Matyu 13:13 - Godigo dwagi yai po buku

¹³ Tama tebo sęde eno te po digi po begelama augwalibolo obao: augwaligo gedugo da tonono bilibadi, tiali goli augwaligo magi nai me deli subo menio. Augwaligo olo mubadi, tiali goli augwaligo po me odisąyu tama kolesaga sabeo.

Matyu 13:13 Referans Kwoze

Esekiel 12:2

“Tǫde bidio, te abagi dabe augwali megi nage dali bidibo bage, augwali te hagoma elama, po sela sąbo bidi dabe da. Augwaligo gedu elalubadi, tiali goli te augwaligo bugagia me tonogobeo. Augwaligo olo elalubadi digi, tiali digi augwa bugagia me odobeo, magi baso meni, augwali te hagoma elama, po sela sąbo bidi dabe bidibaso tebo dao.

Jeremaia 5:21

“Dage we bidi dabe te wiegi yai homu kolesaga meni yai. Duga gedu elalubao, tiali goli te elalubo nai dagego me susiąwai. Te dagego olo elalubao, tiali te dagego po me odobeo. Tiali te dagego olo eno te poba bugagia muiąo,

Matyu 13:16

Tiali goli dage da, te wiegi yai homu pemene yao. Magi baso meni. Dagego gedugo te nai dabe te subo dao, tama dagego ologo po odobo dao.

Aisaia 44:18

“Mu tamao, te tobage we bidi dabe te homu kolesaga mu umuna selama, te augwa homu kolesaga mu meni yai. Te magi nai me deligo augwa gedu paliama, te augwa tonono bilibo usu isąbo tiwai ebo dao. Te magi nai me deligo augwa homu kone tuą palobaso, tama augwa te homu kone tuą pabo kolesaga ebo dao.

Esekiel 20:49

Genuai Bidigo po ola simanobo si da, tialima eno te tama po wei ponani, “Hobede ya, God Genuai Bidio, eno te po augwalibolo pusubo si, magi yaibawe? Tigidali we bidigo eno te tobage begelama pusubo po odobo hagela ebo dao.” Ena Esekiel eno te po wali.

Polgo Po Pas Rom Dabeba Asęani 11:8

Te Godigo po bukude wali po tiwai gilama yali, te po wai, “Godigo te augwaligo homu kolesaga te godege pibo tiwai ilali. Agai te augwaligo gedu te susiąbo tiwai ilama, tama ologo te po me odosiąyu yalio. Tama augwali te tiwai bidali, tama megi e sogoba usu nagasai dao.”