Maika 7:5 - Godigo dwagi yai po buku

^5-6 Awe, te sogo te ogwa dabego te augwa aya dabeba posobo po dwai weyu, te wegi dabego augwa ida dabego po sela sąyu yaibao. Te bidigo sali we dabego te augwa auwa dabe dali konila po weyu yaibao. Te bidi aga we wai dali te boi bidi pedelaibao. Tibaso, nago te naga abagigo wabo po me, hai namugo po me, te osola suao, dua dao. Tama nago te naga we dali wabo po tigidali me, te bugagia tonalu te yao.

Maika 7:5 Referans Kwoze

Jeremaia 9:4

“Dage we bidigo te duga abagi dabede bugagia osola suao, tiyu augwaligo dageba posobo po wabuo. Te duga ama dabego poba homu kęą pigio, magi baso meni, tigidali amago te gaga munubo sę te Jekopgo yali tiwai ebo dao.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Godigo Nogi Ugwaba Sabo Tęąbi Po Wabo Buku Dabe 41:9

Eno abagi me deli elaluai, aga te eno hai namu mu tama, tama aga te ena dali nai tuyu yai. Tiali goli, aga me te eno boi bidi pedelali.

Godigo Nogi Ugwaba Sabo Tęąbi Po Wabo Buku Dabe 141:3

Genuai Bidi, nago eno pedauwali bugagia tonaluao, tama eno po wabo me bugagia tonaluao.

Te We Bidi Dabego Jerusalem Hagede Gela Wali 1:2

Polobadu da, tigidali kantri dabego aga abagi wai dao, tiali goli megi da, te gasa kantri mego agade hobede me ebeo. Te abagi dabego aga dali ili po olama, tama augwali agai boi bidi pedelali. Tialima, tigidali sogo hulide Jerusalemgo gela dwai mu weyu idubo, mu tama agai gela gųgai nabogedu aiyaba tulalubo dao.

Te Israel Tobolu Bidi Dabe 14:17

Te wego te tiwai gela naga odubadi, te genuai nai ulama tuyu bidali te sogo te a naga olama, me badu nogo si wali sogo usu nigi pali. Agai po hauwa mu obaso, tama te a naga olama, nogo me si wabo side, Samsongo te begelali po page agabolo walali. Tama aga pelama, te aga hanibolo wagi pai.

Godigo Nogi Ugwaba Sabo Tęąbi Po Wabo Buku Dabe 38:14

Ena te po odisąbo bidi me deli tiwai gilama yali, tama eno augwaliba te po wei me ponobeo.

Jeremaia 9:3

Genuai Bidigo te tiwai po wali, “Sesemane sogo eno we bidi dabego te tibo po wabo sisi elalubo tiwai eyu, te bidigo enesigide te ene nanalubo tiwai ebao. Te mu po wabo kolesaga te augwaligo tǫ kantriba genuai pedalubeo. Te tibo po wabo ugwaba ela holalio. Augwaligo te haniani dwai kolesaga umabo mu ela pidubadi, te augwa konealubo homu enaba me mubeo.”