Matyu 12:32 - Godigo dwagi yai po buku

³² Tama bidi mego dwai po me deli te Godigo Bidi Mu dali obaso da, teda Godigo te bidi agai sęgę te sela sąbo usu yaibao. Tiali goli bidigo dwai po te Godigo Mobo Bidi dali weyu da, te bidi agai sęgę te megi e tǫde bidibo sogo me te nosali me munu me te sęgę me sela sągobeo. Te sęgę me elalua peyu, bidada paibao,” Jisasgo te po wai.

Matyu 12:32 Referans Kwoze

Dwagi Yai Gesi Po Makgo Asęani 3:29

Tiali goli bidigo dwai posobo po te Godigo Tedali Mobo Bidi dali obaso da, teda Godigo agai te sęgę me sela sąsiąma elaludu, te megi me nosali me te munu me sela sągobeo. Menio. Te sęgę agade me tama elalua pidu pidubadi geaibao,” Jisasgo augwalibolo te tama po wai.

Dwagi Yai Gesi Po Jongo Asęani 7:39

Jisas agai te ąį po te Godigo Mobo Bidide wai. Augwa homu dąų olama, Jisasba mubo we bidi teba Godigo Mobo Bidi nosali asaibao. Tiali goli te sogo Jisas aga bomo dali moni nogi dali sisąbadi, God agai Mobo Bidi te we bidibolo mabe, te nosali mawaibao.

2 Timoti 1:13

Mu tama, polobadu eno agai nogibolo dwai posobo po wabo bidi bidai, tama eno agai po odobo we bidi dabe dali boi bidi eyu, augwalibolo dene mabo sę iduai. Tama eno aga dali hagoma eyu, aga nogi dolobo sę eyu bidai. Eno Kraisde tama dwai sę yali goli, Godigo ena homu dene eyu tau sali. Magi basowe? Eno konealubo po Kraisde dąų wasiąbaso eno bugagia konesiąma, tama eno te tiwai dwai kolesaga aga dali iduai.

Taitus 2:12

Tama da tǫde we bidi dago Godigo bomai po tudiba muyu, tama te dwai dwai kolesaga eyu bidai dao. Tiali goli agai olo tau sabo wiegi yai kolesaga tego da e tiwai ola mabo dao: “Dagego te dwai sę tudiba muao, te doloba pai kolesaga naga yao, tama dage e tǫde bidibadi te Godigo gedude dwagi yai we bidi bidao.”

Efesus 1:21

Tama megi Krais aga ugwadu mu bidalubao, tigidali tobolu bidi, tigidali polalubo bidi me, tigidali bomai bidi, tigidali nogi elalubo bidi me, tǫde me, dagalude me, Krais agai augwali tigidali aiyaba elaluama, aga ugwadu mu bidibo, te nosali me tama tiwaibao.

Godigo Sęba Tagala Palai Bidigo Po 3:19

Tama tibaso, dagego kolesaga begelama, Godigo kolesagadu wali piąo, tama Godigo dagego dwai sęgę sela sąmainu tama yao.

Dwagi Yai Gesi Po Lukgo Asęani 12:10

Bidi mego Godigo Bidi Mu dali dwai posobo po obaso da, Godigo te bidigo dwai posobo po wali te agai homu kone isiąyu gegeda palu tagalubo usu yaibao. Tialima, bidi mego Godigo Dwagi Yai Mobo Bidide dwai posobo po obaso da, Godigo te dwai po wali sela sąbo usu egobeo.

Matyu 12:31

Tama tibaso, eno dagebolo obao, te Godigo te we bidi augwaligo dwai sęgę ebo te tigidali me te posobo po me, te sela sąbo usu yaibao. Tiali goli bidigo te Godigo Mobo Bidibolo posobo po obaso, te bidigo sęgę te Godigo me sela sągobeo.

Jopgo Po Asęani Elalubo Buku 36:13

“Te God tudi ola mabo bidi dabe, augwaligo genuai sęgę augwaliba sabalobo si, augwaligo God dali sębę genuai mu ebo dao. Tama augwaligo Godigo augwali tau somainu i wabo menio.

2 Timoti 1:15

E konealubo po te mu po dao, tama tigidali we bidi e po odama augwaligo homugo mu dąų omainao: Krais Jisas te tǫba dulali, te tǫde dwai sę ebo we bidi dabe ma dobola sainogo asali. Awe, te mu po dao, tama te hasia polasa dwai sę yali bidi te ena digi tama e dao, eno yali dwai sę te gasa bagego dwai sę aiyaba elaluali.

Dwagi Yai Gesi Po Jongo Asęani 7:12

Tama te we bidi augwa hasi pomu po hauwa Jisasde wali. Mebago te po wai, “Te dwagi yai bidi dao,” wai. Tialima, mebago te po wai, “Agai augwali we bidi ili po ola mabo dao,” Jisasde te we bidi augwa hasi te pomu po wai.

Dwagi Yai Gesi Po Lukgo Asęani 23:34

Te Jisasgo te po wai, “Aya, nago augwaligo dwai sę yali sęgę sela sąyao. Augwaligo enade ebo sę sęgę augwaligo konebeo.” Tama te ami bidi dabe augwaligo satu gagali elama, Jisasgo gudubo ugwa dabe augwa dobola sai.

Dwagi Yai Gesi Po Makgo Asęani 10:30

teda Godigo augwaliba te tobage nai te 100 nedama tama wei ponaibao. Tama augwali te tǫde bidalubo sogo teda augwaligo be hauwa siyu, te ama me hauwa siyu, te abe me hauwa sobadi, te ida me hauwa sobadi, te wai puluba me hauwa siyu, te gi me hauwa sobadi yaibao. Tama te bidi mebago te dwai kolesaga hauwa augwaliba yaibao. Tama te nosali bidabo sogo augwali te sesemane bugagia bidada peyu, bidada pabo ula me saibao.

Dwagi Yai Gesi Po Jongo Asęani 7:52

Augwaligo po wei agabolo ponoyu, te po wai, “Nage me nage Galili bulu bidi dawe? Godigo bukude po bugagia nedao. Nedelama, koneao, Godigo nosali yabo sę po ola mabo profet bidi me deli te Galili buludu munu me pedalogobeo,” augwaligo Nikodemusbolo te po wai.

Dwagi Yai Gesi Po Lukgo Asęani 7:34

Me ma, ena Godigo Bidi Mu asama, nai tuyu, ąį tuyu ebadi goli, dagego enabolo ‘Buluba sela sąwai bidi dabe, takis sabo bidi dabego abagi dao,’ wai dao. Me dagego enade ‘Bomai ąį me nai e tudu gebo dwai bidi dao,’ wai dao.

Matyu 11:19

Me ma, te Godigo Bidi Mu asali, tama agai nai dali ąį dali tuyu yai, tama augwaligo agade te po wai, ‘Suao, aga te nai hauwa mu tubo bidi, tama agai te bomai wain wę me hauwa mu tubo dao. Aga te takis mone sabo dwai bidi dabe dali te sęgę sai bidi dabego kisasa bidibo abagi dao,’ te po wai dao. Tiali goli te God aga mu konebo homu kolesaga ebo po te we bidigo odama, tama te kolesagago yali sę nosali subaso da, teda augwaligo koneaibao, te homu kolesaga mu dao,” Jisasgo te po wai.

Matyu 13:55

Te bidi da te kamda bidigo ogwa naga dao. Aga ida nogi Maria dao. Agai ama dabe te Jems, me Josep, me Saimon, me Judas, te augwali dao.

Matyu 8:20

Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.

Matyu 12:8

Magi baso meni. Ena da, te Godigo Bidi Mu da. Ena da te Sabat sogode te genuai bidi dao. Tama tibaso, bidigo Sabatde mena sę yagameo wabo po te eno digi waibao,” Jisasgo te po wai.

Matyu 13:22

Tama meba te tedela palali nai wai ge te sesani yai bono elalubo madi tomoba tudulaluali, te bidigo po sabo tiwai yali, tiali goli agai homu hauwa te tǫde naiba pelama, tama agai mone dabe te doado bage hauwa sabobo homu hauwa yali, tama te homu ebogo te Godigo po mesegelama, tama agai nai ge walobeo.

Matyu 13:39

Te boi bidigo dwai noswai ge tedela bilagasali, te bidi da Satan dao. Te nai sabo sogo bodolu wali, te e tǫ silabo sogo dao. Te gi nai sabo bidi dabe augwali da, te Godigo sę ebo ensel mobo bidi dabe naga dao.

Matyu 13:40

Te gi sę ebo bidi dabe augwaligo dwai noswai sisinama siade ulubo, te tiwai naga augwaligo e tǫ silibo sogo muani bodolude te tiwai yaibao.

Dwagi Yai Gesi Po Makgo Asęani 3:28

Tama Jisasgo te po olama, po me weyu agai te po wai, “Eno mu po dagebolo obao. Te we bidigo magi magi dwai sę ebo, ma augwaligo magi dwai posobo po Godibolo wabo, te tigidali dwai dwai kolesaga te God agai sela sąbo bomogo sela sąbo usu mu yaibao.

Dwagi Yai Gesi Po Lukgo Asęani 16:8

“Te genuai bidi agai aga doado bage tonalubo bidigo yali sę po odama, te nai tonalubo bidi nogi ugwaba siyu, te po wali, ‘U bidi aga homu tedali yali, te negeli mane bage wi idali weyu, aga digi aga tigi bugagia tau sali,’ wali. Te peni e dao. Te augwa homu wali pabo we bidi augwali homu bugagia mu eyu, augwa hasi tau siyu, augwa tigi tau sabo dao. Tialima, te ulade bidibo we bidi augwali homu eyu, augwa tigi bugagia tau sabo menio,” Jisasgo te po wali.

Dwagi Yai Gesi Po Lukgo Asęani 18:30

tama te bidigo te tagalali nai genuai mu ma saibao, e tǫde bidibo sogode. Agai nosali sabo nai te polobadu tagalali nai te edelaibao. Tama nosali aga bida bida paibao, gamonaibao,” Jisasgo te po wali.

2 Timoti 4:8

Nago koneani, te dago tigigo sę ebogo te tigibolo bomo mobaso, tebogo da tau sabo dwasianu usu ebo dao. Tiali goli Godigo kolesaga wali pabogo te da tau sabo te hauwa mu ebo dao. Te sę ebogo da megi te bugagia bidibo ula mabo dao, te nosali bidabo ula tau sabo me te usu yaibao.

2 Timoti 6:17

Timoti, nago te tǫde doado bage hauwa elalubo bidi dabebolo e po bomo elama wao: “Dagego te gasa bidi dabe dali hagoma me elamuo, tama dagego te tiwai homu me egio, ‘Eno doado bage hauwa elalubaso, te bugagia bidaibao.’ Dagego te homu me egio. Menio. Dagego dąų wabo homugo te nai dabego augwali tau siyu bugagia bidaiba homu elamuo. Magi baso meni, te tǫde nai augwaligo da tigidali sogo tau sabo usu menio. Tama dagego e homu yao, ‘Eno Godiba konealubo po dąų mu olama, tama agai ena tau siyu, ena bugagia bidaibao,’ dagego te homu yao. Te dago homu dwagi yai pemene emainogo eyu, tama God aga digi te haniani dwagi yai nai te dabolo olo mu mabo dao.” Te doado bage hauwa elalubo we bidibolo te po pusao.

Polgo Si Wali Pas Timotiba Asęani - 2TI 4:10

Te bidi Demas agai ena taga palio. Agai te megi tǫde elalubo kolesaga godolo mu elama, tama agai ena tagalama te Tesalonaika hanuba pai. Te Kresens aga te Galesia tǫba pobadi yali, tama te bidi Taitus me te Dalmesia tǫba pai dao.

Jems 1:27

Godigo gedude bidi agai wiegi yai kolesaga eyu, agai po bugagia odobo bidi agai magi dwai sę isąbo bidi, agai e tiwai kolesaga si yao: te kolesaga me e dao, niwai wai dabe meba augwa aya de ida si isiyu, tama te tiana wai dabe augwaduba naga bidibaso da, te me bidi isiyu we taga pai agaduba bidibaso me, te dago te tiwai wai dabe me, te wilawe we me augwali magi nai meni baso te sęgę sobadi tau sao. Te me kolesaga e dao: dago dena bilibo kolesaga bugagia tonalua bilao, tama e tǫde meda yai dwai kolesagago dago homu kolesaga dolidali weyu.