Matyu 1:6 - Godigo dwagi yai po buku

⁶ Tama Obetgo ogwa Jesi. Tama Jesi aga ogwa te tuni bidi Devit dao. Tama Devitgo ogwa Solomon, te Solomon aga ida te polobadu te bidi Uriago we dao.

Matyu 1:6 Referans Kwoze

Te Israel me Juda Hani Sigo Tuni Bidigo Po Elalubo Buku Deli 15:5

Genuai Bidigo te Devit homu kone palali, magi baso meni, Devit agai te dwagi yai kolesaga te Genuai Bidigo gedude yai. Tigidali sogo agai te Genuai Bidigo tigidali bomo yai po wali pai. Tialima, me sogo deli, meni. Te tama sogo deli Devitgo te Hit hani bidi Uria dali te dwai sę yali.

1 Samuel 17:12

Te Devitgo hani sibi te tiwai dao. Devit te Jesigo ogwa dao. Tama Jesi te Efrata bulu bidi, tama te Betlehem bulu te Juda hanigo tǫde bidai. Jesigo ogwa te a naga olama, meba sela elalubo sogo te Sol king pedelali, Jesi te monu dabe yai mu bidai.

Tuni Bidi Dabego Po Elalubo Buku Deli 14:4

Te agai ogwa dabe nogi e tama da, Samua, me Sobap, me Natan, me Solomon da,

Tuni Bidi Dabego Po Elalubo Buku Deli 3:5

Tama aga tede bididubadi, agai te ogwa Simea, me Sobap, me Natan, me Solomon ame nani. Te me si me si ogwa dabego augwa ida te Batseba, te Amielgo wegi dao.

2 Samuel 23:1

Te e da te Devitgo po silagasu pusali po. “Ena Devit, te Jesigo ogwa, eno te tama po wai. Te Jekopgo Godigo ena te king nigilama, te ena bidibao, tama agai enabolo te we bidi gedude genuai nogi mawai. Tama eno te Israel dabego wabo wiegi yai balia hauwa asęani. Eno te tama po obao.”

1 Samuel 16:1

Nosali Genuai Bidigo Samuelbolo te tiwai po wali, “Nago sesemane sogo te Solde haliga sęgę elaluai. Nisu sogo nago te haliga sęgę elalubo silaibawe? Eno aga sela sąwanio, tama eno gedude aga te Israel king munu ma bidibeo. Tialima, eno homugo megi nago te sipsip gąų me deli selama, tama tede te king bidi sa muabo oliv wel tabilao, tama nage pelama, Jesi sugi pao, te Betlehem bidi me deli, magi baso meni, eno te agai ogwa dabede te ogwa me deli te king pedalumainu nigilai dao,” wali.

Polgo Po Pas Rom Dabeba Asęani 8:3

E tiwai yai dao. Te dena tigi tomode bidibo dwai sę ilibo kolesaga elalubaso, dago te Godigo bomai po dolo wali peyu tama da doloba pai we bidi pedalisiąbo dao. Tiali goli God aga digi da doloba pai we bidi aga gedude pedalalio. Agai aga Ogwa naga tagala palai, te aga tigi te da dwai sę ebo bidi tigi tiwai elaluali. Aga dago dwai sę yali sęgę sela sąwainogo asai, tama da bidigo dwai sę yali dene te Godigo aga delide naga wei ponai dao.

Aisaia 11:1

Te Jesigo hani te ni bidi dabego gelai ni tane tiwai bididuali. Tiali goli, gesi age te ni tanede ma kolibo tiwai yaibao. Awe, te ni tanedu te gesi ni tigi holama, tama nologo me deligo du walaibao.

Godigo Nogi Ugwaba Sabo Tęąbi Po Wabo Buku Dabe 72:20

Te Jesigo ogwa, Devitgo wali te gedu haluasa po dabe te megi eba tama siminagasobao.

Tuni Bidi Dabego Po Elalubo Buku Deli 28:5

Tama agai enabolo ogwa hauwa mani, tama te ogwa dabe augwali tomode agai te Solomon dąį ilama, te Israel we bidi tonalumainu yali, te Genuai Bidigo tǫ kantri dao.

Tuni Bidi Dabego Po Elalubo Buku Deli 11:41

tama Uria te Hit hani, te Sabat, te Alaigo ogwa,

Tuni Bidi Dabego Po Elalubo Buku Deli 2:15

Me badu nogo kibisa wali ogwa nogi da Osem, te nogo a naga olama, me badu nogo si wali ogwa da te Devit dao.

2 Samuel 23:39

Uria te Hit hani bidi da. Te ami bidi dabego namba te bidi sese deli olama, nogo si olama, a naga me badu si, te tigidali usu nama te 37 ami bidi dabe dao.

2 Samuel 11:3

Tialima, Devitgo te niwai we mu yaliwe, te mu koneai sainu, te bidi me deli tagala palali. Tama agai te tama koneani, te we aga te Batseba bidibo suali, te Eliamgo wegi, tama aga te Uriago we dao, te Hit hani bidi me deli dao.

1 Samuel 22:8

Dagego tede homu kone palama, tama tiyu, dagego ena dolomai da homu eyu, te po miai dawe? Te dage me deligo enabolo weyu, te naga ogwago te Devit tau sabo po dąų walali po ena dali me walobeo. Dagego ena homu kone ma isiąma, tama enabolo weyu, te eno ogwago te Devit, te eno sę bidigo enade boi bidi pedalubo sę po enabolo me wabeo. Tama megi da, te Devitgo ena ela muabo sunumi gegebo sę ebao,” Solgo te po wali.

1 Samuel 17:58

Tama Solgo agaba hanalu wali, “Te ogwa bidio, nage te dego ogwa dawe?” Tama Devitgo agabolo te po wali, “King o, ena te Jesigo ogwa da, te Betlehem bidi me deli dao, aga te nago dologode bidibo bidi dao,” Devitgo te po wai.

Matyu 1:5

Tama Salmongo ogwa Boas, tama Boas aga ida te aga Rahap. Tama Boasgo ogwa Obet, tama Obet aga ida te Rut.