Matyu 10:17 - Godigo dwagi yai po buku

¹⁷ Tama dage te dwai kolesaga ebo bidi dabede dua dao. Te augwaligo dage augwa kaunsil bidi dabede po tų ilainogo sela peyu, tama augwaligo dage te bomo yai po ola mabo be tomode te keloago elaibao.

Matyu 10:17 Referans Kwoze

Dwagi Yai Gesi Po Makgo Asęani 13:9

“Duga digi te bugagia tonaluiąo. Te augwaligo dage te augwa kaunsilba po tų ela mawaibao. Tama augwaligo dage te Juda dabego bomai po odobo lotu be tomode elaibao. Te augwaligo ena nogi aiyaba elaluabo homu elama, tama augwaligo dage te gavmaniba me te tuni bidi gesabidiba dodolaibao. Tama tebode te dagego te Godigo gesi wiegi yai po te augwaliba pusa mao.

Matyu 23:34

Tama tibaso, eno te Godigo po pusabo bidi meba badi, tama te wiegi yai homu konea palobo bidi me, te Godigo po ola mabo bidi augwali dageba tagala palaibao. Tama te bidi dabe meba dagego ela muyu, tama meba te ni pedaide eliyu, tama meba dagego bomo yai po ola mabo be tomode bigo eleyu, dene mawaibao. Tama dagego augwali te hanu me delide ela gudulama, tama gasa hanu meba dagego augwali pobasa pabo sę yaibao.

Godigo Sęba Tagala Palai Bidigo Po 26:11

Tama hauwa sogo ena te Juda dabego bomo yai po ola mabo be dabe tomoba pelama, tama eno te augwali elemainu, eno bidi dabe me badu tagala palai dao, dene mawai, augwaligo Jisasba augwa homu mubo sę tagalomainu yali. Tama ena moni sębę mu elama, te Juda hani isąwai bidigo be nani dabeba peyu, tede te Jisasgo po wali pabo we bidi augwalibolo sęgę mawainu, gegegi pali,” Pol agai te po wai.

Dwagi Yai Gesi Po Jongo Asęani 16:2

“Augwaligo dage te Juda dabego bomo yai po ola mabo bede mu sela sąwaibao, te dagede habu selebao. Tama te sę naga egobeo. Nosali sogo pedalobode, tama te dage ela mubo bage augwaligo homugo Godigo sę augwaligo bugagia ebao, te homu yaibao. Tama te homu eyu, tama dage dali tiwai sę yaibao.

Dwagi Yai Gesi Po Lukgo Asęani 12:11

Dagego Godigo po pusubaso, augwaligo dage te Juda dabego bomo yai po ola mabo beba odasa selama, po tų ela mawainu eyu, ma te gavman tobolu bidigo gesabidide me po tų ela mawainu ebaso da, eno mena po obaso, te ena sana pabo po wagowe te homu eyu, te nago moni homu egimio. Magi baso menio.

Matyu 5:22

Tiali goli megi eno po dagebolo obao: Tama bidi mego aga ama dali sębę eyu da, te bidi aga po tuba odasa paibao, tama dene saibao. Tama bidi mego aga ama dali dwai po obaso da, teda te bidi aga te polalubo kaunsil bidibo digiba pelama, po tų emainogo yao. Tama bidi mego aga ama dali nogi posobo po weyu, nage sę isiąbo homu meni yai dwai bidi dao weyu da, teda te bidi aga te dwai madigi sia dabo dene sabo buluba paibao.

Godigo Sęba Tagala Palai Bidigo Po 22:19

Tama tibaso, nage polo pao,’ te po wai. Eno te po wei ponoyu, te po wai, ‘Genuai Bidi, augwaligo ena koneai dao. Polobadu ena te bomo yai po ola mabo be dabe tomoba pelama, te nago po wali pabo we bidi nogo tulama, elama, kalabuside muai dao. Tama eno te yali sę augwaligo koneai dao.

Maika 7:5

Awe, te sogo te ogwa dabego te augwa aya dabeba posobo po dwai weyu, te wegi dabego augwa ida dabego po sela sąyu yaibao. Te bidigo sali we dabego te augwa auwa dabe dali konila po weyu yaibao. Te bidi aga we wai dali te boi bidi pedelaibao. Tibaso, nago te naga abagigo wabo po me, hai namugo po me, te osola suao, dua dao. Tama nago te naga we dali wabo po tigidali me, te bugagia tonalu te yao.

Hibru 11:36

Tama te Godide konealubo po dąų wali we bidi meba te boi bidi dabe augwaligo te dwai posobo po sęgę siyu, tama augwali dodolama te dwai bįgo subigila elali, tama sengo augwali kęnama, tama augwali kalabusiba muyu yai dao.

Polgo Si Wali Pas Timotiba Asęani - 2TI 4:15

Nage me nage te bidi Aleksanderde dua dao, bugagia tonaluao. Agai bomo mu elama, tama te dago ola mabo po mu aiyaba elaluainu eyu, tede boi bidi homu yai dao.

Filipai 3:2

Dage dua dao, te sę dwai ebo bidi dabe, te wili sulai yowi tiwai. Dage dua dao, dwai bidi dabego dagebolo “Te da Juda bidi dabe tiwai eyu, duga tigi togoyu, Godigo sa mubo dąį tigiba muao,” te po wabo bage, te augwalide dua dao.

Dwagi Yai Gesi Po Jongo Asęani 11:47

Tama tibaso, te Farisi hani bage me, te pris hani tobolu bage me, augwaligo te kaunsil bage dali sisinama, Jisasde te po wai, “Dago te bidide magi yaibawe? Agai bomai sę hauwa mu ebo dao.

Dwagi Yai Gesi Po Makgo Asęani 13:12

Tama tobage sę pedalubo sogo te bidi dabego augwa ama dabe te boi bidi dabego nogoba munama, te augwali ela mumainu yaibao. Tama te aya dabego me te ogomani augwali te boi bidi nogoba muyu, te tama tiaibao. Tama te ogwa me wegi me augwaligo me te augwa aya ida dabe te boi bidi nogoba munama, tama augwali ela mumainu yaibao.

Matyu 26:59

Te pris tobolu bidi dabe dali, te tigidali kaunsil dabe dali, augwaligo te Jisasde tibo po omainogo yabo bidi dabe gegebo sę yali, tama augwaligo aga ela muabo po dąų wabo tų gegemainogo yalio.

Godigo Sęba Tagala Palai Bidigo Po 17:14

Tama polo te Jisasgo po wali pabo bidi hani augwaligo Pol dali bidi me badu dali te nabisba tagala palali. Tiali goli, Sailas dali, Timoti dali te Beria be nanide bidaluali.

Matyu 20:19

Tama augwaligo aga te Juda hani isąwai bidi dabe augwaliba mawaibao, te bagego agabolo te dwai usubo sę eyu, te posobo po weyu, tama aga bigo eliyu elama, tama aga ni pedaiba daganama, te neligo enama isaibao. Tama bidama, te sela wali sogode te aga ma hodaluaibao.” Jisasgo te po agade tiaibao olama te po wai.

Matyu 10:18

Te dagego ena wali pobaso, dage augwaligo te gavman bidi dabebolo me te genuai tuni bidiba me selasa paibao, te po tų tede ilimainogo yaibao. Tama dagego augwali dali me, te Israel hani isąwai bidi dabe dali augwalibolo eno gesi wiegi yai po pusao.

Godigo Sęba Tagala Palai Bidigo Po 9:2

“Nago enabolo pas asęna mao. Te pas selama, ena Damaskus be naniba pelama, tede Juda dabego bomo yai po ola mabo be genuai bidi dabebolo te pas mawaibao. Eno te Jisas wali pabo we bidi subaso da, nogo dųlama, tama te genuai bidi dabego ‘Usu da’ waibao. Te we bidi eno Jerusalemba ma odasa aselama, kalabusiba muaibao,” te po wai.