Malakai 2:6 - Godigo dwagi yai po buku

⁶ Augwaligo dolo yai kolesaga te we bidi ola mawai. Augwaligo te dwai kolesaga augwali me ola mabeo. Te augwali ena dali bugagia dugulaluali. Augwa te wiegi yai kolesaga wali peyu, te augwaligo gasa we bidi hauwa tau siyu, te augwa dwai kolesaga tudiba muai dao.

Malakai 2:6 Referans Kwoze

Daniel 12:3

Te wiegi yai kolesaga koneai elaluai bidi dabe, te augwalide ula ebo te dagalu ula mu te hulide ebo tiwai yaibao. Augwaligo te we bidi hauwa te doloba pai kolesaga wali pomainu dodolali, tama augwa ula te sesemane elalu, te hǫ ula tiwai yaibao.

Kraisgo Geme Dualali Sę Pedelabo Po Jonbolo Ola Mani 14:5

Augwaligo tibo po me deli munu me wabeo. Te augwaligo magi sę me delide te dali dwai sę me deli ebeo. Menio.

Jeremaia 23:22

Te augwali eno sisinama po mibode bidigi sogo da, te augwaligo eno we bidiba te mu po dolo pusugi pobao homu igi da. Tama te pogo te we bidi dabe dwai sunumi bilali tagalu, te augwa yali dwai kolesaga tagaligi da homu ebo dao.”

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Dwagi Yai Gesi Po Lukgo Asęani 1:6

Te bidi Sekaraia dali aga we dali si te God gedude dolasa bidiyu, te God tonaludubadi, te augwali sigo dwai sę me ebeo. Augwa si Godigo bomo yai po tigidali wali pidu digi, te Genuai Bidigo po dabe me tigidali wali palio, tama augwali sigo dwai sę me ebeo.

Dwagi Yai Gesi Po Lukgo Asęani 20:21

Tama augwaligo agabolo tibo po weyu, te po wali, “Po ola mabo bidi, te nago naga ola mabo po dolo yai po mu naga wabo dao. Nago homude tigidali we bidi usu si dao. Nago homude bidi me ugwaba me dią holobo menio, bidi me aiyaba me elalugobe, tigidali we bidigo kolesaga te deli tama dao. Godigo bomo yai po nago te we bidibolo dolo mu ola mabo dao.

Matyu 22:16

Tama augwaligo augwa wali pabo bidi dabe augwali dali, te genuai gavman bidi Herotgo bidi dabe me tagala palama, tama augwaligo Jisas pageba pedalama, te po wai, “Po ola mabo bidi, dago koneani, nage te doloba pai bidi mu dao. Tama nago mu pode naga te we bidi augwalibolo te Godigo te yao wali wiegi yai kolesaga po ola mabo dao. Bidi me deli aga genuai nogi elaluyu da, te nage aga wi menio, nago deli po tiwai naga te tigidali bidibolo wabo dao.

Hosea 4:6

Te we bidi dabego ena bugagia konesiąbaso, augwaligo ena wali me asobeo, tama teyu, te augwali dolaibao,” wai. “Dage pris dabego ena wali me asisąyu, tama dagego eno po sela sąwanio. Tama tiyu, te eno dage sela sąwaibao. Tama eno te dagego wai dabe me te eno pris pedalumainu me egobeo,” wai dao.

Godigo Nogi Ugwaba Sabo Tęąbi Po Wabo Buku Dabe 37:30

Doloba pai bidigo te wiegi yai kolesaga koneani elalu, tama wiegi yai po naga pusaibao. Agai te doloba pai kolesagade po mibo dao.

Tigidali Nai Gagalama Nigali Side 17:1

Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Tigidali Nai Gagalama Nigali Side 6:9

Te Noade po da te tiwai dao. Agai ogwa sela elaluali, Siem, Ham, me Jafet. Noa da dwagi yai bidi, te sogo bidali we bidi tomode te Noa deli digi aga bilibo kolesaga te Godigo gedude dolo mu yali. Aga te God dali deli homu naga eyu, tama Godigo abagi mu dao.

Dwagi Yai Gesi Po Makgo Asęani 12:14

Augwali aselama, tama augwaligo agabolo te po wai, “Tisa, po ola mabo bidi, dago koneani, nage mu po wabo bidi dao. Tama nago homugo te bidi delide homu naga me egobeo. Nago te nogi yai bidi dali gasa po me tedali weyu, te nogi meni yani bidi dali gasa po me tedali weyu me egobeo. Menio. Nago te mu pode naga te Godigo kolesaga te we bidi augwali ola mayu ebao. Nago mena homu ebawe? Te dago takis te Rom gavman tuni bidi mu Sisar agabolo mobaso, tebogo dago te Godigo bomai po bolobowe, ma meniwe? Dago mawaibawe, ma dago magobewe?” Augwaligo te po wai.

Bomai Po 33:10

Tama augwaligo Israel dabego nago bomai po wali pomainu ola mawaibao. Tama augwaligo nago altade augwaligo ofa dabe eyu yaibao.

Bomai Po 33:8

Tama agai Livai hani dabe kone palama, agai te po wali, “Genuai Bidi, te Livai dabe te augwali nago wiegi yai sę ebo bidi dabe dao. Tama nago augwali te masigi si mani, te nago homu kolesaga tiwai dabolo ola maiabo masigi si. Nago augwali te bulu Masade me Meribade nago augwaligo kolesaga usu selama, suai dao, tama augwaligo kolesaga doloba pai mu elalubo suai dao.

Bomai Po 33:9

Augwaligo nago po me nago kontrak dąų wali po wali pabo bomo elalubao. Tama augwaligo augwa ida aya, me augwa ama dede, me augwa wai bǫų dabego homu kolesaga wali me pabeo. Menio. Augwaligo te nago homu kolesaga naga wali pai dao.

Godigo Nogi Ugwaba Sabo Tęąbi Po Wabo Buku Dabe 37:37

Nago te magi dwai sę me deli isąwai bidide homu kone paliyu, tama te doloba pai bidi suabo homu yao. Te gasa we bidi dabe dali dua digi bidibo bidi yaibaso da, teda aga hani te sesemane sogo bidaibao.

Godigo Nogi Ugwaba Sabo Tęąbi Po Wabo Buku Dabe 119:142

Te nago doloba pai kolesaga sesemane sogo elalua pidu bidaibao, tama sesemane sogo nago bomai po te mu naga dao.

Godigo Nogi Ugwaba Sabo Tęąbi Po Wabo Buku Dabe 119:151

Tiali goli, Genuai Bidi, nage ena pąde bidibao, tama nago hasegelesiąbo bomo yai po tigidali te mu po naga elalubao.

1 Samuel 2:12

Hopni me Finias, te Eligo ogwa si, te bidi dwai si mu. Augwali si te pris bidai, tiali goli, augwali sigo te tiwai homu yai, Genuai Bidi te olo nai tobage tiwai da homu elama, tama augwali sigo subigila sę yali.

Bugagia Bidibo Kolesagade Po Asęai Buku 5:2

Tama tibaso da, teda nage te doloba pai kolesagade bilaibao, tama te nago po tigidali te wiegi yai kolesaga koneai bidigo po tiwai yaibao.