Maika 7:9 - Godigo dwagi yai po buku

⁹ Dago dwai sęgę sabo sę te Genuai Bidigo gedude yali, tialima te dwasianu sogo naga tama te Genuai Bidigo haliga sębę elama, te dabolo dene mabo sę yaibao. Tiali goli, agai da tau saibao, tama te gasa bidi dabego da dali yali dwai sę agai dodolaibao. Te hulia side agai da selama, te da ulaba odasa asaibao. Te da bidibadi digi, te agai da boi bidi dabego nogode ma saibao, tama dago agai ebo doloba pai kolesaga sueibao.

Maika 7:9 Referans Kwoze

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Godigo Nogi Ugwaba Sabo Tęąbi Po Wabo Buku Dabe 37:6

Tama tiyu, te agai nago wiegi yai kolesaga te hania pepeli diliba pedalumainu ilama, te giliga ula pedalubo tiwai yaibao. Tama agai te nago doloba pai kolesaga te bidi dabego gedude te pepeli diliba haniliyu, te nai tubode te giliga tomo yagasu ula ebo tiwai yaibao.

1 Samuel 24:15

Tama tibaso, te da si tomode te dego dwai sę yali te Genuai Bidigo digi dagalumainu yaibao. Agai ena tau siyu, te po dodoliyu, te nago ena me dologobeo. Tama eyu, agai da sibolo ola mawaibao, eno nagede dwai sę me deli me ebeo,” wali.

Polgo Si Wali Pas Timotiba Asęani - 2TI 4:8

Megi da te udabo dąį ilaliba pedalali bidigo genuai nogi yai namba te sisi elama ena tonalubao. Te genuai nogi sabo namba te tiwai yaibao: te Genuai Bidigo ena te doloba pai bidi nogi poaibao. Genuai Bidi aga te doloba pai po tų ebo bidi jas, tama te genuai sogo pedalubode agai te doloba pai bidi nogi enabolo mawaibao. Tama agai enaduba delibolo naga te me magobeo. Menio. Te aga hania pedalubo suainu godolo homu ebo bidi dabe tigidalibolo te doloba pai bidi nogi mawaibao.

Malakai 3:18

Tama tiyu, te sogo te ena wali pabo doloba pai we bidiba eno ebo kolesaga ma suiyagameo, te eno dwai bidi dabeba ebo kolesaga, te augwaligo eno po sela sąbo dao, te bageba me eno ebo kolesaga suiyagameo,” wali.

Kraisgo Geme Dualali Sę Pedelabo Po Jonbolo Ola Mani 18:20

Nage te dagalu, nage dali te Godigo we bidi dali, tama dage te Godigo po pusigi pabo bidi dabe me, te Godigo nosali yabo sę po ola mabo bidi dali, dage tigidaligo te genuai hanude megi pedalobo sęde wiegi yai homu yao! Godigo aga dagalama, tama agabolo te dwai dene sabo wei ponai dao. Tama te kolesagade agai te hanu agai dwai kolesaga dage dali yali wei ponai dao!

Aisaia 46:13

Menio. Te pąba pedelalio. Te eno munu ma tonalugobeo. Te eno dage Israel dabeba boi bidi ebo bidi dabeba dene mu menama, te dage bugagia ma bidaibao. Te Jerusalem taun me wiegi yai bugagia ma ilaibao, te eno ena genuai nogi me bomo te dage Israel dabe tomode hania pepeli diliba pedalumainu yaibao,” wai dao.

Godigo Nogi Ugwaba Sabo Tęąbi Po Wabo Buku Dabe 43:1

God, te bidi dabego nage tudiba muyu, te augwaligo ena aiyaba elaluainu homu ebao. Nago ena tau selama, tama augwaligo te dwai po wabo togolama, tama augwaliba eno ebo wiegi yai kolesaga naga ola mao. Augwali te tibo po wabo bidi dabe da, tama augwaligo kolesaga te dolo me isąwai. Nago ena tau selama, tama augwali nogode ena ma dobola sali.

Godigo Nogi Ugwaba Sabo Tęąbi Po Wabo Buku Dabe 7:6

God, nago haliga sębę elama, te nage hogodama, tama te boi bidi dabego dwai sębę eyu, ena dali bomonama mu hwįbaso, te nago augwali dwai dene ilao. Ena God, te nago ena polo mu tau sao. Magi baso meni, nago te doloba pai kolesaga naga wei homu ebo dao.

Jopgo Po Asęani Elalubo Buku 23:10

Tiali goli, Godigo ena bilibo dabe tigidali mu koneanio. Ma, aga ena usu siyu da, teda agai ena tonobo da wiegi yai gol masigi tonobo tiwai yaibao.

2 Samuel 24:17

Devitgo te mobo bidi ensel sulama, tama agai Genuai Bidiba te tama po wai, “Eno naga tama eno te dwai sę yali, tama eno dwai sę genuai yalio. Tiali goli, te we bidi dabe augwali, augwa te mena dwai sę ebaso, tama nago augwaliba te dene maniwe? Nago te ena me, ena we wai, dabolo naga te dene magi sogo da, usu igi tama dao,” wali.

1 Samuel 26:10

Tama Devitgo po ma mu weyu, te po wai, “Te Sesemane Sogo Bidibo Genuai Bidigo nogide eno nagebolo obao, te Genuai Bidigo digi Sol elabo, me ma Sol aga digi isabo sogo bodolu elalu, ma te boi bidi dabego aga te hwįbode elabo te elalubao.

1 Samuel 25:39

Devitgo te Nabal isali po odama, tama agai te tiwai po wai, “Eno Genuai Bidiba wiegi yai homu pemene ebao. Aga digi te dwai kolesaga Nabalgo enaba yali te homu koneama, tama agai wei ponani. Nabalgo te dwai kolesaga ebaso, tama Genuai Bidigo agaba dene manio. Tama Genuai Bidigo aga sę bidi eno sunumi palialigo, tama eno dwai sę me ebeo,” wali. Tialima, nosali Devitgo sę bidi meba tagala palama, te Devitgo aga sabo po te Abigelbolo wagi pai.

1 Samuel 3:18

Tama tibaso, Samuelgo agabolo te Genuai Bidigo wali po tigidali wali, tama agai po deli te me dualubeo. Mu menio. Eligo odama, tama agai te po wali, “Aga digi te Genuai Bidi dao. Te agai mena sę yainu ebaso da, teda agai te sę ebo dao,” wali.

Pris Sę Ebo Bomai Po 26:41

Dagego hagoma ebaso, tialima eno dageba dwai dene menama, tama dage te duga boi bidi dabego tǫ kantriba tagala palali. Tialima, duga hanigo te hagoma ebo tagalobo sogo te augwa digi elaluama, te augwa yali sęgę dwai dene sobaso da,

Te We Bidi Dabego Jerusalem Hagede Gela Wali 1:18

Tiali goli, Jerusalemgo te po wali, “Genuai Bidigo ena dali te yali kolesaga te dolo mu dao. Magi baso meni. Eno agai po sela sąwai dao. Tega, dage tigidali kantri we bidi, dagego eno te po odiąo. Eno te genuai sęgę tolali suao. Te boi bidi dabe augwaligo eno gesi bidi me gesi wegi dabe selama, tama augwali digibulu tǫ kantri dabeba mu kalabus igi palio.

Godigo Nogi Ugwaba Sabo Tęąbi Po Wabo Buku Dabe 94:15

Tama nosali bidi dabego po tų ebode, augwaligo sę dolo naga yaibao, tama dwagi yai doloba pai bidi augwaligo usu dao po weyu, te kolesaga wali paibao.

Godigo Nogi Ugwaba Sabo Tęąbi Po Wabo Buku Dabe 119:154

Ena tau siyu, ena ma selama, te ena bidabo ula mao, te nago tama tiabo po dąų wai dao, te tiwai yao.

Aisaia 42:7

Te nago te gedu hwidai bage dabe te ma tonomainu ilaibao. Nago te kalabuside bidibo bidi dabe, me te be hulide bidibo bage me, te magi naigo me tonalusiąma, te olo mu bidimainu ilaibao,” te po wali.

Aisaia 42:16

Te eno ena we bidi dabe te polobadu augwali bilisąwai sunumidu odasa asaibao. Megi augwali gedu halua sai hulide bidibao, tialima te be hulia sai elalubo te eno sela sąnama, te augwaliba ula mawaibao. Tama eno te dwai pesage elaluali te dodolama, te dolo yai pesage ilama, te augwali bilabo madi tiaibao. Eno te sę dabe te mu pedalumainu yaibao, te eno te sę yaibao wali po tiwai gilama yaibao. Te eno magi nai me delide homu kone ebo me kegeda palogobeo.

Aisaia 56:1

Genuai Bidigo te po wali, “Dage eno we bidi dabe, odao. Eno dagebolo te eno bomai po polobadu mawai dao. Tama eno dage dali te sesemane elaluabo po me dąų walai dao. Dagego te po si bugagia wali peyu, te wiegi yai doloba pai kolesaga naga iyąo, magi baso meni, te eno dage tau selama, ma sabo sogo, te pąba pedelai dao. Awe, dagego eno doloba pai kolesaga ebo tamadi sueibao.

Jeremaia 10:19

Tama te Juda dabego te tama po waibao, “Hobede mu ebao, da dolalio. Te dago sęgę genuai mu elalubao, te genuai keni pedela sisąbo tiwai ebao. Tiali goli, tagalao, te sęgę daba pedelama, te dago tolobo dao,” te po wali.

Jeremaia 51:10

Genuai Bidigo te Babilon dolobaso, tama te kolesagade agai te da dali yali kolesaga te doloba pai kolesaga naga dao, te hania ola mani. Tegobao, da te Saionba pelama, te dena Genuai Bidi, Godigo yali sę tigidali hanilaibao,” augwaligo te po waibao.

Jopgo Po Asęani Elalubo Buku 35:14

Tama Jop, eno homugo agai nago i wabo odogobeo. Magi baso meni. Nago polo wali, nago God subo menio wali. Me ma, nago e tama wali, Godigo nago po tų odobeo po wali. Tama nago bobobage sogo mu tonalubao po wali. Tiali goli, agai odobeo.

Aisaia 51:22

Nago Genuai Bidi, te Godigo nago te boi bidi dabe dali hwįbo tau selama, dage ugwa ela holobo ilali, agai te tama po wali, “Suao. Eno te haliga sębę yali kabu te eno nageba menama, te nago tulama, te gęǫ page dwai mu elama, te umuna sali. Tiali goli, megi da, eno te kabu nago nogode ma sali. Te eno nosali nage te kabude ąį ma tumainu me egobeo.

Jeremaia 14:7

Te we bidi dabego gedu haluasa po weyu, te tiwai wali, “Mu tamao, Genuai Bidi, dago nage tudiba muyu, te nago gedude dwai sę hauwa yali. Tama dena te yali dwai sęgo dena ma po tų ilalio. Tialima, Genuai Bidi, te naga genuai nogide digi homu kone palama, te nago da hobede yao.