Malakai 3:16 - Godigo dwagi yai po buku

¹⁶ Nosali te Genuai Bidi dologode bidama agai po odali we bidi dabe, augwa haside digi po miani, tama Genuai Bidigo augwaligo mibo po odalio. Tama Genuai Bidigo te po wai, tama te dagalude augwaligo te we bidigo nogi asęai elalubo buku me deli nigali, tede te Genuai Bidi dologode elalu, te agaba homu begi pai we bidi dabego nogi elaluali.

Malakai 3:16 Referans Kwoze

Kraisgo Geme Dualali Sę Pedelabo Po Jonbolo Ola Mani 20:12

Tama eno ma suali, te isai we bidi dabe augwali bidaluali, te augwali nogi yai bidi dali, te nogi meni yai bidi dabe dali, augwali te tuni bidi dulalubo nai te gesabidide dodolalubo, te eno suali. Tama te saide dulalubo bidi agai te buku meba dagawai. Tama agai gasa buku me deli dagawali, te augwali isiąma gamonaibao wali we bidi nogi asęani buku dao. Tama agai te tigidali isai we bidi dagalai. Agai te augwaligo yali kolesagade po te buku dabede asęani po nedama, tama te asęani pode agai augwali dagalali.

Godigo Nogi Ugwaba Sabo Tęąbi Po Wabo Buku Dabe 56:8

Nago ena te sęgę toliyu, tama ena te dwai dene me eyu, tama ena te gela udubo te nago koneai. Tialima, nago tede homu konealu elama, tama te naga bukude te nago asęai dao.

Malakai 4:2

“Tiali goli dage eno po wali pabo we bidi, te eno bomogo dage ma saibao. Eno bomo te giliga ulago bomo tiwai elalu, tama dage we bidi te giligago tigi dili ilibo tiwai yaibao. Te dage wiegi yai pemene eyu, te bulmakau wai dabe te banis tomode bidai te buluba dinibo side te sasa mano pabo tiwai ebo dao.

Kraisgo Geme Dualali Sę Pedelabo Po Jonbolo Ola Mani 15:4

Tama Genuai Bidi, nagaduba deli digi naga nage te magi dwai sę me esiąyu wiegi yai doloba pai mu bidibo dao. Tama tibaso, niwai bidigo nage dali wi egobewe? Tama niwai bidigo nage nogi ugwaba sogobewe? Te tobage bidi menio. Tigidali bidi hani augwali aselama, nage pagede lotu po nage dali wagasaibao. Magi baso menio, nago doloba pai kolesaga te hania bulu ulaba pedalai dao,” augwaligo te tęąbi po wabo eno odali.

Hibru 10:24

Da we bidi deli deli dena hasi te dago abagide homugo kone palao. Augwa hasi augwaligo dwagi yai homu eyu godolo ebo kolesaga dali, te dwagi yai tau sabo kolesaga me, te kolesaga si yabo homu hodolomainogo eyu, dago dena abagi dabede homugo kone palama tama tau sao.

1 Tesalonaika 5:11

Tama tibaso, duga hasi te pogo duga abagi dabe augwali homu kolesaga dąų waliyu, tau siyu, te po augwalibolo ola mao, tama megi dagego te ebo sę tiwai tama naga yao.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Godigo Sęba Tagala Palai Bidigo Po 9:31

Te side Jisasgo po wali pabo we bidi te Judia tǫde me, Galili tǫde me, te Samaria tǫ me, te bulu we bidi augwali bugagia bidali, wi ebe. Godigo Dwagi Yai Mobogo augwali tau selama, te umabo we bidi Jisasgo poba augwa homu tigidali munama, bomo yali. Augwaligo Genuai Bidigo nogi ugwaba mu sali, te augwaligo Genuai Bidigo po wali pali.

Aisaia 26:3

Genuai Bidi, augwali nage dologode naga bidibo dao, tama augwaligo homu nage delide naga dąų olama, elalubo dao. Tama tibaso, nago augwali dali homu nagame ebo kolesaga augwali mu pągąmainu ebo dao.

Godigo Sęba Tagala Palai Bidigo Po 10:2

Tama te bidi aga hani dabe dali tigidali sogo te Godibolo lotu po wedu te bidigo te Godigo godolo yabo kolesaga yali. Te bidi aga dali deli bede bidibo bagego tigidali te God dologode bidai. Tama te bidi agai te tigidali Juda tǫde bidibo nai meni yai we bidi agai tigidali sogo tau sabo da. Agai Godibolo hanalubo po hauwa sogo wabo bidi dao.

Esekiel 9:4

tama agabolo te tama i walio, “Nage te Jerusalem taun pedai tigidaliba pelama, te augwa abagi dabego te taun tomode dwai kolesaga ebaso, te dwai haliga eyu, te moni homu ebo we bidi tigidalide nago te augwali gesabidide te dąį muna muna pao,” po walio.

Godigo Nogi Ugwaba Sabo Tęąbi Po Wabo Buku Dabe 34:15

Genuai Bidigo te doloba pai bidi dabe tonalubao, tama agai te augwaligo usu da weyu, gedu haluasa po wabo odobo dao.

Efesus 5:19

Tama tiyu, dagego duga hasi duga ama dedego noma bidi mobo dąų omainogo, dagego haniani dwagi yai balia po wao. Tama te lotu balia wabo buku nogi Sam, te bukude elalubo Godigo nogi ugwaba sabo po me, te Jisasgo nogi ugwaba sabo tęąbi po me, te po tama duga ama dedebolo wao. Tama tiyu, bomo eyu te dago Genuai Bidibolo me aga nogi ugwaba sabo balia po dali lotu tęąbi po dali wao.

Godigo Sęba Tagala Palai Bidigo Po 1:13

Tama augwali Jerusalem tomoba pelama, beba sabolama, augwa osogo bidigi pabo be habuba ugwaba holali. Tama te bidi dabego nogi e dao, te Pita, Jon, Jems, Andru, te Filip me, Tomas me, te Bartolomyu me, Matyu me, te gasa me Jems, aga aya nogi Alfius, te Saimon, te independes sainu ebo hani bidi me, te gasa Judas me, aga aya nogi Jems.

Daniel 7:10

tama besela palalio. Te bidi sese umabo mu, te hauwa tausen we bidigo te Bidigo sę yali, tama te umabo hauwa milion we bidi aga pąde dolaluali. Tama mebago te buku dabe dagalama, te po tų kot hodolainu yai.

Dwagi Yai Gesi Po Lukgo Asęani 2:38

Te sogo me aga pąba aselama, Godibolo “Nage usu dao” wai dao, Godigo te wai mawai baso. Te Godigo Jerusalem bage ma sai hagede tonalubo we bidi dabebolo te ogwa wai bidibo po pusa mani, te mosi we Anago.

Esta 6:1

Te sogo hulide digi, te king bidi aga godege bugagia piabo ąǫ ebeo. Tama agai augwalibolo po olama, augwaligo agai te tonalubo tǫ pedaide ebo po tigidali asębo te buku sesao po wali, tama augwaligo po meba te bukude asęani nedainogo tialio.

Godigo Sęba Tagala Palai Bidigo Po 2:1

Te nosali te Pentikos sogo asobo si, te Jisas homu dąų wabo we bidi tigidali te deli beba sisinagasali.

Aisaia 65:6

“Suao. Ena Genuai Bidi, eno te dage dwai we bidi dabego ebo dwai sę tigidali te eno bukude asęani. Tede eno sagia sogobeo. Menio. Te eno dageba dwai dene mayu, te duga yali dwai sę tigidalide dolo mu wei ponaibao.

Aisaia 50:10

Dage te Genuai Bidi dologoba pelama, te agai sę bidigo po wali pabo hani dabe, dage wi me igimio. Te dage hulide biliyu, te dage ula meni yai, te dage konealubo homu Godiba dąų wao, te Genuai Bidigo dage tonalu, agai dage tau saibao.

Aisaia 26:8

Awe, Genuai Bidi, da nago bomai po wali peyu, bilibo dao. Tama dago nage deli naga tonaluyu, tonalubo dao. Dago nago genuai nogi godolo mu ebo dao.

Bugagia Bidibo Kolesagade Po Asęai Buku 13:20

Te bidi te wiegi yai homu kolesaga elalubo bidi dali bilali da, teda agai me te wiegi yai homu kolesaga saibao. Tiali goli, te bidi te wiegi yai homu meni ebo bidi dabe dali kisasa bilibaso da, teda te sęgęgo aga gegaibao.

Godigo Nogi Ugwaba Sabo Tęąbi Po Wabo Buku Dabe 147:11

Menio, agai te wiegi yai pemene te agade wi ebo we bidiba yaibao, tama te agai da sesemane godolo ebo dao homu eyu, agaba homu kęą pabo we bidi dabede, te agai augwalide dwagi yai homu ebo dao.

Godigo Nogi Ugwaba Sabo Tęąbi Po Wabo Buku Dabe 139:4

Tama eno te po me deli wainu ebaso da, nago te po polo koneanio.

Godigo Nogi Ugwaba Sabo Tęąbi Po Wabo Buku Dabe 119:63

Ena te nago sę ebo bidi dabe dali biliyu, te nago bomo yai po wali bilibo bage te eno abagi dabe dao.

Godigo Nogi Ugwaba Sabo Tęąbi Po Wabo Buku Dabe 111:10

Te bidi te kolesaga koneai bidi pedelainogo eyu da, aga te Godide wi yao. Agai te wiegi yai homu kolesaga te agaba homu mubo we bidiba mabo dao. Dago aga nogi sesemane bidada pabo sogo ugwaba sao.

Godigo Nogi Ugwaba Sabo Tęąbi Po Wabo Buku Dabe 94:19

Tama eno homu sęgę yali sogo tama eno homu nai hauwa dali yai, nago eno homu dwagi yai eyu, tama nagame elama bidai, tama eno homu dwagi yai emainogo yai.

Godigo Nogi Ugwaba Sabo Tęąbi Po Wabo Buku Dabe 66:16

Dage te God dologode bidibo we bidi dabe, dage aselama, te eno po odagasiąo. Te eno dagebolo te tigidali sę po te Godigo ena tau selama, yali sę po waibao.

Godigo Nogi Ugwaba Sabo Tęąbi Po Wabo Buku Dabe 33:18

Tiali goli, odao. Genuai Bidigo te aga dologode bidibo we bidi tonalubo dao. Awe, te agai te da godolo ebo kolesaga ebo siligobeo homu ebo we bidi, te augwali agai bugagia tonalubo dao.

Godigo Nogi Ugwaba Sabo Tęąbi Po Wabo Buku Dabe 20:7

Te meba hanigo hagoma eyu, te hwįbo karis dabeba homu muani, tama gasa hani mebago te augwa hos dabeba homu muani. Tiali goli, dago te dena God Genuai Bidiba, Godiba, konealubo homu dąų wabo dao.

Godigo Nogi Ugwaba Sabo Tęąbi Po Wabo Buku Dabe 16:3

Augwaligo konealubo homu Godiba naga dąų wali we bidi, augwali e tǫde bididubadi, augwali te tedali gasagi yai we bidi hani dao. Eno dwagi yai homu mu elama, augwali dali bidaio homu ebo dao.

Godigo Nogi Ugwaba Sabo Tęąbi Po Wabo Buku Dabe 10:4

Te hagoma ebo bidigo te tama po wabo da, “Eno koneani, Godigo eno ebo dwai sę wei ponobeo. Agai enade magi homu me egobeo.” Te dwai sę ebo bidigo te tama homu eyu, agai te Godigo ebo kolesaga wali pabo menio.

Jopgo Po Asęani Elalubo Buku 28:28

Tama God da tǫde we bidibolo e tama wai dao, ‘Bidi ena Genuai Bidide wi eyu, ena dologode bidibo bidi, agai te dwagi yai homu kolesaga page konebo gagalai dao. Tama dwai kolesaga tudiba mubo bidi, te bidi da, dwagi yai homu kolesaga elalubo dao,’ Godigo te po wai,” Jopgo te po wali.

Esta 2:23

Augwaligo te po page gegelama, tama augwaligo koneani, te mu po da wai. Tama tibaso, augwaligo te bidi si te ni pedaide walama, tama augwali si isali. Nosali king bidigo te po wai, “Te tiali po te dago dena gavmanigo hasia yali sę po buku, te bukude te po asęao,” wali. Tialima, augwaligo tama tiwai yalio.

Te Israel me Juda Hani Sigo Tuni Bidigo Po Elalubo Buku Deli 18:12

Te eno nage taga pabo sogo, teyu te Genuai Bidigo Mobo Bidigo nage selasa, te eno konesiąwai bulu me deliba sela pidalio. Te king Ahapgo nage gegagasali nage susąbaso, te agai wado homu elama, te ena ela mueibao. Nago ena me tagala palogobeo. Menio. Nago ena homu dene yao, magi baso meni, sesemane sogo ena Genuai Bidi dologode bidiyu, te agaba lotu udali, te ena ogomanide gagalali, te megi e sogoba usu nagasalio.

2 Samuel 7:1

King Devit aga bede bidiyu, tama bugagia dulaluali, magi baso meni, Genuai Bidigo te boi bidi dabego te Israel dabeba hwįagasomainu me ilibeo.

Hibru 12:15

Te ama me deli tula muyu tama Godigo te olo tau siyu mabo kolesaga tagalidali weyu dagego bugagia tonaluao. Tama tiyu dage tomode pedalobo ama me deli aga te ha ebo nedu du tiwai walama, tama dagebolo sęgę menama, tama dage God gedude meda yai pedelabuo.

Hibru 3:13

Tama tiwai pedalidali weyu, megi e sogo Godigo nogi yali “te megi” te me elalubadi, tigidali sogo deli deli dagego wiegi yai po te ama dedebolo mayu, tama augwali homu hodoloyu tau sao. Duga hasi tama tiluao. Tiyu te sęgę sabo kolesagago dage tomode bidi me deli ili po ola mayu, tama te sęgo aga olo palia selamuo.

1 Tesalonaika 5:14

Dago abagi dage tuni bidi dabebolo dago po bomo elama dage dali obao. Dagego te sę hagela ebo bidi dabe augwalibolo po bomo elama, augwali homu kolesaga dagego bugagia ma dodolao. Tama te wi ebo bidi dabe augwaligo homu kolesaga dąų walao. Tama te bomo meni yai bidi dabe augwali dali dagego dwagi yai kolesaga naga eyu bidao, sębę egimio.

Godigo Nogi Ugwaba Sabo Tęąbi Po Wabo Buku Dabe 104:33

Eno bidibo ula elalubo te sogo, eno Genuai Bidi dali tęąbi yaibao. Eno Godigo nogi ugwaba selama, tęąbi eyu, ena isiboba usu nigi paibao.

Te Israel me Juda Hani Sigo Tuni Bidigo Po Elalubo Buku Deli 18:3

Te tiali sogo, te Samaria dabe te nai mu meniama sǫą pai, tama king Ahapgo po ola toloyu, te Obadia aselama, aga suagasao po wai. Obadia aga te kingo bede tigidali doado bage tonalubo sę idualio. Obadiago te Genuai Bidi deliba naga lotu weyu, aga dologode bidai dao.

Tigidali Nai Gagalama Nigali Side 22:12

Tama Mobo Bidi Enselgo te po wali, “Nago te wai elamuo. Nago magi sę me deli aga dali me igio. Nago ogwa deli naga elalubadi, tama nago aga yogo eyu, dąų me wabeo. Tama tibaso, eno koneani, nage te Godigo po odobo bidi dao,” Yawego Ensel Mobo Bidigo te po wai.

Ma Dobola Sali 32:32

Tiali goli, megi eno nagebolo hanalu obao, te nago homugo augwaligo sęgę sela sąyąbo homu ebaso da, teda nago augwaligo sęgę sela sąyao. Ma, nago hagela homu ebaso da, teda eno nagebolo te po hanalu waibao, te nago naga we bidi augwali nogi asęai elalubo bukude te eno nogi asęai elalubo, te deli naga te sela sąyagameo.” Te po wai.

Aisaia 4:3

Te Saion hanude bidibo we bidi dabe, augwali te Jerusalemde me bidibo we bidi dabe da, Genuai Bidigo augwali bugagia bidimainu sa polo muai dao, augwali bugagia bidimainu. Tama agai augwali nogi agai bukude asęai dao. Tama megi da, agai augwali aga we bidi mu dao waibao.

Jeremaia 8:6

Eno augwaligo poba olo bugagia mubadi, tiali goli eno augwaligo mu po wabo me odobeo. Te bidi me deligo homu begeligi soyu, te po weyu, ‘Tegobao, eno genuai sęgę mu sali,’ po wabeo. Menio. Tigidaligo augwa homu naga wali pabo homu yali, te ami dabe hosde dugulama, te hwįgi painogo udabo tiwai ebo dao.

Jeremaia 31:18

Te Efraim hani dabego gela wabo eno mu odalio. Augwa gela weyu, te tiwai po wali, ‘Genuai Bidi, nago da keloago elali, te nago da dodolali, te bidigo te hagoma ebo ogwa bidi bulmakau elibo tiwai yai. Genuai Bidi, nage naga dago God, te da nageba ma asabo homu ebao. Tama tialima, nago da odasa asao.

Daniel 12:1

Tama te bidi te da tǫde bidi tiwai, agai te Danielba te tama po ma wali, “Te sogo te polalubo ensel Maikel te pedelaibao, te dage Israel dabe tonalubo ensel dao. Te sogo te genuai sęgę mu pedelaibao. Polobadu te tobage sęgę tiwai te bulu tǫ kantri me delide pedalubeo. Te sęgę pedalubo sogo, teda te Godigo dage te Israel we bidi tigidali dobola ma saibao, augwali nogi te agai bukude elalualio, tama te augwali bugagia bidaibao.

Nehemia 1:11

Tama da tigidali Israelgo te nageba wiegi yai homu pemene elama, tama nago nogi ugwaba sobao. Tama eno homugo megi nago te tigidali Israelgo gedu haluasa po wabo odomainu homu ebao. Tama me te nago megi eno e gedu haluasa po wabo me odao homu ebao. Tama eno te king sugi pabo si da, teda nago digi te kingo ena homu dene emainu ilama, tama agai ena tau somainu yao.” Eno te gedu haluasa po te ena kingo sę bidi bidali sogo wali. Eno sę te kingo wain ąį tonalubo sę yali, tama te wain wę sela pelama, te kingo tumainu magi pabo sę yai dao.

Godigo Nogi Ugwaba Sabo Tęąbi Po Wabo Buku Dabe 56:9

God, eno nage koneanio. Nago ena tau sainu yai. Tama tialima, nosali eno nageba gedu haluasa po waibao, te nago te boi bidi dabe pobebaso, tama augwali wi paibao.

Godigo Nogi Ugwaba Sabo Tęąbi Po Wabo Buku Dabe 115:13

Genuai Bidigo te agade wi ebo we bidi bugagia wiegi yai ilaibao, te nogi yai we bidi, me te nogi meni yai we bidi dabeba, te tama tiwai sę yaibao.