Malakai 1:2 - Godigo dwagi yai po buku

² Genuai Bidigo te tama po wali, “Te eno dage godolo mu eduali, tama megi me ebo dao,” wali. Tiali goli, te Israel dabe augwaligo e tama po wei ponani, “Nago da godolo ebo mena tama yaliwe?” Tialima Genuai Bidigo te po augwaliba wei ponani, “Odiąo. Polobadu Iso me Jekop te ama nami si dao. Te eno Jekop dali, dage te agai wąį nǫų dabe dali godolo homu yai dao.

Malakai 1:2 Referans Kwoze

Jeremaia 31:3

Genuai Bidi te digibulu buludu aselama, te ena, Jeremaiaba pedelama, te tama po wali, “Dage Israel, eno dage sesemane sogo godolo elama, te eno wiegi yai kolesaga dageba ebao, te dage ena pageba asomainogo tebo dao.

Bomai Po 10:15

Tiali goli, Genuai Bidigo dagego wąį dabe godolo mu yali, tama tiyu agai gasa hani me sa me mubeo. Menio. Agai dage naga aga we bidi naga bidimainogo sa muai dao. Tama megi me, dage agai we bidi te bidibao.

Bomai Po 4:37

Genuai Bidigo duga wąį dabe godolo mu elama, tama agai dage aga we bidi mu bidimainu sa muai dao. Tama tialima, aga dage dali bidiyu, agai genuai bomogo dage Isip bulude oda selama, tama dage e buluba te odasa asali dao.

Malakai 2:17

Dagego te haniani po hauwa obaso, tama Genuai Bidi te pode hagela yalio. Tiali goli, dagego te tiwai po hanalu wali, “Dago mena po obaso, te Genuai Bidigo dade hagela homu ebowe?” Dagego te tiwai po obao, “Genuai Bidigo homude te dwai sę ebo bidi te augwali wiegi yai bidi dabe da waibao, po meni, te agai augwali godolo eba homu yali.” Tama dagego e tiwai po weyu yali, “Augwa te po weyu, Godigo te doloba pai kolesaga ebo dao wali. Tiali goli, dago aga te dwai kolesaga ebo bagede te tama tebo subeo,” wali. Tama tibaso, agai dagego te wabo pode hagela homu mu ebo dao po walio.

Jeremaia 2:31

Dage megi bidibo Israel, te Genuai Bidi eno poba olo bugagia muao. Dagego homugo ena te masigi kemi olo pesagede te dwai nai da homu ebo dawe? Ma, ena te be hulia sai pesage me deli mu tiwai da obawe? Te tiwai isąyu da, teda magi baso eno we bidi dagego enabolo te tiwai po weyu, ‘Megi te dena homu wali peyu, tedela paibao. Da te nageba munu ma asogobeo,’ wali.

Jeremaia 2:5

Genuai Bidigo te tiwai po wai, “Eno mena dwai sę ebaso, te dage bulai wąį dabego te ena tagalama, digibulu mu paliwe? Waa? Koneao. Augwa te olo naiba lotu obaso, tama tiyu, augwa digi te olo nai tiwai pedelai dao.

Aisaia 43:4

Tama eno te gasa hani we bidi dabe me siyu, te dage ma dobu si yaibao, te dage bugagia bidimainu yaibao. Magi baso meni, dage eno godolo homu ebo umabo mu idu, te eno dageba genuai nogi mawainu ebao.

Tigidali Nai Gagalama Nigali Side 48:4

tama agai te po wali, ‘Te eno nagebolo wai hauwa mawaibao, tama nago waigo wąį dabe te bidi hani hauwa pedelaibao. Te augwalibolo te e tǫ menama, tama augwaligo tǫ gagalama, sesemane sogo bidaibao.’

Tigidali Nai Gagalama Nigali Side 27:33

Aisak aga dwai midigi mu selama, didibili elama, tama agabolo hanalu wali, “Tiali goli, dego hasia te hasa elama, te mi selasa, enabolo magasali bidi de dawe? Nage sabolisiąbadi, te nai eno tualio. Tama eno te Yawego aga dali dwagi yai sę yabo po te bidibolo mena silai, tama te dwagi yai po agade sesemane sogo elalua pidu, mu elalua paibao,” wali.

Tigidali Nai Gagalama Nigali Side 25:23

Tama Yawego te tiwai po Rebekabolo wai, “Te bidi hani si te nago haliga tomode bidibao. Te hani bidi si nago ame nainu ebaso, te augwali si dali si ususu si yainu ebao, tama nosali hani si bugulama, tedali bidaibao. Te me hani deligo gasa hani me dali bomo mu yaibao. Tama polasa te ame nabo wai aga te nosali ame nabo waigo sę ebo bidi pedelaibao,” Yawego Rebekabolo te po wei ponani.

Dwagi Yai Gesi Po Lukgo Asęani 10:29

Tiali goli, te Juda dabego bomo yai po ola mabo bidi aga hale idali weyu, Jisas agade doloba pai bidi dao homu emai hagede, agai Jisasbolo ma hanaluyu te po wali, “Eno abagi hasi da, te de dawe?” wali.

Dwagi Yai Gesi Po Jongo Asęani 15:12

Eno bomo yai po e tama dao: duga hasi godolo mu eyu, bidiąo, eno dage dali godolo mu yali gilama.

Bomai Po 23:5

Tiali goli, Genuai Bidi dago God aga te Balamgo po odobeo, menio. Agai te da dolomainogo wali dwai po dabe, te po te wiegi yai po naga iliyu yai dao, te da tau sabo po nigiliyu yai dao. Magi baso menio. God agai da godolo mu ebaso.

Bomai Po 33:3

Godigo aga we bidi godolo mu ebao, tama agai augwali bugagia mu tonalubo dao. Tama tialima, dago agaba kidu sugunama, agaba tobolu basiliyu yao. Tama dago agai bomai po wali pinao.

Aisaia 63:1

Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.

Amos 1:11

Genuai Bidigo wabo po e dao, “Hauwa sogo te Idom tǫ kantri we bidigo dwai sęgę sabo sę idu geai. Augwaligo te tebode dwasianu toma me nabeo. Augwaligo te Israel hani we bidi dabe pobeasa pali, te augwa ama dabe digi te augwali bobage hwą ge bainatgo elalio. Te augwali hobede eyu, tau sabo homu eyu, tama augwali tagalabo homu dwasianu me ebeo. Mu menio. Augwaligo haliga sębę ebo wado yabo homu sębę genuai mu elama, posolo mu yai, tama te haliga sębę yali me silibeo. Te me elalualio. Tialima, mu tama, eno te Idom dabe augwaliba dwai sęgę mabo dene mu ilaibao.

Tigidali Nai Gagalama Nigali Side 25:25

Te polasa ame nani waigo tigi da, te mama mu elama, tama tigi tu nisi hauwa elaluali, te hasa nisi tiwai yai. Tama tibaso, augwaligo aga nogi Iso poali.

Tigidali Nai Gagalama Nigali Side 25:26

Te nosali pedelali wai ogwa aga ame nobadi tama aga nogogo te Iso sągą gabulude tolalubadi, tama ame nani. Tama augwaligo aga nogi Jekop poai. Te sogo Aisakgo kibu be te 60 kibu be elalubo sogo Rebekago te wai si ame nani.

Te Israel me Juda Hani Sigo Tuni Bidigo Po Elalubo Buku Deli 10:9

Eno te Genuai Bidi te nago God nogi ugwaba sobao. Agai bugai homu nageba ebaso, te nage Israel king pedalumainu ilali. Agai dage Israel te wei ebo homu umabo mu elama, tama agai te godolo eyu, wei ebo homu te me siligobeo. Tama tialima, agai nage te king pedalumainogo ilama, te nago te po tų odobo sę dolo mu naga eyu, tama te Israel dabe te wiegi yai doloba pai kolesagago tonalumainu yali dao,” te Seba kwin wego te po wai.

Te Israel me Juda Hani Sigo Tuni Bidigo Po Elalubo Buku Si 3:8

“Tialima, da mena tųdu tama da paibawe?” wali. Tama Joramgo te po wei ponoyu, e tiwai po tama wai, “Tama da te wa pai buludu te Idom bulu tųdu paibao,” wali.