Matyu 10:39 - Godigo dwagi yai po buku

³⁹ Tama niwai bidi aga tigi me aga tǫde bidibo ula dali naga bugagia tonaluyu bidibo bidi, te bidi aga nosali wiegi yai mu bidabo ula hagawai bidi pedelaibao. Me ma, bidi aga tigi me aga tǫde bidibo ula dali agai eno sęba munama tama aga isiyu da, teda te bidi te nosali wiegi yai bidabo ula mu saibao, te bidada paibao,” Jisasgo te po wai.

Matyu 10:39 Referans Kwoze

Dwagi Yai Gesi Po Jongo Asęani 12:25

Tama te tiwai bidi aga tǫde bidibo sogode aga tobade aga digi dąų obaso da, teda nosali te bidi aga mu bidada pabo sogo mu hagawaibao. Me ma, bidigo e tǫde bidibo sogo aga digi tudiba muyu da, te bidi aga bidibo sogo mu elaluaibao, aga bidada peyu, bidada paibao.

Dwagi Yai Gesi Po Lukgo Asęani 17:33

“Niwai bidi aga e tǫde bidibo sogo aga tobade aga digi sese yai da homu eyu da, teda dowaibao. Me ma, niwai bidi ena tobade aga tǫde bidibo sogo sia sobaso da, teda nosali ma bidaibao.

Dwagi Yai Gesi Po Lukgo Asęani 9:24

Bidi me aga e tǫde bidibo sogo aga tobade aga tigi sese yaida homu eyu da, te doaibao. Me ma, bidi me ena wali asobadi yaide, aga tǫde bidibo sogo sia sobaso da, nosali bidibo ula selama, ma bidaibao.

Kraisgo Geme Dualali Sę Pedelabo Po Jonbolo Ola Mani 2:10

Tama nosali gana gasa bagego dagebolo dene mawaibao. Tiali goli dage te dene sabo sęde wi egio. E po odao. Satango dage meba kalabus iliyu, te dage agai poba asobowe suainogo usu siyu tiaibao. Tama dage te dwai sę ebogo sęgę me dene dali te nogo si sogo usu nama saibao. Gasa bidi augwaligo dage dali te dwai sę eyu, tama augwaligo dage ela mubo sę me eyu da, teda dage enade homu kęą pai bidi dabe bidiyu da, eno dagebolo wiegi yai nai mu mawaibao, te bidada peyu, bidada pabo ula dagebolo mu mawaibao.”