Matyu 1:24 - Godigo dwagi yai po buku

²⁴ Te Josep godege pilama hodaluama, tama agai te Genuai Bidigo ensel mobo bidigo aga dali wali po gilama te tiwai sę yai. Agai aga we sai.

Matyu 1:24 Referans Kwoze

Dwagi Yai Gesi Po Jongo Asęani 15:14

Tama dagego eno wali po selama, te po bugagia wali asobaso da, teda dage eno abagi dabe dao.

Ma Dobola Sali 40:32

Te augwali te Godigo ugwa be tomoba me te altaba painogo, augwaligo hasia bolo nogo sągą ąįgo tedelama, pai. Augwaligo te Genuai Bidigo Mosesbolo po wali gilama tiai.

Ma Dobola Sali 40:27

Tama te altade augwaligo te denami ebo nai pauda ulali, te Genuai Bidigo po Mosesbolo wali gilama tama tiai.

Ma Dobola Sali 40:25

Tama augwaligo te lam dabe te lam dabe tolaluabo nai te nogo age yaliba muani, tama te lam dabe te Genuai Bidi gedude udulali. Augwaligo te tiwai sę yali, te Genuai Bidigo Mosesbolo po wali gilama te tiwai sę yai.

Ma Dobola Sali 40:19

Tama augwaligo te genuai ugwa te ugwa be pedu dili ugwadu munama, tama te halubo nai sela selago te ugwa be haluali, te Genuai Bidigo te Mosesbolo wali po gilama te tiwai sę yalio.

Ma Dobola Sali 40:16

Tialima, Mosesgo te po odama, tama Genuai Bidigo agabolo te po wali te tigidali sę yai dao.

Tigidali Nai Gagalama Nigali Side 7:5

Tialima, Noago te tigidali sę te Yawego agabolo po wali gilama te sę ela silali.

Tigidali Nai Gagalama Nigali Side 6:22

Tialima, Noago Godigo agabolo te wali po gilama te tigidali sę ela silai.

Matyu 1:23

“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.

Matyu 1:25

Tiali goli te wai ame nisiąbadi agai aga te we dali me pibe, tama aga te wego wai ogwa ame nabo te sogo pedelai. Tama agai te wai aga nogi Jisas poai.

Godigo Sęba Tagala Palai Bidigo Po 5:19

Tiali goli, te hulide Godigo ensel bidi deligo te kalabus be tų dayagasali. Tų dayagaselama, te Jisasgo tagala palai bidi dabe buluba tagala palama, augwalibolo te po wai,

Godigo Sęba Tagala Palai Bidigo Po 12:7

Tama Godigo dagalude sę ebo ensel bidi me deli polo te kalabus be tomoba sabolama dolaluagasali, tama te be tomode ulago sela pali. Tama ensel bidigo Pita pila mubadi, tigiba diąnama, hodolai. Tama agai agabolo te po wali, “Nage polo hodaluao.” Tama tibadi yaide, te aligabo bono si augwa digi tǫba tuloluai.