Matyu 12:40 - Godigo dwagi yai po buku

⁴⁰ Tama polobadu te tiwai yai te bidi Jona sela sogo giligade me sela sogo hulide te genuai sųgų haliga tomode bidai, tama te tiwai yali gilama naga te Godigo Bidi Mu aga me te sela sogo giligade me sela sogo hulide e tǫ tomode bidaibao, te isai we bidi bidibo madide.

Matyu 12:40 Referans Kwoze

Jona 1:17

Augwaligo Jona te ąįba sąnama, tama tiali goli, Genuai Bidigo te sųgų moni genuai me sa muyu, tagala palama, tama te sųgų agai Jona dalalio. Tama Jona te sųgų haligade sela sogo bidai, te ulade sela sogo, me te hulide sela sogo bidibadi yai dao.

Dwagi Yai Gesi Po Jongo Asęani 2:19

Tama Jisasgo po wei ponoyu, te po wai, “Dagego e lotu be tempel hųgibaso, tama sela sogo eno polo te be ma sę yaibao,” Jisasgo te po te Juda dabe dali wai.

Matyu 17:23

Tama augwaligo aga ela muaibao. Tama sela sogo wabode te Godigo bomogo aga ma hodolobaso, te aga ma hodalueibao,” Jisasgo te po wai. Tama aga wali pabo bidi dabe augwali homu sęgę mu te pode yai dao.

Matyu 27:40

tama te po wai, “Nago te Moni Lotu Be tempel aluama, tama sela sogo naga ma sę yaiba po wali bidi, megi da, te naga digi naga tau sao. Tama nage te Godigo Ogwa da wida, teda nage te ni pedaide daganalubo tagalama, tama nage te tǫba aiya dulao,” augwaligo te tiwai posobo po wai.

Matyu 16:21

Tama te sogo, te Pitago nage Krais dao po wali sogo, te sogo Jisasgo gagalama, aga wali pabo bidi dabebolo te po haninama ola mawai, “Te mu tama, ena te moni hanu Jerusalemba paibao. Tama pelama, tama tede nosali te Juda dabe genuai bidi dabego me, te pris tobolu bidi dabego me, te Juda dabego bomo yai po page ola mabo bidi dabego me, te augwaligo ena dene genuai mu mawaibao. Augwaligo ena isilama, tama nosali te sela sogo wabo side ena ma hodalueibao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 63:9

Tama te ena ela muabo homu ebo bidi dabe, teda augwali te isibo bidi dabego pesageba dulaibao.

Matyu 8:20

Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.

Te Israel me Juda Hani Sigo Tuni Bidigo Po Elalubo Buku Si 14:25

Te Jeroboam aga king bidi nigisąbadi, te sogo te boi bidi dabe augwaligo te Israel hanigo umabo tǫ mu te boi bidi dabego sai. Tialima, megi te king nigali Jeroboam agai boi hwįnama, tama te tǫ dabe tigidali ma sali, te tǫ sabo gagalali te not badu te taun Hamat pabo tųdu gagalama, sesa pabogo te saut badu te sigi ąį ge elalubo pesageba usu nigi pali, te ąį nogi Detsi wabo da. Tama te king Jeroboamgo agai te tǫ ma sabo yali kolesagago te Genuai Bidi Godigo wali poba usu nigi pali, Israel hanigo Genuai Bidi. Te tama tiali sę te profet bidi Jonago pedauwalidu wali poba usu nigi pai, te Jona aga aya te Amitaigo ogwa dao. Te profet bidi Jona aga te taun Gathefer bulu bidi deli dao.

Matyu 12:8

Magi baso meni. Ena da, te Godigo Bidi Mu da. Ena da te Sabat sogode te genuai bidi dao. Tama tibaso, bidigo Sabatde mena sę yagameo wabo po te eno digi waibao,” Jisasgo te po wai.

Matyu 28:6

Aga ede me bidibeo. Aga ma hodaluali, te tiwai po polobadu agai wali. Dage sigo aga munaluali madi suagasao.