Malakai 3:11 - Godigo dwagi yai po buku

¹¹ Dagego tama tibaso da, teda eno te dwai osogani dabe paniama, te dagego gi nai me dologobeo. Te ni wain du te dagego wain gide mu pągąna paibao wai dao.

Malakai 3:11 Referans Kwoze

Bomai Po 11:14

Tama dagego te tama tiyu da, teda agai tulubage te gi bugagia tau sabo sogo tulubage dagego giba dabe tagala palaibao. Tama tiyu, dagego nai dabe hauwa mu elaluyu, me wain dabe, me oliv wel dabe usu me elama, mu elaluaibao.

Joel 2:22

Te kibu hasa sibi dabe, dage wi me igimio. Magi baso meni, te nosai ma pedelali. Te ni dabego nai ma walali, te ni kaya fik me, ni wain me, te du hauwa walama elaluali.”

Sekaraia 8:12

Te eno augwali haliga dua tegaluama bidibo sę ilama, te augwa wai gi dabe bulumainu yaibao. Te tulubage hauwa tulama, te augwaligo wain ni du dabe walama, te nai dabe me wiegi yai holaibao. Eno te tigidali wiegi yai sę te dwasianu bidibo hani pedali dali yaibao.

Joel 2:20

Tialima, eno te kuli mano dabe te not pedaiba gudulaibao, meba te wa pai tǫ bulu pesageba sela sąwaibao. Te hasia mu asali kuli mano hani eno te sigi ąį Detsiba gudulaibao, te nosali asali hani eno te genuai tamu ąį Mediterenianba sela sąwaibao,” wali. “Tama te kuli mano hani tigi te isila pelama, te damubo kugumini yaibao. Eno te tama tebo te augwaligo dageba yali dwai sę tigidali wei ponoyu, tama tiaibao,” Genuai Bidigo te po wai.

Joel 1:4

Te me si me si te tobage kuli mano hani pedelama, tama te tigidali nai yabe mu silalio. Tama hasia te polasa pali kuli mano hanigo te taga pali nai yabe, te si wali nosali asobo kuli mano hanigo tula silali. Tama te sela wali, me te me si me si wali hani, te hani sigo te tama tiwai naga yali, tama te tigidali nai mu silalio.

Hagai 2:17

“Eno te posolo yai wali me deli tagala palama, tama te wali asu, te gasi me deli te wali dali asu, te dagego te gi nai dabe tigidali dolai dao,” wali, “tama te ais te kulubage tiwai aselama, tama te dagego gide bulali nai dabe tigidali dolai dao,” wali. “Dagego te sę dabe augwali pedalobo suai dao, tiali goli dagego sulama, te dagego te eno be sę ebode duga homu munu me begelebeo.

Amos 4:9

Te Genuai Bidigo te tama po wai, “Hauwa sogo eno te dagego gi dolomainu eyu, eno te posolai wali tagala palai. Me, te hauwa sogo eno te dagego gi nai yabe aminawai holomainogo ilai. Te kuli mano dabego dagego gi nai dabe, me wain gi dabe, me ni kaya fik, me oliv ni dabe tula silimainu yai. Tiali goli, dage enaba ma geasa me asobeo. Mu menio,” wali.

Habakuk 3:17

Te ni kaya fik dabego te du walisąbaso, me te ni wain dabego me te wain du walisąbaso, tama te ni oliv dabego me te du wai walisąma, tama te gide nai meni yai elalu, tama te kibu sipsip tigidali isibadi elama, tama te kibu bulmakau dabego be dabe me olo mu elaluyu da,

Joel 1:12

Te ni wain dabe dali, te ni kaya fik dabe me, sasia palio. Tama te gasa tobage du walobo ni dabe tigidali, augwali mu sasia pali. Tialima, te we bidi dabego wiegi yai homu pemene ebo tigidali te sia salio.

Jeremaia 8:13

“Ena Genuai Bidi, eno po dolo obao, te eno augwali mu silimainu yaibao. Augwali te ni wain, me ni fik, te du munu me walisiąma, te augwa yabe sasia pabo tiwai yaibao. Tialima, eno te boi bidi hani dabe tagala palama, augwali aiyaba elalumainu yaibao.”

Joel 1:7

Augwaligo te dago ni wain dabe dolama, te dago ni kaya fik me tula silali. Augwa te tigidali ni kaya wale me ni nologo tula silama, wa pelama, te tedela yai elaluai dao.

Hosea 2:21

“Tama te sogo ena Genuai Bidi, te eno ena we bidi te Israel dabego gedu haluasa po wabo te eno odaibao. Tama eno te tulubage tǫba tulumainu elama, tama augwaligo te bulali nai tigidali, te wain me wel, te hauwa holomainu yaibao.

Joel 2:25

“Ena digi eno te kuli mano dabe dageba te ami bidi tiwai elama tagala palali. Tama tialima, te dagego nai tigidali te kibu bede te genuai hani kuli mano dabego te tula silali nai tigidali te eno wei pona silaibao,” wai dao.

Hagai 1:11

“Te eno naga te eno te kulubage tuludali weyu dąų wai dao. Tama teyu te moni giliga te bulu dude me, tama me te tigidali nai gide me, me te wain gide me, tama me te ni olivde me, te tigidali nai dabe te moni giliga nanai dao. Eno te tǫde holobo tigidali nai dabeba kulubage me tulumainu me sula tagalobe dao,” wali, “tama me te bidi dabe me, me te bulu hasa dabe me, tama me te tigidali haniani nai dabe te duga gide bulali nai dabede me,” Genuai Bidigo te po wai.