Matyu 12:33 - Godigo dwagi yai po buku

³³ “Te wiegi yai nigo da, te nai me wiegi yai walaibao. Ma, te dwai nigo da, teda te nai me dwai walobo dao. Tama te bidi dabe augwaligo te nai bolo sulama, tama augwaligo koneaibao, te ni wiegi yai yaliwe ma dwai yaliwe naga osola subo dao.

Matyu 12:33 Referans Kwoze

Jems 4:8

Tama tiyu, dage God pąba mu peyu tibaso da, aga dage pąba mu aselama, bidaibao. Tama dage te dwai sę me sogo me sogo ebo bidi dabe, duga nogogo dwai sę ebo tagalama, dwagi yai sę naga yao, te bidigo nogo ąįde telabo tiwai te meda meniama dwagi yai tiwai yao. Dagego te Godigo po wabo odobo me te tǫde kolesaga ebo te homu si elalubo, te dwai homu ebo kolesaga dagego homude elalubo te sela sąyao, homu deli naga eyu bidao.

Amos 5:15

Dwai kolesaga ebo tudiba muao, te wiegi yai kolesaga naga godolo eyu, wali pao. Dagego doloba pai po tų naga yao. Te dagego tama tiyu da, te Genuai Bidigo dage dolisąwai dwasianu me bidibo Josepgo hani bage homu dene eyu, tau saibao.

Dwagi Yai Gesi Po Lukgo Asęani 3:9

Ni gelabo bidigo te ni tigide sae ilama, te sae nide hwą munalubaso da, te ni tamadi tama gelaibao homu yaibao. Ni dabe du gesego walisiąwani ni dabe da, gelama, isiba sąwaibao. Dage te tobage sae ilali ni tiwai dao,” Jongo te po wai.

Jems 3:12

Ama dedeo, te ni kayago te ni oliv du walogobeo. Tama te bono du ni wain tego te ni kaya du walogobe. Tama tiali me, te tamu ąįgo dwagi yai ąį ma gagagobeo. Menio.

Esekiel 18:31

Magi baso dage Israel isainu ebawe? Te dagego ebo dwai kolesaga tigidali te dagego tagaliąo, te dagego poloba meda haliga elalubo kolesaga hasegelama, te dagego gesi noma haliga, me gesi noma mobo bidi sao.

Matyu 23:26

Nage Farisi, nage gedu widai. Hasia bolo nago te kap tomode elalubo pobele bage penao, tama te kap bulu badu me te hogomu meniama usu elaluaibao.”