Matyu 11:18 - Godigo dwagi yai po buku

¹⁸ Tama tiwai, te Jon asali, tama agai te nai osogo gisiliyu, te bomai wain wę me tuai menio. Tama tibaso augwaligo agade te po wai, ‘Te dwai haubo mobo bidi agade bidibao,’ te po wai dao.

Matyu 11:18 Referans Kwoze

Dwagi Yai Gesi Po Lukgo Asęani 1:15

Godigo gesabidide agai nogi genuai elaluaibao. Agai diluai wę dabe tulamuo. Te Jon aga ame nabo sogo gagalama, Godigo Dwagi Yai Mobo Bidi aga dali bidaibao.

Matyu 3:4

Jongo te moni kibu kamel nisigo te augwaligo nigai bobage ugwa munama, tama agai tigide te kugulu gudai. Tama agai te mano tiwai nai me te mege ąį te nai si tuyu bidai.

Dwagi Yai Gesi Po Jongo Asęani 10:20

Bidi hauwago te po wai, “Dwai haubo noma bidi agade bidiyu, aga polobao. Magi baso dagego agai po odobawe?” Juda bage me badugo Jisasde te po wai.

Dwagi Yai Gesi Po Jongo Asęani 8:48

Te Juda bagego Jisasgo po wei ponoyu, te nogi posobo po wai, “Dago nagede tama po wai dao, ‘Aga da dwai Samaria hani bidi dao. Tama dwai haubo mobo bidi agade bidibao,’ dago te po nagede wai dao. Dago mu po tamao,” Juda bagego Jisas dali te po wai.

Dwagi Yai Gesi Po Jongo Asęani 7:20

Te we bidi augwaligo Jisasbolo po wei ponoyu, te po wai, “Dego nage elainogo ebawe? Woo, noma bidi dwai me deli nagede bidibaso, nago te po wali,” te olo we bidi augwaligo te po wai.

Matyu 10:25

Tama te skul ogomanigo te aga tisago ebo kolesaga tiwai ebo usu ebaso da, te usu dao. Tama te sę ebo bidigo aga tonalubo bidigo kolesaga tiwai ebo usu ebo si da, teda te me usu dao. Te augwaligo te nogi posobo po weyu, ‘Nage te dwai haubo bidigo tobolu bidi Belsebul dao’ po te hani tobolu bidibolo obaso da, teda dago koneao, te augwaligo dwai dwai nogi weyu posobo po wabo te aga dali bede bidibo bagebolo mu waibao,” Jisasgo te po wai.

Hosea 9:7

Te Godigo dageba dwai dene maiabo sogo pedelalio. Tama duga te yali dwai kolesagade usu nama, te dene saibao. Te sę pedalubo sogo da, teda Israel, duga koneaibao, te dwai dene dao. Dagego enabolo te po wali, “Te profet aga te kolesaga meni yai umuna sali da,” wali. “Te Godigo bomo elalubo bidi, aga te kolesaga geda mubo bidi da,” wai. Dage we bidigo ena godolo homu me isąwani, magi baso meni, dagego dwai sęgę te genuai umabo yai dao.

Jeremaia 15:17

Ena te bugai haliga eyu, gisugu wabo bidi dabe dali munu me bidibeo. Tama eno augwali dali wiegi yai pemene munu me ebeo. Menio. Enaduba naga bididuali, magi baso meni, eno koneani, te nago bomo enade elalu, te nago haliga sębę enade pągąnalubo dao.

1 Korin 9:27

Menio. Eno te ena tigiba mu eliyu tama aga ena homu wali pomainogo ebo dao. Magi baso meni. Eno te Godigo wiegi yai gesi po te gasa we bidi hauwabolo pusubo dao, te augwaligo te po bugagia wali pomainogo ebo dao. Tiali goli nosali ena digi te eno te po bugagia wali pisąyu tama ena tulaluidali weyu, tama eno bomonama te eno ebo kolesaga bugagia tonalubo dao.

Godigo Sęba Tagala Palai Bidigo Po 26:24

Te bidi Pol aga digi tau sabo po tama obadi, te bidi Festus agai agabolo i bomonama weyu, te po wali, “Pol, nage wabo pobao. Nage hauwa sogo skul wai bidi dao. Tama te genuai kolesaga sai bidi dao. Tibaso, nage wabo pobao,” wali.

Jeremaia 29:26

‘Sefania, Genuai Bidigo nage dąį ilama, nago te pris Jehoiada hasegelama, te Genuai Bidigo be tonaluao. Tama tialima, te esela pabo bidi me deligo te profet po pusubaso da, teda nago aga kalabus yabo sę elalubao, te aga nogo sągą dunama, te ain me deli aga dogonide domonao.

Te Israel me Juda Hani Sigo Tuni Bidigo Po Elalubo Buku Si 9:11

Jehu ma geasa pelama, te gasa gavman ofisa bidi dabe augwali bidiboba sabalobode, te ofisa dabe augwaligo agabolo e tama po hanalu wai, “Magi nai me deli pedalaliwe, a? Magi baso te e wabo pabo bidigo asama, nage suagasaliwe?” wali. Tama Jehugo te po wei ponoyu, e tama po wai, “Dagego koneanio, te tama tibo bidi dabego augwaligo kolesaga. Augwaligo te po subigilama po wabo dao,” wali.

Matyu 9:34

Tiali goli te Farisi hani dabe augwaligo te po wai, “Agai te dwai haubo mobo sela sąbo sę ebo te dwai haubo mobo tobolu bidi dabego bomode te dwai haubo mobo te sela sąbo dao,” te po wai.

Matyu 11:17

‘Dago dage ona sulubadi, tiali goli dagego tęąbi ebo hagela ebao. Dago homu dene ebo tęąbi obadi, tiali goli dagego gela wabo hagela ebo dao.’

Dwagi Yai Gesi Po Makgo Asęani 3:22

Te Juda dabego bomai po page koneani bidi dabe augwali te Jerusalemde bidaluali tama meba edaba dulama, tama augwaligo Jisasde te po wai, “Te dwai haubo noma bidi dabego tobolu bidi nogi Belsebul, tego Jisasde dagana siyu bididubao. Tama te Belsebulgo agabolo mani bomogo Jisasgo te dwai haubo noma bidi dabe sela sąbo dao,” augwaligo te po wai.

Dwagi Yai Gesi Po Jongo Asęani 8:52

Te Juda bage augwaligo Jisasbolo te po wai, “Megi da dago mu konebao, nagede dwai haubo mobo bidi bidibao. Abraham isai dao. Godigo nosali yabo sę po ola mani profet bidi dabe me augwali isai dao. Te genuai nogi elalubo bage augwali isai digi, nago te po wai, ‘Eno po wali pabo bidi dabe augwali munu me isigobeo.’