Matyu 10:33 - Godigo dwagi yai po buku

³³ Tiali goli mena bidi agai te we bidi augwali gedude ena nogi tudiba mubo bidi, te eno me eno Aya dagalude bidibo bidi gedude aga nogi tudiba muaibao.” Jisasgo te po wai.

Matyu 10:33 Referans Kwoze

Polgo Si Wali Pas Timotiba Asęani - 2TI 2:12

Te da tigidali sęgę tolobode bomo elama dolaluali da, teda da aga dali tuni bidi me bidaibao. Te dago aga tudiba mubaso da, teda agai me da tudiba muaibao.

Dwagi Yai Gesi Po Lukgo Asęani 9:26

Bidi mego enade hale eyu, eno ola mabo pode hale eyu ebaso da, teda nosali eno te bidide hale yaibao. Nosali Godigo Bidi Mu aga bomo dabe dali, aga ayago bomo dabe, moni ensel dabego bomo dabe dali asobo sogo, te hale yai bidi suyu, ena Godigo Bidi Mu eno me te bidide hale yaibao.

Dwagi Yai Gesi Po Lukgo Asęani 12:9

Tialima, bidi sabode ‘Woo, ena Jisas wali pabo bidi menio’ wabo bidi, te Godigo tagala palai bidi eno me dagalude Godigo ensel dabe sabode eno te bidide ‘Woo, te ena wali asobo bidi menio,’ waibao.

1 Jon 2:23

Niwai bidi agai te ogwa nogi wasiąma hogwa siyu tudiba muani bidi, te bidi agai te ogwa aga Aya me nogi wasiąma hogwa siyu tudiba muai dao. Niwai bidi agai te ogwa dali konealubo po dąų wali da, te bidi agai Aya dali me agai konealubo po mu dąų wabo dao.

2 Pita 2:1

Tiali goli polobadu te tibo po wabo profet bidi dabe meba te Israel dabe tomode pedalai. Tama tialima te tibo po wabo tisa bidi dabe meba augwali te dage tomode me pedalaibao. Te augwaligo geme te bidi dolabo tibo ola mabo po haniani ola mabo gagalaibao. Tama tiyu, te Genuai Bidigo augwali ma dobola siyu abelai goli, augwaligo te Genuai Bidi nogi tudiba muyu hogwa saibao. Te augwaligo tama tiyu, te augwa digi polo dolaibao.

Dwagi Yai Gesi Po Makgo Asęani 14:30

Tama Jisasgo agabolo te po wai, “Eno mu po nagebolo obao, megi e sogo hulide, te ba kakaruk po si sogo wasiąbadi, tama nago ena konebeo po te sela sogo waibao.” wali.

Dwagi Yai Gesi Po Makgo Asęani 8:38

Tama te megi e sogo tǫde bidibo we bidi dabe augwali da, te aga bidi taga soayu penani ebo we tiwai da, augwaligo Godigo po taga soali, tama haniani dwai sę ebo dao. Te bidi augwali bidalubo tomode bidiyu, tama agai enade me te eno ola mabo pode me hale eyu ebaso da, teda nosali ena te Godigo Bidi Mu, ena me te bidide hale eyu aga nogi geme dualaluaibao, te eno ena Ayago genuai bomo yai ula dali, te wiegi yai tedali ensel mobo bidi dabe dali e tǫba ma asobo sogo tama tiaibao,” Jisasgo te po wai.

Dwagi Yai Gesi Po Makgo Asęani 14:72

Tama polo te ba kakaruk hwa si sogo wai. Tama Pitago te Jisasgo agabolo wali po te homugo ma kone palali, “Te ba kakaruk po si sogo wasiąbadi, tama nago po sela sogo wagi soyu, nago ena konebeo po waibao,” wai. Tama Pita aga dwai gela mu wai.

Aisaia 59:13

Dago te dena Genuai Bidi, God, nageba dwai sę yali, te dago nage tudiba munama, nago po sela sąwani. Dago nage dologode bidibo te hagela homu yai dao. Dago te gasa bage elaluama, te haniani hagoma kolesaga yali. Dago te gasa bage dabe tibo po ola mayu, po geagano bilama, haniani sunumi nigibo po wali.

Dwagi Yai Gesi Po Lukgo Asęani 22:57

Hogwa siyu, Pitago te po wai, “Ena menio. We, nago wabo po eno te Jisas konebeo,” Pitago te po wai.