Matyu 12:43 - Godigo dwagi yai po buku

⁴³ Jisasgo te po ma gagaliyu, te po wali, “Te dwai noma haubogo bidi me tagalama, te dwai tulubage meni yai buluba toma nabo pesage gegegi pabo dao.

Matyu 12:43 Referans Kwoze

Matyu 8:29

Tialima, te bidi sigo bomonama i weyu, te po wai, “Nage Godigo Ogwa dao, nago magi sę da dali megi yainogowe? Te bodolu mani sogo me elalubadi digi, te nage eba asali te nago da dene mawainogo ebawe?” wali.

Aisaia 41:18

Eno te wa pai bulu du dabede te ąį pedalumainu ilaibao, te ulu ąį te odogo malu tǫde pedelaibao. Tama eno te sigi ąį te wa pai pesagede pedalumainu ilaibao. Tama te ąį meni yai pesagede, te ąį hauwa elalueibao wali.

Jopgo Po Asęani Elalubo Buku 2:2

Tama tibaso, Godigo agabolo hanalu wali, “Nage menade bidama, asobawe?” po wali. Te po obaso, Satango te po wali, “Ena te tǫ deli badu naga bidama, asobeo. Ena te tigidali tǫde usu elama, bilama, asobao,” wali.

Jopgo Po Asęani Elalubo Buku 1:7

Tama tibaso, Genuai Bidigo te Satan hanaluyu, te po wali, “Nage menade bidama asaliwe?” wali. Te Satango te po wei ponoyu, te po wali, “Ena te tǫ deli badu naga bidibo menio. Ena te tǫ tigidali bulu badu bilama, tama ena e asobao,” wali.

1 Pita 5:8

Te dagego duga homu bugagia dodolao, tama bugagia tonaluao. Te dagego boi bidi Satan aga susa bilibo dao. Te moni hasa nogi laion, te aga nasi baso bomo elama, tama moni hwa olama gaa weyu aga tuabo nai gegeyu bilibo dao. Tama te boi bidi Satan aga te tiwai eyu susa bilibo dao, te dage dolainogo ebo dao.

Godigo Sęba Tagala Palai Bidigo Po 8:13

Saimongo te Filipgo poba aga homu munama, tama Filipgo aga baptais mawai. Tama baptais menama, tama te Saimon te Filip wali pai. Agai te Filipgo we bidi noma sabo bomai sę mu ebo sulama, agai noma sai.

Godigo Nogi Ugwaba Sabo Tęąbi Po Wabo Buku Dabe 63:1

O God, nage eno God dao. Eno nage gegebo sę bomo ebao. Te eno homu ogwa waigo te nage dali bidabo homu godolo mu ebao. Eno tigigo me, te nage dali bidabo homu godolo yali, te bidi te wę meni yai wa pai bulude te wę nogonego sabo tiwai gilama yai.

Matyu 12:44

Tiwai pesage me susiąbaso da, aga homugo tama tebao, ‘Ena taga soali beba ma geasa paibao’ homu yaibao. Tama aga pelama, te be sugi pali, augwaligo bugagia dodolama, pobele bage meni yai au ma ilai beba ma pabo ąǫ te bidi pageba, dwai noma ma peyu tebo dao.