Matyu 12:34 - Godigo dwagi yai po buku

³⁴ Dage te dwai bidi dabe, dage te dwai hasamani dabe tiwai dao. Tama tialigo da, magi ilama dagego wiegi yai po waibawe? Tama bidigo pedauwalidu te tiwai po aga homude elalubo po pusubo dao.

Matyu 12:34 Referans Kwoze

Dwagi Yai Gesi Po Lukgo Asęani 6:45

Sesani yai bono dilibide me bobi dabe togobo meni. Geswai bidigo aga homude pągąnalubo dwagi yai sę ebo dao. Dwai bidigo da, aga homude pągąnalubo dwai sę ebo dao. Bidi aga homude pągąnaluai po aga pedauwaligo wabo dao,” Jisasgo te po wali.

Matyu 15:18

Tiali goli te po pedauwalide bidama tama te buluba asobo, te po te bidigo homu kolesagadu pedalobo dao. Tama te pogo naga te bidi meda ilibo dao, tebogo aga Godigo gedude dwai bidi ilibo dao.

Efesus 4:29

Tama dagego dwai meda yai po me wagio. Menio. Dwagi yai po naga weyu, te bomo kimi meni yai we bidi augwali bomo somainu te bomo mabo po wabo usu dao. Tama tiyu, dagego te Godigo olo tau mabo wiegi yai kolesaga te dagego po odobo we bidibolo tama mao.

1 Samuel 24:13

Te polobadu digi te wali po nago koneani, ‘Te bidi dwaigo naga te dwai kolesaga yaibao.’ Tiali goli, ena te bidi dwai meni tiyu, te eno dwai kolesaga nageba me egobeo. Mu menio.

1 Jon 3:10

Edao. Te Godigo wai dabe dali, te Satango wai dabe dali, augwali dagalama hania koneabo tų e dao: dwagi yai doloba pai kolesaga wali pisąbo bidi, aga te Godigo wai menio. Tama aga ama dali dwagi yai homu eyu godolo isąbo bidi, te bidi me aga te Godigo wai menio.

Matyu 12:35

Wiegi yai bidigo homude te wiegi yai po hauwa elalubo dao. Tama agai kolesaga wiegi yai pedalobo dao. Bidi dwaigo agai homude dwai homu kolesaga hauwa elalubo dao. Tama tiyu, agai dwai kolesaga pedalobo dao,’ wali.’

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

Aisaia 32:6

Te polobo sę ebo bagego te subigila po dabe wabo dao. Tama tigidali sogo augwaligo dwai polobo sę naga ebo dao. Augwaligo Genuai Bidigo godolo yabo sę dabe ebo menio. Tama ili po hauwa Genuai Bidide ela palobo dao. Tama augwaligo te nai meni yai bidi dabebolo nai masiąma eyu, me augwaligo te wę nogone ebo bidi dabe wę mayu ebo menio.

Matyu 23:33

Dage dwai hasamani dabe dao. Dage dwai hasamanigo wai puluba dao. Godigo dage po tų ilibaso, tama dage te dwai sia dabo madi pageba paibao. Mena tama dage menadu wi paibawe? Menio.

Aisaia 59:14

Tama tibaso, dago te kolesaga dabego te nago doloba pai kolesaga te dade digibulu elaluai, tama tiyu, te nago da tau selama, ma sabeo. Te dago te doloba pai kolesaga me mu po wabo, te da tomoba aselama, elalumainu ebeo. Te da sisinibo side me, te augwali si me bidagasobeo.

Godigo Nogi Ugwaba Sabo Tęąbi Po Wabo Buku Dabe 64:3

Te bidi dabego po te mu poa pelama, tama te bainat hwągo ena togobo tiwai ebao. Te augwaligo dwai pogo enaba ponama wali, te bidigo enesigiba ene nanama, te bidi usu sabo tiwai gilama ebo dao.

Matyu 3:7

Tiali goli Jongo suali, te lotu po wabo bidi hani si te Farisi bage me te Sadyusi bage me te augwali me baptais somainogo asali, tama agai augwalibolo te sesanobo po weyu te po wali, “Dage te dwai hasamani dabego wai dabe, te Godigo te dwai sę yali we bidibolo dene ilabo sogo mu asaibao. Tama tialima mena bidigo dage dali po obaso, tama megi dage wi painogo ebawe?

Dwagi Yai Gesi Po Lukgo Asęani 3:7

Tama we bidi hauwa mu Jon agai augwali baptais momainu Jon aga pageba beasagasali. “Dage dwai hasamani dabe,” agai augwalibolo te po wali. “Godigo dage dali yabo sębęde dage sana pagameo po tego dagebolo waliwe?

Aisaia 59:4

Dagego te doloba pai po tų me ebeo. Menio. Dagego te tibo po dabe weyu, te po tų odoboba gasa bage dabe kekasa pali. Te dagego tibo po haniani weyu, te po tų ebo dagego po naga odomainu elama, te gasa bage aiyaba elaluai. Te dagego homu kolesagade te dwai sę ebo kolesaga hauwa mu pągąnalu, te dagego dwai sę haniani ebo dao.

Godigo Nogi Ugwaba Sabo Tęąbi Po Wabo Buku Dabe 53:1

Te kolesaga meni yai dwai sę ebo bidi dabego augwa digi te tama po wabo dao, “Te God me bidibeo,” wabo da. Te bidi dabe te augwali bidi dwai naga dao. Augwaligo kolesaga te dwai mu ebo dao. Te bidi me deligo wiegi yai kolesaga me ebo menio. Mu menio.

Godigo Nogi Ugwaba Sabo Tęąbi Po Wabo Buku Dabe 64:5

Augwaligo augwa digi dąų waliyu, tama te dwai kolesaga ebo dao. Augwaligo te gasa bidi tola somainu yabo te bono gągą muabo po miani. Tama augwa te tama homu yali, “Te mena bidi me deligo te da me sugobeo,” wai.

Bugagia Bidibo Kolesagade Po Asęai Buku 4:23

Te nage bidabo wiegi yai ula dodolabo wiegi yai homu kolesaga, te naga homude pedelaibao, te wę te idu wę gomo pedalubo tiwai ebo dao. Tama tiyu, tigidali sogo nago te naga homude ebo te bugagia mu tonaluao.

Bugagia Bidibo Kolesagade Po Asęai Buku 16:23

Te wiegi yai homu elalubo bidigo, agai te hasia bolo bugagia homu kone palama, tama nosali agai wiegi yai po waibao. Tama tebogo te bidi dabego agai po odabo godolo homu yaibao.

Aisaia 9:17

Tigidali we bidi God tagalama, God dologode bidisąbo bidi polo gagawai dao. Augwaligo tigidali po dabe, kolesaga dabe mu dwai mu dao. Tama tibaso, Genuai Bidigo tigidali mu dolaibao. Agai te gesi bidi me bidimainu me sula tagalogobeo. Tama agai te we sibi me hobede me egobeo. Wilawe we dabe, me te tiana wai dabe, agai hobede me egobeo. Genuai Bidi agai te tama tiaibao. Tiali goli, tego agai sębę siligobeo. Menio. Agai nogo me balalubao.

Efesus 5:4

Dagego dwai meda yai po me, te homu kolesaga meni yai bagego wabo po me, te dwai gagali po wabo me, te po dabe dagego wagio. Te tebo kolesaga usu egobeo. Menio. God agai dage tau sobaso, tama dagego agabolo usu da wabo po weyu da, teda te po usu dao, te tobage po wao.

Jems 3:2

Tama hauwa sogo da tigidali bidigo te pode geda muyu haniani sę ebo dao. Tama tibaso, bidi mego agai wabo pode dwai sę me esiąyu da, te aga te wiegi yai bidi mu dao. Tama te bidi aga tigigo ebo sę tigidali bugagia tonaluyu te bidi usu yaibao.