Malakai 2:9 - Godigo dwagi yai po buku

⁹ Dagego eno po wali pisąwai. Te eno po dagego te we bidiba ola mawainu ebo sogo, dagego te we bidi meba homu bega sabo po weyu, te meba wado po weyu, tama tebogo te po tų dolo bugagia dodolobo menio. Tama tibaso, eno digi te Israel dabego te dage hagela homu eyu, dage tudiba mumainu ilalio,” Genuai Bidigo te po weyu, tama Malakaigo pusali.

Malakai 2:9 Referans Kwoze

1 Samuel 2:30

Ena God, te dage Israel dabego Genuai Bidi, polobadu eno po nago wąį nǫų Aron dali po dąų walali, tama aga hani dali me, te augwali hani sesemane te pris sę iduaibao wai. Tiali goli, megi eno te dąų walali po hasegelaibao. Megi eno te tiwai po obao, te eno nogi ugwaba sabo bidi da, teda eno agaba genuai nogi mawaibao. Tama ena dali hagoma homu ebo bidi da, teda eno aga aiyaba mu elalueibao.”

Bomai Po 1:17

Dagego te tigidali bidi dabe te deli kolesagago naga dodolao. Te aga genuai bidi me, ma olo bidi me. Tama dage bidi me delide wi me elamuo. Magi baso meni, God aga digi dagego homu kolesaga te po tų ebode dodolaibao. Ma, te sęgę genuai mu me elalubaso da, tama dodolabo usu isąbaso da, teda dagego ena pageba odasa asao, teda eno po tų odaibao.’ Eno augwalibolo te tama po walai dao.

Galesia 2:6

Te Jems dali, Pita dali, Jon dali, te tobage bidi dabe augwali Jerusalem hanude bidiyu, te we bidigo gedude augwali te Godigo bidi hani tobolu bidi dabe tiwai bidai. Tiali goli, eno homu augwali da genuai bidi dawe, ma olo bidi dawe, te magigo menio. God agai we bidi osola subo si, agai augwaligo tigide osola subo meni. Tama te tobolu bidi nogi elalubo bidi sela augwaligo gasa po te eno te Juda hani isiąwai we bidibolo wabo pode wadolobeo.

Dwagi Yai Gesi Po Lukgo Asęani 11:42

Dage Farisi dabego duga gide ebo yalawai nai dwasianunu selama, Godibolo mabo dao. Te tama sę da dagego ebadi goli, te dagego doloba pai kolesaga ebo tagalu, te sęgę sai we bidi tau sabo menio, me dagego te God godolo mu ebo kolesaga ebo menio. Te tama tebo sę ebogo dage dene genuai mu saibao,” wali.

Dwagi Yai Gesi Po Lukgo Asęani 10:29

Tiali goli, te Juda dabego bomo yai po ola mabo bidi aga hale idali weyu, Jisas agade doloba pai bidi dao homu emai hagede, agai Jisasbolo ma hanaluyu te po wali, “Eno abagi hasi da, te de dawe?” wali.

Malakai 2:8

“Tiali goli dage pris dabego eno doloba pai sunumi tagalalio. Dagego te haniani skul wabogo te we bidi hauwa kekelama, te augwaligo dolo meni isąwai tobage kolesaga ebao. Mu tama, eno dage te Livai dabe dali dąų wali po te dagego bolali dao.

Esekiel 13:21

Tama te yesi bubo ugwa dabe dagego tobolude kęąlubo, te tigidali eno peda sąwaibao. Te dagego bomo eno we bidide elaluali tagalomainu elama da, te dagego augwali tonalubo sę munu ma egobeo. Tama dagego te tiwai sę ebo bugagia koneama, ena digi ena Genuai Bidi da po waiyąo,” wali.

Te Israel me Juda Hani Sigo Tuni Bidigo Po Elalubo Buku Deli 22:28

Tama Mikaiago Ahapba te tiwai po ma wali, “Nage te dolobo sęgo gegesiąma, te nage asobaso da, teda Genuai Bidigo enabolo te po mabe da homu yagameo,” wali. Tama Mikaiago te tama po ma wali, “Dage tigidali hani we bidigo te po bugagia odao,” wali.

Malakai 2:3

Te eno dagego wai dabeba dwai dene mayu, te eno dagego gesabidide te ofa ebo kibu dabego di pilaibao. Tama eno dage te kibu sibi dabe haliga sąbo pesageba sela sąwaibao.

Bugagia Bidibo Kolesagade Po Asęai Buku 10:7

Te wiegi yai bidi me deli isibo sogo da, te we bidi dabego aga homu kone palama, tama pemene umabo mu yaibao. Tiali goli, te dwai sę ebo bidi dabe isibo sogo, te we bidi dabego aga polo homu kone ebo gegeda paibao. Te ni mobia pabo tiwai eyu, te bagego nogi silaibao.

Esekiel 7:26

Te dolobo sę haniani augwaliba pedaludu geaibao, tama augwaliba te dwai nai dabe hauwa pedelabo po odu geaibao. Tialima, augwali wi ebaso, augwali te geme nosali pedelabo sę po pusubo bidi profet dabeba pelama, tama augwaliba hanalu te eno homude ebo yabo sę po hanilabo po koneai hagede yaibao, tiali goli te eno po augwaliba me magobeo. Te pris dabego augwali ola mabo po meni yaibao, te tobolu bidi dabe augwaligo te wiegi yai homu kolesaga augwaliba maiabo meni yaibao.

Maika 3:11

Te taun bidi dabego te tobolu bidi dabe homu bega sabo sę eyu, te augwaliba mone mayu, te augwa haniani dwai kolesaga emainu ebo dao. Te pris dabego te mone naga sainogo te Godigo bomai po page pusubo dao. Tialima, te profet dabego te mone sabo homu eyu, te geme dualali po pusali. Tigidaligo te tiwai eyu, augwa te po wali, “Genuai Bidi te da dali bidibao,” walio. “Tialima, te magi nai me deligo da me dologobeo,” wabo dao.

Nahum 3:6

Te eno nage mu begela dolama, tama nage te dwai kugumini yai naigo haluaibao. Te tigidali bulu tǫ pedai kantri we bidi dabego nage sulama, wi yaibao.

Jopgo Po Asęani Elalubo Buku 32:21

Tama eno mu po dolo naga eno homude yali po pusaibao. Eno bidi mego odama, pusu elama wali pabo po pusogobeo.

Bugagia Bidibo Kolesagade Po Asęai Buku 12:8

Te wiegi yai homu elalubo bidi yai baso da, teda te we bidi dabego aga nogi ugwaba saibao. Tiali goli, te homu kolesaga gagea pai bidi da, augwaligo te aga nogi aiyaba elalubo dao.