Malakai 2:17 - Godigo dwagi yai po buku

¹⁷ Dagego te haniani po hauwa obaso, tama Genuai Bidi te pode hagela yalio. Tiali goli, dagego te tiwai po hanalu wali, “Dago mena po obaso, te Genuai Bidigo dade hagela homu ebowe?” Dagego te tiwai po obao, “Genuai Bidigo homude te dwai sę ebo bidi te augwali wiegi yai bidi dabe da waibao, po meni, te agai augwali godolo eba homu yali.” Tama dagego e tiwai po weyu yali, “Augwa te po weyu, Godigo te doloba pai kolesaga ebo dao wali. Tiali goli, dago aga te dwai kolesaga ebo bagede te tama tebo subeo,” wali. Tama tibaso, agai dagego te wabo pode hagela homu mu ebo dao po walio.

Malakai 2:17 Referans Kwoze

Sefanaia 1:12

“Tama te sogo eno lam selama, tama ena Jerusalem tomoba pelama, tama eno te bidi dabe eno kolesaga godolo isąma ebo bidi dabe bugagia gegegi paibao. Augwaligo homu augwa digi tigidali sę yaibao homu ebao. Tiali goli, menio. Augwaligo te po wali, ‘God da, olo bidibo dao,’ po wali. ‘Agai wiegi yai bidi dabe tau selama, tama agai dwai bidi dabebolo dwai pe mabeo. Tialima, aga tagalao,’ wali. Tialima, eno te bidi dabe augwali dolaibao.

Kolesaga Koneai Bidigo Pusali Po Elalubo Buku 8:11

Me sogo te bidi me deligo dwai sę elama, tama augwaligo agade po tų elama, te agaba mabo dene po dodolama elalubao. Tiali goli, augwaligo sesabi elama, te dene agaba mabeo, aga olo bidali. Tama tibaso, te tama tebo sęgo te we bidi dabe augwali homu hodolama, te augwaligo dwai kolesaga ebo bomo elama yaibao.

Amos 2:13

Genuai Bidigo po ma weyu, te po wai, “Tialima, megi da, eno dage aiyaba elaluaibao. Tama dagego te genuai sęgąį nai tolai bidigo tigi dene ebaso, gela wabo tiwai mu yaibao, te aga tudi badu dene ebaso wabo po waibao.

Esekiel 16:43

Te nage gesi wegi elalubo sogo eno wiegi yai sę nagebolo yali. Tialima, te nago homu kone gegeda palama, nago te tobage dwai kolesaga dabe ebao. Tibaso, eno wado po nagebolo wali, te ena God Genuai Bidi, te eno nago dwai sę tigidali wei ponoyu, te nageba dwai dene mu ilaibao. Nago dwai kolesaga hauwa yalio. Magi baso nago te penani yabo homu kolesaga me elalubo dawe?” te po wai.

Esekiel 8:12

Te Godigo enabolo te tiwai po wali, “Suao,” wali. “Te Israel tobolu bidi dabe augwali geme dualalu, te dwai kolesaga ebao. Tigidali augwa te be daga habude te dwai piksa noma haniani elalubo madi aselama, augwa te lotu obao. Augwa po waibao, ‘Genuai Bidigo da me sugobeo. Menio. Agai dago tǫ kantri tagalalio, tama agai da homu kone me ebeo.’ Augwaligo tama po olama, tama augwa te dwai kolesaga yai dao,” wali.

Jeremaia 15:6

Ena Genuai Bidi, eno po dolo tama obao, naga digi ena tudiba mudu, te ena digibulu pali. Tama tibaso, te ena digi ena nogogo te nage elama dolobao. Hauwa sogo eno nage hobede yali, tiali goli megi ena hagela pai dao.

Aisaia 30:18

Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.

Aisaia 7:13

Teda Aisaiago po wei ponoyu, te po wali, “Dage tuni bidi Devitgo wąį dabe, dagego bugagia odao. Dagego ebo kolesagade da te bidi dabego dage hagela mu yali. Tama megi ma eno Godigo tonalubo kolesaga te dagego usu sogowe?

Aisaia 1:14

Eno dagego te gesi poluade lotu wabo, me gasa bodolu mani lotu dabe dagego wabo eno godolo mu menio. Te nai dabe tigidaligo enabolo sęgę mabo. Tama eno tolobo mu hagela ebo.

Jopgo Po Asęani Elalubo Buku 36:17

Tiali goli, megi da, Godigo nage tonobo da, dwai sę ebo bidi tiwai tonobo ąǫ te ebao. Tama agai nage dali po tų ela mayu, tama nage tigide dene genuai mu te mabo sę yali dao.

Jopgo Po Asęani Elalubo Buku 34:17

Ma, Godigo yaide doloba pai kolesaga wei isąnama yali da, teda aga mena tama ma aga king bidiyu yaide e tǫ tonaluaibawe? Tiali goli, God agai genuai bomo elaluyu yaide, tama agai tigidali sogo doloba pai kolesaga naga ebo dao. Tama nago magi baso Tigidali Bomo Elalubo God po tų ela menama, tama dwai sę yali dao po obawe?

1 Samuel 2:3

“Da we bidigo bugagia koneao, Genuai Bidi aga God te dago ebo sę tigidali koneama, tama agai dago ebo kolesaga dagalubao. Tama tibaso, dage we bidigo duga digi duga nogi ugaba siyu, te po dagą wabo, dage pedauwali pania selama, tama te tobage po wabo tagaliąo.

Malakai 3:8

Tialima eno dagebolo obao, dagego eno nai wi sali. Dagego homugo te dwagi yai kolesaga da homu eba, agawe? Mu menio. Tialima dagego e tama tebo dao. Nosali dagego enaba ma hanalu wai, ‘Magi ilama nago nai dago wi saliwe?’ Te bomai pode enaba mao wabo nai te dagego ma tolalubo dao.

Malakai 2:14

Tama nosali dagego te Godiba hanalu, te tiwai po wali, “Magi baso nago dago ofa sabo meniwe?” E tiwai ebao. Genuai Bidigo koneani, dagego te duga ogwa bidide sali we dabe sela sąwanigo te duga dąų wali bomai po bolalio. Te we dabe duga hai namu dao, tama duga te God gedude po dąų weyu, te dagego augwali munu me tagalogobeo wai. Tiali goli, dagego te bomai po bolali dao, wali.

Esekiel 9:9

Tama Godigo te tiwai po wei ponani, “Te Israel me Juda we bidi dabe augwaligo dwai sę hauwa mu elama, te augwaligo yali sę page genuai mu elalubao. Augwaligo tǫ kantri te eno augwali tagalali da homu elama, te eno augwali homu kone munu ma ebe homu eyu, te augwali eno sube homu yali. Tama tiyu, augwa te dwai kolesaga hauwa mu ebaso, te Jerusalem we bidi ela mubadi, te gasa tǫ kantri pedai bage me tigidali ela muai dao.

Jopgo Po Asęani Elalubo Buku 34:36

Jopgo te dwai kolesaga ebo bidi dabego po wei ponobo tiwai ebo dao. Tama tibaso, eno homugo Godigo yaide Jop me usu sidu genama, agai po hasegelebo si tagalomainu yaibao.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Jopgo Po Asęani Elalubo Buku 9:24

Godigo dwai dwai kolesaga ebo bidigo e tǫ tonalumainu sula tagalai dao. Tama agai te po tų odobo bidigo kolesaga begelama, tama te po tų bugagia odobo meni. Ma, Godigo te sę dabe igi menigi sogo da, teda dego mu igi dawe?” Jopgo te po wali.

Aisaia 29:15

Te we bidi dabego augwa dwai kolesaga dabe Genuai Bidigo gedude dualainu usu sabo dao. Te augwali da, mu dolaibao. Augwaligo te kolesaga dabe augwaligo sesąwai madi, me hulia sai pesagede augwaligo te kolesaga dabe ebo dao. Tama augwaligo te po wabo dao, “Dego mu da sulama, dego mu koneaibawe?”

Aisaia 43:22

Genuai Bidigo te po wai, “Dage Israel dabe, dage te Jekopgo hani, eno dage te eno hani we bidi digi pedalumainu ilali goli, dagego eno nogi wasiąyu, enaba lotu wabeo. Tama magi naigo tibaso, te dagego enaba hagela eyu, te dagego ena godolo mu isiąyu ebawe?

Jeremaia 17:15

Te Israel dabego enaba posobo po te tiwai odu gebao, “Magi baso te dwai sę dabe te Genuai Bidigo yabo po wabo da, agawe? Te sę agai yabo homu ebaso da, teda aga megi tama ebaso usu dao,” wabo.

Jeremaia 44:22

Dagego te dwai kugumini yai kolesaga ebaso, tama nosali Genuai Bidi dagego te kolesagade hagela mu yai. Tama agai te tama sę elama, te dagego tǫ dolama olo elalubadi, te bidi bidisiąbadi, te megi e sogoba usu nagasobao. Te gasa tǫ kantri we bidi dabego te augwa boi bidi dabeba dwai po wabo sogo, augwa te tiwai po waibao, ‘Dage te Juda tǫ dolali tiwai gilama dolagameo,’ wabo dao.

Esekiel 18:25

“Tiali goli, dagego te tama po obao, ‘Genuai Bidigo ebo te kolesaga, te dolo menio,’ wali. Tialima, dage Israelgo, eno po wabo bugagia odao. Dagego homude eno kolesaga te dolo meni da homu eba, agawe? Menio. Te dagego ebo kolesaga da, te dolo me ebe dao.

Jeremaia 12:1

Genuai Bidio, nago doloba pai kolesaga sesemane sogo ebao, te eno nage dali po konila eyu wabeo. Tialima, te meba kolesaga eno konesiąwani, tama eno te nagebolo hanalu obao. Magi baso te dwai kolesaga ebo bidi dabe, te augwa sesemane sogo bugagia bidibo dawe? Magi baso te gagamu selibo bidi, me tibo po wabo bidi dabe, te augwa ebo sę bugagia mu ela pidubo dawe?