Matyu 13:21 - Godigo dwagi yai po buku

²¹ Tiali goli aga da te sele meni yai nai tiwai dao. Tama tibaso, aga homu daide naga te odali po te dwasianu sogo naga elaluaibao. Tama nosali bidi mebago te Godigo po aiyaba elaluabo homu eyu da, teda te bidibolo augwaligo sęgę menama, tama dwai kolesaga agabolo eyu, tama agai konealubo po dąų wali te polo tagalama, tama tulalubo dao.

Matyu 13:21 Referans Kwoze

Matyu 11:6

Tama bidi enade homu si isiąma tama ena aga tudiba musiąbo bidi, te bidi aga wiegi yai homu pemene yao,” Jisasgo te po wai.

Hosea 6:4

Tialima, Genuai Bidigo te tiwai po wei ponani, “Dage Israel, me dage Juda, te eno mena sę dageba yagawe? Te dagego ena godolo homu ebadi, tiali goli dagego sesabi gana elama, te ena godolo homu ebeo. Menio. Te dagego godolo ebo homu te polo tama mu sia siyu yali, te kigamu dagalude te pǫ me hawa pedelama silibo tiwai ebao. Tama te hulide tulali tulubage segeni te nosade elaluali, te giliga nanu te polo wa pabo tiwai ebo dao.

Efesus 3:17

Eno homugo dagego Kraisde konealubo po dąų obaso da, teda te Kraisgo dage tau siyu dage homude wiegi yai kolesaga ola mayu bidaibao. Tama dagego God dali we bidi dali wiegi yai homu eyu godolo ebo kolesaga bugagia emainogo eyu, tama agai dage te sęde tau somainogo eno God dali hanalu wabo po wabo dao. Tama eno homugo dagego te God dali we bidi dali godolo ebo kolesagade te dage dolaluao, te ni pedali tǫde dąų olama te ni dąų weyu dolalubo tiwai yaibao.

Bugagia Bidibo Kolesagade Po Asęai Buku 12:3

Te dwai kolesaga ebo bidi da, tego aga bomo elama, bugagia bidimainu tau sabo usu me egobeo. Tiali goli, te doloba pai kolesaga ebo bidi da, aga te ni sele aiyanu mu dulama elalubo tiwai, tama bidi dabego gudainu ebo usu me egobeo.

Jopgo Po Asęani Elalubo Buku 19:28

Dagego e tama wabo dao, ‘Dago Jop po tų ela mabo kolesaga tagalogobe. Magi baso meni. Te dolali sę page aga tigide te elalubao,’ dagego te po wabo dao.

Godigo Nogi Ugwaba Sabo Tęąbi Po Wabo Buku Dabe 36:3

Sesemane sogo agai te dwai sę yabo po, me te gasa bidi tibo po ola mabo po weyu yaibao. Agai te wiegi yai kolesaga yabo homu te agade me elalubo menio.

Polgo Si Wali Pas Timotiba Asęani - 2TI 1:15

Timoti, nago koneani, te Esia genuai tǫde bidibo Godigo po odobo bidi augwali tigidaligo ena tagalai dao. Te augwali tomode te bidi si Figelus me Hermogenes si dali, te augwaligo me ena tagalai dao.

Filipai 1:6

Tama tiyu, eno homu si menio, eno mu koneai, te God agai dage deli deligo homu tomode te dwagi yai sę gagalama, tama te sę ela peyu, mu ela pelama, tama Krais Jisas tǫba ma asobo side naga agai te dagede ebo dwagi yai sę silaibao. Te eno mu koneanio.

Galesia 6:15

Tama te tigiwali togobo sę dali, te tigiwali togisiąbo sę dali si te olo sę dao. Te sęde magigobeo, te olo sę tama dao. Tialima, te God agai da gesi noma sai we bidi nigibo kolesaga, te kolesaga wiegi yai mu dao, genuai mu dao, sęgę mu dao.

Galesia 6:12

Te Juda bidi meba augwaligo bomo elama, tama te dagego tigiwali togwao po te mobo mabo po dagebolo megi wedu gebao. Tama tiyu, augwaligo te tigi daide ebo sęde augwa nogi ugwaba saibao. Augwaligo e homu ebo dao, augwaligo dagebolo te tigiwali togwao po olama, tama dagego duga tigiwali togobo si, tama gasa Juda bagego te sę yali po odobo si augwaligo te dage tigiwai togwao po ola mani bagego nogi ugwaba saibao. Me ma, augwaligo koneani, te augwaligo dagebolo te Godigo gedude dage doloba pai we bidi pedalomainogo, Krais aga ni pedaide isali po weyu da, teda te gasa Juda dabe augwaligo augwalibolo dene mawaibao. Tama tibaso, augwaligo dagebolo te tigiwali togwao po naga weyu, mobo mabo po dagebolo wabo dao.

Galesia 5:6

Tama tiyu, dago koneani, te bidi aga Krais Jisasde wadoloyu da, teda aga tigiwali togobo sę te olo sę tama tiwai da, tama te tigiwali togisąwai bidi me, te me te olo sę tiwai da. Te sęde magigobeo, te olo sę tama dao. Tiali goli, te bidigo aga abagi dali te wiegi yai homu elama tama tau sabo, te bidigo Godide konealubo po dąų wabo homu kolesaga hodolobao, te agai kolesaga te usu mu elalubao.

Polgo Po Pas Rom Dabeba Asęani 2:7

Tama mebago da, te dwagi yai kolesagade bomo elama bidiyu, tama tebo kolesagago augwaligo te genuai nogi me te wiegi yai nogi me te me dolisąbo bidada pabo ula te tų gegebo sę ebo dao. Tama Godigo te tama kolesaga ebo bidi dabe augwalibolo te bugagia bidada peyu, bidada pabo bidibo ula mawaibao.

Dwagi Yai Gesi Po Jongo Asęani 6:26

Jisasgo po wei ponoyu, te po wai, “Mu tama eno dagebolo obao, dagego eno yali bomo yai sę page homugo koneama, ena gegeyu ebeo. Menio. Dage eno te mani bret tulama, tama dage haliga pągąwai dao. Te tiali pagede dagego ena gegebo sę ebao,” wai. Jisasgo te po Juda bage dali wai.

Dwagi Yai Gesi Po Lukgo Asęani 8:13

Te tubo nai ge elewi elalubo tǫ daiba tulaluali po wali da, te bidi dabe augwaligo dwagi yai homu elama, te po odali tiwai yali. Tiali goli, augwa homu tomoba te po mu musiąma, olo ugwadu homugo te poba begi pelama elalubadi, te Satango dwai sę yanama sinabo sogo augwali tulalu, te Godiba homu muani tagalobo dao.

Dwagi Yai Gesi Po Makgo Asęani 4:17

Tiali goli augwaligo sele te dąų me olalubeo. Augwali te dwasianu sogo naga elaluali. Te nosali Godigo po aiyaba elaluainogo ebo bidi mebago te we bidi augwaliba sęgę dali dene dali mobaso da, teda augwaligo te po wali pabo kolesaga tagalaibao.

Matyu 26:33

Pitago po wei ponoyu, bomonama agabolo te po wai, “E bage augwali tigidaligo te nageba augwa homu mubo kolesaga tagalama tolalueibao nago te tama po wabo digi, te ena da, ena tama me tegobeo,” Pitago te po wai dao.

Matyu 26:31

Te augwali te Oliv bulu duba sabolama, tama Jisasgo augwalibolo te po wai, “Megi e sogo hulide dage da, te dage tigidali te enaba duga homu tigidali mubo sę tagalama tuloluaibao. Magi baso meni. Te Godigo polobadu wali po augwaligo te bukude asęani, te po tama wai, ‘Eno te sipsip tonalubo bidi elibaso, tama te sipsip hani dabe augwali tedali tedela wi paibao.’ Te asęani po elalubao.

Matyu 24:13

Tiali goli, mena bidi aga te tǫ dagalu silibo side bomonama bidali bidi da, teda Godigo aga ma dobola saibao.

Matyu 13:57

Augwaligo te po olama, tama augwaligo aga dali dwai homu yai. Tiali goli Jisasgo augwalibolo te po wai, “Te Godigo po pusubo bidi profet agai nogi te tigidali bulude elalubo dao. Tiali goli aga page bulude me, aga bede me, te aga nogi meni yai elalubo dao,” te po wai.

Matyu 13:6

Tiali goli giliga pedaliyu posologo te nai wai ge te giligago ulai. Tama te nai wai sele meniama, tama tigidali sasia pelama, tama isali.

Matyu 10:22

Tama tigidali we bidigo dwai homu mu dage dali yaibao. Magi basowe, dage eno hani bidi mu bidibaso tiaibao. Tiali goli, te bodolu muani sogo tonaluyu bomonama bidibo bidi, teda te bidi aga te Godigo ma dobola siyu, tama te dwagi yai madiba muaibao.

Bugagia Bidibo Kolesagade Po Asęai Buku 12:12

Te dwai sę ebo bidi dabego te bidi mebago te dwai sę elama, tama te nai hauwa sabo sulama, tama augwali te nai dabede te pesą mu ebo dao. Tiali goli, te doloba pai bidi dabego te nai hauwa te augwa wiegi yai kolesaga ebode sabo dao.

1 Pita 1:5

Tama dagego duga homu tigidali te Krais agaba mubaso, God agai bomogo dage bugagia tonalubao. Tama nosali te tigidali nai silabo bodolu mani sogo pedalobo si, agai te we bidi ma dobola sabo kolesaga polobadu sisi ela muani te sogo waselaibao. Tama tibaso, megi agai dage bugagia tonalubao.

Polgo Si Wali Pas Timotiba Asęani - 2TI 4:10

Te bidi Demas agai ena taga palio. Agai te megi tǫde elalubo kolesaga godolo mu elama, tama agai ena tagalama te Tesalonaika hanuba pai. Te Kresens aga te Galesia tǫba pobadi yali, tama te bidi Taitus me te Dalmesia tǫba pai dao.

Kraisgo Geme Dualali Sę Pedelabo Po Jonbolo Ola Mani 2:13

Nago bidibo bulu eno koneai dao. Te bulude te dwai mobo bidi Satan agai we bidi hauwa tonaluyu te tuni bidi bidibao. Tiali goli, nago eno nogi bomo elama tolaluyu, tama enade homu kęą pai bidi bidibao. Tama nago te enade konealubo po hogwa sabeo. Tama tiyu, polobadu te bidi me nogi Antipas, te eno po te we bidibolo pusali bidi, te bidi dage dali bidai. Tama agai eno po wali mu pai dao. Tama augwaligo dage tomode te bidi ela muai, te Satan bidibo bulude. Tama te sogo me te dagego eno nogi dualobeo.

Matyu 13:20

Tama te gi page bidigo te telala biligi pali nai wai ge meba te masigi elalubo madigi tudulaluali po wali da, te tiwai te bidigo te po odama tama polo selama, tama te pode wiegi yai homu pemene ebo.

Jems 3:2

Tama hauwa sogo da tigidali bidigo te pode geda muyu haniani sę ebo dao. Tama tibaso, bidi mego agai wabo pode dwai sę me esiąyu da, te aga te wiegi yai bidi mu dao. Tama te bidi aga tigigo ebo sę tigidali bugagia tonaluyu te bidi usu yaibao.