Matyu 12:36 - Godigo dwagi yai po buku

³⁶ “Eno dagebolo obao, te genuai po tų pedalobo sogo te Godigo te we bidi dabe augwaligo tigidali subigila wali dwagi yai sę isiąbo po te po tų ebode dagalaibao, tama te pode sęgę mawaibao.

Matyu 12:36 Referans Kwoze

Kolesaga Koneai Bidigo Pusali Po Elalubo Buku 12:14

Godigo dago ebo kolesaga tigidalide da po tų ilaibao, te wiegi yai kolesaga dabe me, dwai kolesaga dabe me, te geme dualama ebo kolesaga dabede me, da po tų ilaibao.

Polgo Po Pas Rom Dabeba Asęani 2:16

Eno te Godigo wiegi yai gesi po te we bidibolo pusubo si eno e po me pusubo dao. Odao, te Godigo te aga bomai po mani bage me, te bomai po sisąwani bage me augwali tigidali dali Godigo te po tų nosali yaibao. Tama tiyu agai te po tų dodolobo sę te Krais Jisasgo nogoba muyu, tama te bidi dabego geme ebo kolesaga osola suyu yaibao.

Kraisgo Geme Dualali Sę Pedelabo Po Jonbolo Ola Mani 20:12

Tama eno ma suali, te isai we bidi dabe augwali bidaluali, te augwali nogi yai bidi dali, te nogi meni yai bidi dabe dali, augwali te tuni bidi dulalubo nai te gesabidide dodolalubo, te eno suali. Tama te saide dulalubo bidi agai te buku meba dagawai. Tama agai gasa buku me deli dagawali, te augwali isiąma gamonaibao wali we bidi nogi asęani buku dao. Tama agai te tigidali isai we bidi dagalai. Agai te augwaligo yali kolesagade po te buku dabede asęani po nedama, tama te asęani pode agai augwali dagalali.

Matyu 10:15

Eno mu po dagebolo obao, te tigidali we bidi po tų ebo bodolu muani sogo, te dagego po odobo hagela yai we bidi augwaligo sabo sęgę te genuai mu saibao, te sęgęgo te hanu si Sodom me Gomora side polobadu bidali dwai dwai kolesaga yali we bidigo sabo sęgę aiyaba elaluaibao,” Jisasgo te po wai.

Matyu 11:22

Tiali goli, eno dagebolo obao, te we bidi po tų yabo sogo bodolude, te Godigo dagebolo sęgę genuai mu mawaibao. Te dagego sabo sęgęgo te Tair me Saidon hanu sigo sabo sęgę aiyaba mu elaluaibao.

Matyu 12:37

Tama naga pode digi te Godigo nage doloba pai bidi nogi poaibao, te nago yali kolesagade te sęgę sisąwai bidi dao. Tama naga pode naga digi te agai nage dwai bidi nogi poaibao, tama nage sęgę mawaibao,” Jisasgo te po wai.

Polgo Po Pas Rom Dabeba Asęani 14:12

Tama agai tama po waligo da, teda da tigidali we bidi deli deligo te dago Godibolo te dago yali tigidali kolesaga page te po pusaibao.

Jems 3:6

Te sia dabo tiwai da bidigo kelego wabo po tiwai dao. Tama te sia dabo tiwai, dago wali dwasianu dwai po te genuai mu pedaluama, dago tigi tomode dwai meda mu elama, tama da dolobo page elalubo. Tama dago wabo dwai po aga page bulu da te Satan aga moni dwai sia dabo bulu dao.