Matyu 1:16 - Godigo dwagi yai po buku

¹⁶ Tama Jekop aga ogwa Josep. Tama Josep te we Maria aga bidi dao. Tama Mariago Jisas ame nai, augwaligo aga nogi te Krais da wabo dao. Te aga sa muyu asaiba wali bidi dao.

Matyu 1:16 Referans Kwoze

Matyu 27:17

Tama megi da Pailat aga te be tagalama, buluba pelama, tama we bidi augwali sisinagasali. Agai koneani, te tobolu bidi dabe augwaligo Jisas dali naga dwai homu elama, tama augwaligo Jisas aga gesabidide po tų ilainogo eyu, odasa asai dao. Tama tibaso, Pailat agai te we bidibolo te po wai, “Dagego homugo eno de dageba tagala palagawe? Ma, eno te Jisas Barabas, ma eno te Jisas, augwaligo te Krais nogi ebo bidi te dageba tagala palagawe?”

Dwagi Yai Gesi Po Jongo Asęani 4:25

Te wego agabolo te po wai, “Eno koneanio, Godigo sa muani bidi asaibao, augwali aga nogi Krais tama wai. Aga asobo sogo da, te agai dabolo tigidali naide po ola mawaibao,” wali.

Dwagi Yai Gesi Po Lukgo Asęani 3:23

Te bidi Jisas agai kibu be bidi sese deli olama, me bidigo nogo si wagi sobadi, te 30 yia wabode aga sę ebo gagalalio. Tigidali we bidigo homugo Jisas Josepgo ogwa daba homu yali. Tama Josep aga aya Heli. Heli aga aya Matat, Matat aga aya Livai.

Matyu 27:22

Pailat agai augwalibolo te po wai, “Eno tama tiyu da, teda e bidi da Jisas, augwaligo Krais nogi ebo bidi, agabolo eno magi sę yagawe?” Tama augwali tigidaligo te po wai, “Aga ni pedaide elao.”

Dwagi Yai Gesi Po Lukgo Asęani 4:22

Te we bidi tigidali augwaligo Jisas nogi ugwaba sali, tama Jisasgo dwagi yai po pusalide augwali tigidali noma sali. Tiali goli, augwaligo te po wali, “Mena tamawe, e bidi da, Josepgo ogwa meni yali wenagao,” te po wai dao.

Dwagi Yai Gesi Po Lukgo Asęani 2:48

Aga ida dali aya sigo sulama, noma sali. Aga idago agabolo te po wali, “Idao, magi baso nago tama te ebawe? Naga aya dali dadi si homu adaladu baso, gegaligo sai dao,” te po wali.

Dwagi Yai Gesi Po Lukgo Asęani 2:7

Tama Maria agai hasia ogwa ame nani. Tama pedai ugwa nanamenu dabego belama, tama kibu bulmakaugo nai tubo halobageba te ogwa wai pilagalama elalualio. Magi baso menio. We bidi osogo pibo be pągąna saide.

Dwagi Yai Gesi Po Lukgo Asęani 1:27

Gesi wegi me te bidi Josepbolo noma po wai, te wegi nogi Maria dao, “Te wegi pageba po pusigi pao,” te Godigo te enselbolo te tama po wali.

Dwagi Yai Gesi Po Makgo Asęani 6:3

Te bidi aga te be sę ebo kamda bidi naga dao, te dago koneani. Aga te we Mariago ogwa, tama aga ama dede da te Jems, me Josep, me Judas, me Saimon, te tama bagego ama gomunai bidi dao. Te aga abe dabe da dali ede bidibao.” Augwaligo te tiwai po olama, tama augwaligo aga dali dwai homu ela mani.

Matyu 2:13

Te Jisas suagasali po page koneai bidi dabe pela silai digi, tama Genuai Bidigo ensel mobo bidi Josepba nade pedalai. Ensel mobo bidigo te po wai, “Nage hodaluama te wai bǫų aga ida dali selama, tama Isip tǫba wi pao. Te genuai gavman tuni bidi Herot agai te wai bǫų te ela muabo homu eyu, aga gegebo tamadi gagalaibao. Tama tibaso, megi wi pao. Tama nage Isip tǫde bidibadi te eno ma asao obaso nage asao,” te po wai.

Matyu 1:15

Tama Eliut aga ogwa Elesar. Tama Elesar aga ogwa Matan. Tama Matan aga ogwa Jekop.

Matyu 16:16

Tama Saimon Pitago po wei ponoyu, te po wai, “Nage da, nage te Godigo te we bidi tau sabo sa muani bidi Krais dao, te nage bidibo ula elalubo Godigo Ogwa dao,” Pitago te po wai.

Matyu 16:20

Tama te po olama, agai po bomonama aga wali pabo bidi dabebolo wali, augwaligo gasa bidi dabebolo te aga digi te Godigo sa muani Krais bidi da wali po me wagio, hogwa sao, te po wai.