Matyu 12:24 - Godigo dwagi yai po buku

²⁴ Tiali goli te Farisi dabe augwaligo te po odolama, tama augwaligo te po wai, “Woo, te dwai haubo mobo bidi te Belsebulgo bomode naga te bidigo te dwai haubo sela sąbo dao. Te Belsebul aga te dwai haubo mobo bidi dabego tobolu bidi dao,” te Farisi bagego te po wai.

Matyu 12:24 Referans Kwoze

Dwagi Yai Gesi Po Makgo Asęani 3:22

Te Juda dabego bomai po page koneani bidi dabe augwali te Jerusalemde bidaluali tama meba edaba dulama, tama augwaligo Jisasde te po wai, “Te dwai haubo noma bidi dabego tobolu bidi nogi Belsebul, tego Jisasde dagana siyu bididubao. Tama te Belsebulgo agabolo mani bomogo Jisasgo te dwai haubo noma bidi dabe sela sąbo dao,” augwaligo te po wai.

Matyu 9:34

Tiali goli te Farisi hani dabe augwaligo te po wai, “Agai te dwai haubo mobo sela sąbo sę ebo te dwai haubo mobo tobolu bidi dabego bomode te dwai haubo mobo te sela sąbo dao,” te po wai.

Dwagi Yai Gesi Po Lukgo Asęani 11:15

Tiali goli, mebago ma “Te dwai noma tobolu bidi Belsebulgo bomo menama, te dwai noma te sela sąbo dao,” wali.

Matyu 9:32

Te bidi si Jisas tagalama painogo ebadi, tama gasa bidi dabe augwaligo bidi me deli te pedauwali pania sai bidi te dwai haubo mobo elalubo bidi sela aselama, tama Jisas pageba sela asai.

Matyu 10:25

Tama te skul ogomanigo te aga tisago ebo kolesaga tiwai ebo usu ebaso da, te usu dao. Tama te sę ebo bidigo aga tonalubo bidigo kolesaga tiwai ebo usu ebo si da, teda te me usu dao. Te augwaligo te nogi posobo po weyu, ‘Nage te dwai haubo bidigo tobolu bidi Belsebul dao’ po te hani tobolu bidibolo obaso da, teda dago koneao, te augwaligo dwai dwai nogi weyu posobo po wabo te aga dali bede bidibo bagebolo mu waibao,” Jisasgo te po wai.

Dwagi Yai Gesi Po Lukgo Asęani 11:14

Me sogo Jisasgo te po wasiąbo dwai noma haubo bidi sela sądubadi, te dwai noma haubo bidigo te bidi tagala palobadi, te bidigo nosali po ma wabo gagalali. Tama te we bidi dabego te sę ebo sulama, noma mu salio.

Godigo Nogi Ugwaba Sabo Tęąbi Po Wabo Buku Dabe 109:20

Eno homugo te Genuai Bidigo ena po tų ebo bidiba te tiwai dene momainu yaibao, magi baso meni, augwaligo te dwai po enaba walio.