Malakai 3:15 - Godigo dwagi yai po buku

¹⁵ ‘Dago te hagoma ebo bidi dabe bugagia bidiyu pemene ebo suali. Tama te dwai kolesaga ebo bidi dabego te doado bage hauwa elalubao, tama augwa te God usu sabo tobage kolesaga yalio, te augwaliba dene mabowe, ma meniwe, te suainu tiali. Tama Godigo augwali me dolisąwai. Mu menio.’ Dagego te po wai dao,” Genuai Bidigo te po wai.

Malakai 3:15 Referans Kwoze

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Malakai 2:17

Dagego te haniani po hauwa obaso, tama Genuai Bidi te pode hagela yalio. Tiali goli, dagego te tiwai po hanalu wali, “Dago mena po obaso, te Genuai Bidigo dade hagela homu ebowe?” Dagego te tiwai po obao, “Genuai Bidigo homude te dwai sę ebo bidi te augwali wiegi yai bidi dabe da waibao, po meni, te agai augwali godolo eba homu yali.” Tama dagego e tiwai po weyu yali, “Augwa te po weyu, Godigo te doloba pai kolesaga ebo dao wali. Tiali goli, dago aga te dwai kolesaga ebo bagede te tama tebo subeo,” wali. Tama tibaso, agai dagego te wabo pode hagela homu mu ebo dao po walio.

1 Pita 5:5

Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”

Hibru 3:9

Tama Godigo te po wai, ‘Tede dagego wąį nǫų dabe augwaligo eno yali bomai sę tigidali te kibu be bidi sese si tede usu nama augwaligo suai. Tiali goli te sula tagaliyu, augwaligo ena usu mu sai.

Godigo Sęba Tagala Palai Bidigo Po 12:21

Te Herot me deli sogo bodolu mani. Tama te bodolu mani sogode agai dwagi yai ugwa aluama, tama agai genuai bidigo wiegi yai ni namide dugayali. Tede agai te we bidibolo bobobage po ola mani.

Godigo Sęba Tagala Palai Bidigo Po 5:9

Tiali goli, Pitago te po wai, “Magi baso dage sigo homugo te tibo po waliwe, te Godigo Dwagi Yai Mobo usu saliwe? Nago bidi pubulali bidi dabe tųba dolagasobo side, nage me tolasa paibao,” te po wai.

Daniel 6:16

Tialima, kingo te gasa bidi dabebolo te Daniel sao po olama, tama aga te laion dabe bidibo tǫ dedageba tula palali. Tama agai Danielba te tiwai po wai, “Eno homugo te nago konealubo homu dąų mu olama, agaba sesemane sogo te lotu po udubo Godigo, agai nage tau somainao,” te po wai dao.

Daniel 4:37

Megi da, ena Nebukatnesar, eno wiegi yai homu pemene te dagalude kingba eyu, tama eno aga nogi ugwaba siyu, tama agaba genuai nogi mawai. Tigidali sę agai ebo te wiegi yai pedelama, tama doloba pai naga yali, tama agai te bidi dabego augwa nogi augwa digi ugwaba sainu ebo bidi dabe te aiyaba elalubo dao,” king Nebukatnesargo te po wali.

Daniel 4:30

Tama agai te tama po wali, “Iya, Babilon te genuai taun mu, tama te polalubo mu da. Te ena king bidi ede bidimainu eyu, te eno bomogo digi, eno te taun hodolali, te eno genuai bomo me genuai nogi te tigidali hani we bidiba ola mani dao,” kingo te po wai.

Jeremaia 7:10

Dagego te tama kolesaga dabe ela selama, tama dagego te enaba lotu omainu, te dąį ilali be tomoba dage asobao. Te dage ena pageba asiyu, dagego te po obao, ‘Da bugagia bidibao,’ wali. Tialima, te nosali dagego eno be tagalama, te dage peyu, te kugumini yai kolesaga umabo igi pobao. Dagego homugo te wiegi yai kolesaga da homu eba, agawe?

Bugagia Bidibo Kolesagade Po Asęai Buku 12:12

Te dwai sę ebo bidi dabego te bidi mebago te dwai sę elama, tama te nai hauwa sabo sulama, tama augwali te nai dabede te pesą mu ebo dao. Tiali goli, te doloba pai bidi dabego te nai hauwa te augwa wiegi yai kolesaga ebode sabo dao.

Godigo Nogi Ugwaba Sabo Tęąbi Po Wabo Buku Dabe 106:14

Te masigi tǫ wa pai bulude, augwaligo haliga te tuabo naiba homu hogodalu, tama augwaligo te God usu sai dao.

Godigo Nogi Ugwaba Sabo Tęąbi Po Wabo Buku Dabe 95:9

“Te bulude augwaligo ena usu sali. Augwaligo te eno ebo tigidali bomai sę suali, tiali goli, augwaligo ena usu sai dao.

Godigo Nogi Ugwaba Sabo Tęąbi Po Wabo Buku Dabe 78:56

Tiali goli, te Israel dabego te Ugwadu Mu Bidibo God usu selama, tama agaba hagoma yai. Augwaligo agai bomai po wali me pisąwai.

Godigo Nogi Ugwaba Sabo Tęąbi Po Wabo Buku Dabe 78:41

Te Israel dabego God te tedali gasa wiegi yai mu dao. Tiali goli, hauwa sogo augwaligo aga usu sabo sę eyu, tama agai wado yabo sę ilali.

Godigo Nogi Ugwaba Sabo Tęąbi Po Wabo Buku Dabe 78:18

Augwaligo God usu siyu, te tiwai yai. Augwaligo i bomonama agaba weyu, te augwaligo wei ebo nai agai momainu yai.

Godigo Nogi Ugwaba Sabo Tęąbi Po Wabo Buku Dabe 73:12

Te dwai sę ebo bidi dabego te tama tibo dao. Augwaligo doado bage te hauwa elaluali, tiali goli augwaligo umabo mu sabo sę ebo dao.

Godigo Nogi Ugwaba Sabo Tęąbi Po Wabo Buku Dabe 49:18

Tama aga e tǫde bidibo sogo te bidi agai te tigidali nai dali dwagi yai homu yai. Agai sę bomo elama, nai hauwa sai, tama bidi augwaligo te po wai, “Aga dwagi yai bidi dao.”

Godigo Nogi Ugwaba Sabo Tęąbi Po Wabo Buku Dabe 10:3

Te dwai sę ebo bidigo te aga ebo dwai homu kolesagade hagoma homu eyu ebo dao. Tama te hauwa nai wei eyu, pesa ebo bidigo agai te Godiba dwai po weyu, tama aga tudiba mudu gebo dao.

Jopgo Po Asęani Elalubo Buku 22:23

Nage God Tigidali Bomo Elalubo Bidiba ma asiyu da, teda agai nago sęgę sela sąna silama, tama nage bugagia ma bidaibao. Tama nago te dwai kolesaga tudi ola menama, tama nage te tobage kolesagade digibulu bidao.

Jopgo Po Asęani Elalubo Buku 21:30

Mu tama. Augwaligo dagebolo e tama waibao. Te God sębę elama, tama dwai sę pedalumainogo elama, tama we bidi hani deli pesage badu dolainu da, teda agai te dwai kolesaga ebo we bidi dolobo menio. Menio. Augwali bugagia bidimainu sula tagalobo dao.

Jopgo Po Asęani Elalubo Buku 12:6

Tiali goli, nai wi sabo bidi dali, me te Godigo po sela sąbo bidi si da, augwali bidibo page da, dwagi yai dao. Augwa digi bomonama sulama, tama augwa bugagia bidibo page usu ilali. Tama tebogo augwaligo augwa god nigilali,” wali.

Esta 5:10

Te Hamango haliga sębę mu geninama yali, tiali goli aga homude digi pania selama, tama magi sę me deli ebeo. Aga pelama, sabolama, tama aga abagi dede dabe i ola sisinama, tama aga we Seresbolo me hanaluyu, augwali dali dualama bidali.

1 Korin 10:9

Tama dago me dwai sę eyu te Genuai Bidi usu me selamuo. Te augwali tomode mebago dwai sę eyu aga usu sobaso, tama te dwai hasamani dabego augwali gąų kelama tama augwali isai dao.

Godigo Nogi Ugwaba Sabo Tęąbi Po Wabo Buku Dabe 58:2

Mu menio. Te dagego homu te dwai kolesagaba naga kęą pai elalubao. Tama dagego te tigidali badu te bidi dabe dolobo sę ebao.

Godigo Nogi Ugwaba Sabo Tęąbi Po Wabo Buku Dabe 141:4

Ena te dwai kolesaga ebo tomoba pidali weyu, nago ena hageao. Tama nago ena te dwai sę ebo bidi dabe dali deliba sisinama, tama te dwai sę meba emainu me elamuo. Ena te augwali te moni nai daa tuboba pelama, te augwali dali deliba dugamainu me idali weyu, nago ena togolao.

Kolesaga Koneai Bidigo Pusali Po Elalubo Buku 8:14

Mu tama, augwaligo te tama po wabo dao, tiali goli eno suali, te gasa kolesaga pedalubo eno suali, te augwaligo po wali tiwai gilama pedalubeo, tama te kolesaga mu geda muani. Me sogo te doloba pai kolesaga ebo bidi te dwai dene sali, te dwai bidi dabego sabo sę usu te doloba pai bidigo saibao. Tialima, te dwai sę ebo bidi dabego te doloba pai bidi dabego sabo sę usu te augwaligo sali. Te tama tebo kolesaga te aga page meni yai elalubo dao.

Aisaia 2:22

Dagego homugo bidi mego da tau saiba homu elamuo. Mu menio. Da bidi da olo nai mu dao. Magi baso meni. Da pęwądage sogo bididama, tama da isaibao.

Jopgo Po Asęani Elalubo Buku 1:22

Mu tama, te dwai sęgęgo Jop hwa sali. Tiali goli, agai dwai sęgę elama, Godibolo sębę yai po me wabeo.

Godigo Nogi Ugwaba Sabo Tęąbi Po Wabo Buku Dabe 73:3

Magi baso meni, eno suali, te dwai sę ebo bidi dabe te moni bidi pedalubaso, tama eno te hagoma ebo bidi dabego nai dabede pesa yali.