Maika 7:2 - Godigo dwagi yai po buku

² Te po digi wabo po page e dao. Te dago bulu tǫ kantride te doloba pai bidi me deli me bidibeo, te bidi me deligo te God wali me pabo meni. Mu menio. Tigidali bidigo te gasa bidi ela muabo sunumi naga gegebo dao. Te tigidaligo augwa abagi dabeba boi bidi ebo sę ebo dao.

Maika 7:2 Referans Kwoze

Godigo Nogi Ugwaba Sabo Tęąbi Po Wabo Buku Dabe 12:1

God, nago da tau sao. Te wiegi yai bidi deli me bidibo menio. Te doloba pai bidi dabe subo me usugobeo.

Aisaia 57:1

Te bidi dabego te wiegi yai we bidi dabe isibo sogo, te augwa homu si me ebeo, tede homu kone palobo menio. Tama augwa te tiwai homu me sabeo, ‘Genuai Bidigo te bidi dabe isimainogo ilama, te augwaliba pedelainu yali dwai sę te geda mumainogo ebao,’ te homu egobeo.

Jeremaia 5:26

“Te meba eno we bidi dabe, augwaligo te dwai kolesaga ebao. Augwaligo te gasa we bidi dabeba dwai sę yainu tonalueibao, te bidigo umben wa muai madi te ba tomoba soabo tonalubo tiwai ebo dao.

Aisaia 59:7

Sesemane sogo dagego te dwai kolesaga yabo homu godolo mu ebao. Te sesemane sogo dagego te magi dwai sę me isąwai bidi dabe ela muabo homu hogodali. Dagego te dwai sę dabe yabo homu naga ebao. Te dage udayu, te gasa we bidi dabego bidibo ula dolabo sę ebo dao.

Bugagia Bidibo Kolesagade Po Asęai Buku 1:11

Te tobage bidigo te tama po waibao, “Ae, tega, nage da dali aselama, tama da pelama, te bidi meba ela mugi pinao. Da pelama, te sunumi sesegeba geme duala sigi pelama, tama niwai bidi me asobaso, tama dago augwali ela muaibao. Te augwaligo magi dwai sę me isiąbadi digi, te dago homu weigo te naga wali pelama, tama te augwali ela muaibao.

Jeremaia 16:16

“Ena Genuai Bidi, eno te tama po obao, te eno Juda dabeba boi bidi tagala palama, te we bidi dabe augwaligo saibao, te bidigo aga hagani togobo wade te sųgų hauwa sabo tiwai yaibao. Tama nosali eno gasa boi bidi dabe tagala palama, te we bidi gegegi paibao, te bidigo buside hasa gegegi pabo tiwai yaibao. Tama te boi bidi dabego te we bidi dabe te geme bulu dude, me ola bede, dulalua pobadi, te tola saibao,” wai dao.

1 Samuel 24:11

Eno aya, suao, nago eno e tolalubo ugwa dage pedai bugagia suao. Eno te nago ugwade togwa sali, tiali goli eno nage me elibeo. Tama teyu, nago bugagia koneao, eno nageba dwai sę yabo homu me, te nage dolabo homu me elalubeo. Eno nagede hagoma eyu, nage dologode bidibo hagela homu ebeo. Eno tede sęgę sabeo. Eno dwai sę me deli nageba me ebe, tiali goli, nago ena gegebo sę eyu, te ena ela muainu ebao.

Maika 3:10

Dagego te we bidi dabe elibo kolesaga, me te tobage dolo isąwai kolesaga dabe yali, tama te kolesagade dagego homugo te Jerusalem we bidi dabe, te Godigo taunde, te bomai hani pedalubao homu ebo dao.

Te We Bidi Dabego Jerusalem Hagede Gela Wali 4:18

Te boi bidi dabego da dolainu no munalubaso, tama da te sunumi dabede bilibo usu me ebeo. Te da dolabo sogo te polo pedelalio. Tama tibaso, da sese tama mu dola silalio.

Jeremaia 5:16

Augwa ami bidi dabe te hwįbo bomai bidi dabe, te augwaligo ene enebo mu konea pelama, te bidi hauwa ela mubo dao,” te po wali.

Bugagia Bidibo Kolesagade Po Asęai Buku 12:6

Te dwai sę ebo bidi dabego po te bidi geme dualuagaselama, tama te bidi ela muainu sisi elalubo tiwai gilama ebao. Tiali goli, te doloba pai bidi dabego pogo te we bidi dabe te sęgę elalubo sogo tau siyu, tama te we bidi dabe augwa bugagia bidimainu ebo dao.

Godigo Nogi Ugwaba Sabo Tęąbi Po Wabo Buku Dabe 57:6

Te boi bidi dabego ena tola somainu ebo bono gągą muani. Tama tiyu, genuai sęgęgo ena aiyaba mu elaluai. Augwaligo eno sunumide te tǫ dedage dogolama, teba ena tula mumainu yai. Tiali goli, ena tula mubeo. Augwa digi te dedageba ma tulaluali.

1 Samuel 26:20

King, nago ena elainu asali te bidigo nǫ gegainu, ma bidigo te bulu dude te bidibo uni gogolo ba elainu asobo tiwai gilama yali. Tiali goli, nago ena te gasa hanigo tǫ pedaide me ela mugio. Tiyu, ena te Genuai Bidi digibulu bidibo gana elalubadi, te ena isidalio.” Devitgo te po wai.

Godigo Nogi Ugwaba Sabo Tęąbi Po Wabo Buku Dabe 10:9

Aga te geme duala selama, tonalu, te laion me deligo aga tǫ dedage tomode tonalubo tiwai ebo dao. Aga te geme duala selama, te bomo meni yai bidi tola sainu tonalubo dao. Agai te aga bono gągą haliga gebelama, tama aga kegasa pabo dao.

Aisaia 9:19

Genuai Bidi Tigidali Bomo Elalubo Bidigo sębę genuai mu elama, tama agai tǫde we bidi tigidali dene mani. Tama augwali silali, te isigo mone busi delama, tigidali nai dabe dela silibo tiwai yali. Te deli deli we bidigo homu kolesagago da, gasa we bidi aiyaba elaluabo homu elalubo.

Jeremaia 8:6

Eno augwaligo poba olo bugagia mubadi, tiali goli eno augwaligo mu po wabo me odobeo. Te bidi me deligo homu begeligi soyu, te po weyu, ‘Tegobao, eno genuai sęgę mu sali,’ po wabeo. Menio. Tigidaligo augwa homu naga wali pabo homu yali, te ami dabe hosde dugulama, te hwįgi painogo udabo tiwai ebo dao.

Esekiel 22:12

Te mebago augwa abagi dabe ela muabo mone sabo dao. Te mebago augwa abagi dabego te negeli ilali wei augwaliba ponobo sogo te gasa ugwadu daganobo mone dali sabo dao. Te mebago augwa abagi dabe wi ilibo sę elama, te augwaligo mone kekebo sę yalio. Dagego te ena God Genuai Bidi homu kone isąma, kegeda pali da,’ te po augwalibolo wao,” wali.

Esekiel 24:6

“Ena God Genuai Bidi, eno te po obao. Jerusalem taun te brasgo nigai sene me deli tiwai elalu, te aga tomode meda mu elaluali, te bidi dabego aga wiegi yai pedalumainu yabo usu egobeo. Te senede kibu mi pedai tigidali, me kibu dili me teda muao, te senede deli me elalusiąwai. Magi baso meni. Te Jerusalem dabego gasa bidi dabe ela muani, tialima te augwali mu dolaibao,” wali.

Hosea 5:1

“Dage pris dabe, dagego te po odiąo. Dage Israelgo, eno poba olo bugagia muiąo. Tama dage kingo hani, dagego odiąo. Dagego te doloba pai po tų odobo sę elalubao, tiali goli dagego tama me tibeo. Tama tiyu, duga digi te po tųba dodolobao. Dage prisgo tibo lotu te Mispade hodolama, tama te bulu du Taborde, me te Sitim taunde tiai. Tama te dagego te we bidi dabego homu kolesaga dolali. Tama tiyu, dage te hasa kę, me te hasa waba bulubo tǫ dedage tiwai elaluali. Tama eno dage dodolomainogo eyu, te dwai dene dage tigidaliba mawaibao,” walio.

Maika 2:8

Tiali goli, odiąo. Duga digi ilama, tama eno hani te ena dali boi bidi pedalubao. Te bidi dabe augwa boi hwįani te ugwa ela holai, te ma aselama, beba bugagia dugulaluagasobo homu yai. Tiali goli, dagego augwaligo kedau side gudubo ugwa wi sabo dao.

Maika 3:2

tiali goli dagego te dwai kolesaga godolo mu elama, te doloba pai kolesaga godolo homu me ebeo. Dagego te kolesaga dabego te dagego eno we bidi dabe bidibadi digi, te tigi wali dagala sabo tiwai ebao. Te dagego augwaligo tigi mi togobo tiwai elama,

Sekaraia 11:6

Genuai Bidigo te tama po wai, “Te eno te tǫde we bidi dabe homu dene me egobeo. Te ena digi eno te tigidali deli deli te augwali te augwa kingo nogoba mueibao. Tama te king dabego augwali dolaibao, te sipsip kibu dabe aga ayago te sipsip kibu elebo tiwai yaibao. Te kingo augwali dolobo sogo da, teda eno augwali me tau sogobeo,” te po wai dao.

Godigo Nogi Ugwaba Sabo Tęąbi Po Wabo Buku Dabe 12:2

Te tigidali bidigo te gasa bidi dabeba tibo po wabo da. Te homu bega sabo pogo augwali te geagano bilibo tiwai ebo dao.

Aisaia 3:5

Te tigidali bidi dabego aga hasi me aiyaba elaluainu sę bomo yaibao. Te gesi ogomani wegi manigo te augwa bolo monu dabego po obaso, sela sąnama, dagą waibao. Tama dwai kolesaga homu pągąna pai bidi dabego te dwagi yai homu kolesaga yai bidi dabego po sela sąwaibao.

Hosea 6:9

Te pris dabe te nai wi sabo bidi dabe tiwai elama, te sunumide geme dualaluyu, te bidi dabe dolama, te augwaligo doado bage wi sainu ebo dao. Tama te augwaligo te bidi dabe te Sekemba pabo sunumi tunu magede ela muyu yali, te lotu wagi pabo pesage dao. Augwali te bidi dwai dabe mu dao.

Godigo Sęba Tagala Palai Bidigo Po 24:9

Tama Tertulusgo te po olama, te Juda dabego me aga tau selama, “Te mu po dao, te Polbolo naga,” te po wali.