegi yai kolesaga po odama, tama te kolesagago dage tau selama, tama te kolesaga dagego kuna konebo dao. Tama te sogo gagalama tama megi e sogoba usu nagasama te wiegi yai pogo dage tomode aga du bugagia walobo dao.

Matyu 3:8

Tama dagego homu kolesaga begelebaso da, teda dagego dwagi yai kolesaga naga yao. Tama tiyu da, dagego duga homu kolesaga mu begelali te dago hania koneaibao.

Dwagi Yai Gesi Po Lukgo Asęani 13:9

Tama nosali, du walobaso, usu da. Tiali goli e ni haga walisiąbaso, eno gelaibao,’ te gi sę ebo bidigo te po wali,” Jisasgo te po wai.

1 Jon 5:20

Dago koneai, Godigo Ogwa aga asai, tama agai homu kolesaga da mawai, dago te God aga God mu dao, te dago konemainogo te kolesaga da mawai. Da aga Ogwa Jisas Krais dali wadolama bidibaso, tama da God dali bidibo dao. Te Krais da, te aga God mu dao, tama agai te bidibo ula sesemane sogo bidada peyu, bidada pabo ula mabo dao.

2 Pita 3:18

Me ma, dage te dago Genuai Bidi me te da ma sali bidi Jisas Kraisgo olo tau sabo kolesagade bidiyu, tama dagego aga koneanio. Tama dagego te olo tau siyu mabo kolesaga me mu siyu, tama dagego Krais aga konebo kolesaga hauwa siyu bidiąo. Tama agai te genuai ula yai bomai nogi megi elalubao, tama te nogi sesemane sogo mu bidada peyu, bidada paibao. Mu dao.

Kolosi 1:10

Tama agai te homu kolesaga dagebolo mobaso, teda dagego ebo kolesaga te dago Genuai Bidigo gedude te usu yaibao, tama te kolesaga tigidaligo aga homu dwagi yai ilaibao. Tama dagego haniani dwagi yai sę yaibao, te dwagi yai ni aga du walobo tiwai yaibao. Dagego God koneama tama te konebo sę genuai pedalaibao.

Hibru 8:10

Tama Genuai Bidigo po ma wai, “Te tama tiali sogo te hasia silali. Tama nosali eno gasa augwali tau somainogo dąų wabo po augwalibolo mawaibao. E tiwai yaibao. Te eno bomo yai po dabe tigidali te eno augwaligo homu tomoba munama, tama eno augwaligo homu kolesaga tomode te po asęaibao. Tama ena augwaligo God bidiyu, tama augwali te eno we bidi bidiyu yaibao.

Hibru 4:2

Dago te Godigo bukude te toma nabo pesagede wiegi yai po pusali te odai, te Israel dabego polobadu odali po tiwai. Tiali goli augwaligo te po olo dali odolama, tama tede augwaligo homude te konealubo po dąų me wabeo. Tama tiyu, augwaligo te odali po, te pogo augwali tau me sabeo.

2 Tesalonaika 2:10

Tama agai tigidali ili po wabo dwai kolesaga eyu, agai te hagayabo tųdu pabo bidi dabe dali tibo po waibao. Tama te bidi dabe augwaligo te Godigo mu po dago odaio homu egi sogo da, teda God agai augwali ma sigi da. Tiali goli augwaligo te Godigo mu po odobo hagela yai.

1 Tesalonaika 4:1

Dago abagi dede, dago gasa po me elalubo. Tama da te Genuai Bidigo po sela pabo bidi dabe dao. Tama tibaso, dagego e po tudiba muidali weyu, tama dago bomo elama, dagebolo e po megi obao. Polobadu dago te Godigo gedude dwagi yai dolo yai kolesaga ebo po dagebolo ola mawai. Tama dago te tobage po dagebolo ola menama, tama dagego te po odoyu, wali peyu bidibo dao. Tiali goli, megi dago bomo elama, dagebolo e po megi obao, te dagego dene siyu te tobage sę tigidali dagego bugagia mu yao.

Filipai 4:17

Te dagego ena tau sabo badi, te eno dagego enabolo mani masigi gede homugo kone paluyu sabo homu ebo meni. Te meni. Eno homugo Godigo te dagego ena tau siyu duga nai dobabo dwagi yai sę ebo sulama, tama agai nosali dage wei ponaibao.

2 Korin 9:10

Godigo nai wai te bidibolo bulumainogo menama, tama tigidali bidibolo tubo nai menama tama augwaligo tubo dao. Teda Godigo dage usu nama te nai dabe mayu, tama dagego te gasa Godigo po odobo we bidibolo tau sabo kolesaga genuai mu ilaibao. Tama dagego doloba pai kolesaga umabo mu pedaludaibao, te bidigo nai wai bulai digi tama nosali te nai umabo mu walobo tiwai iduaibao.

Godigo Sęba Tagala Palai Bidigo Po 17:11

Te Beria bidi dabe te Tesalonaika be nani bidi hani tiwai meni. Te polobadu te Tesalonaika bagego tega sigo po polo sela sąwai dao. Tiali goli, te Beria bidi hani augwaligo da bugai homu elama, te po odali. Tama tigidali sogode Godigo po asęai bukude nedali, Polgo wali po usu niba pabo wenama suali.

Godigo Sęba Tagala Palai Bidigo Po 16:14

We me deli bidali, dago po wabo agai odali. Te we nogi Lidia, te Taiataira be nanidu polobadu asali. Te we agai ebo sę da te nene gagawai nami ugwa agai gasa bidibolo menama, monego abelebo sę ebo da. Tama te we agai Godibolo lotu po wabo da, tigidali sogo. Tama agai Polgo po wabo odalio, tama Genuai Bidigo te wego homu dwagi yai ilali, te wego Polgo wabo po bugagia odomainu yali. Te sogo te wego homu tigidali Kraisba muani.

Dwagi Yai Gesi Po Jongo Asęani 8:47

Godigo wai dabego da augwaligo Godigo po tigidali odobo dao. Tiali digi, dage Godigo wai dabe menio. Tama tibaso, dagego bomo elama dagego Godigo po sabo homu ebo menio,” Jisasgo te po wai.

Dwagi Yai Gesi Po Lukgo Asęani 8:15

Te tubo nai ge te ili elalubo dwagi yai geswai tǫde tudulaluali po wali da, te da te bidi dabego po odama, te augwa bugagia wali pelama, te homude dąų ola sali tiwai yali. Te augwa haliga bugagia dolasa elalubadi, te augwa bomo elama bidu, te augwa nai du walobo tiwai te elaluali dao,” Jisasgo te po wali.

Dwagi Yai Gesi Po Makgo Asęani 10:15

Eno mu po dagebolo obe dao, te bidi me deli aga te dwasianu wai puluba tiwai gagayu, te God bidibo madi tomoba pabo homu me isiąwani bidi, aga te tomoba painu ebo usu me egobeo. Mu menio,” te po wai.

Dwagi Yai Gesi Po Makgo Asęani 4:20

Tiali goli meba we bidi augwali te wiegi yai tǫba tudulaluali nai wai tiwai gilama yai. Te augwaligo Godigo po odama, tama augwaligo selama tama tolaluali, tama augwaligo nai du walali. Mebago te ge dwasianu walu, te mebago hauwa walu, te mebago geninama mu tama waliyu yalio,” Jisasgo te po wai.

Matyu 3:10

Tama megi te sigi hwą ni pagede muai elalubao, te ni gelemainogo. Tama te nigo wiegi yai nai du walisiąbaso da, te tobage ni tigidali augwaligo gelama siaba sąwaibao.”

Esekiel 36:26

Tama eno dagebolo gesi kolesaga me gesi homu mawaibao, te eno poba begi pabo homu kolesaga dao. Polobadu dagego tobolu te masigi tiwai dila pai dao. Tiali goli, eno te dwai homu kolesaga sela sąnama, tama eno dagebolo gesi homu kolesaga mawaibao.

Esekiel 18:31

Magi baso dage Israel isainu ebawe? Te dagego ebo dwai kolesaga tigidali te dagego tagaliąo, te dagego poloba meda haliga elalubo kolesaga hasegelama, te dagego gesi noma haliga, me gesi noma mobo bidi sao.

Hibru 6:7

Eno te Godigo ula sela tagalali bidi tede po digi po begelama tama aga e tiwai dao. Te tǫ elalubao. Te tǫde te hauwa sogo tulubage teba bugagia tuluyu, tama tǫgo te tulubage sabo dao. Tama te tǫde gi bulali we bidi augwali tau somainogo eyu, tama te tǫgo wiegi yai nai walobaso da, teda te kolesagade Godigo wiegi yai sę te tǫba ilibo dao.

Dwagi Yai Gesi Po Lukgo Asęani 8:8

Te nai dabe holama, du umabo walali. Duga po odabo olo elalubaso da, bugagia odiąo,” Jisasgo te po wali.