Maika 7:18 - Godigo dwagi yai po buku

¹⁸ Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Maika 7:18 Referans Kwoze

Aisaia 43:25

Tialima, ena Genuai Bidi, ena genuai nogiba digi homu kone palama, te eno dagego dwai sę ebo sęgę tigidali sela sąbo dao. Tama eno te dwai sę dabeba homu kone me palogobeo,” te po wali.

Aisaia 44:22

Eno dagego dwai sę yali sęgę sela sąwanio, tama augwali te pǫ waligo selasa pabo tiwai yalio. Te dagego yali dwai sę te kigamu pǫ te giliga pedalubode sia sabo tiwai yalio. Eno dage ma salio, tama tialima, dage enaba ma asiąo,” wali.

Jeremaia 50:20

“Te ena Genuai Bidi, eno te po obao, te sogo eno te dwasianu hani Israelgo sęgę sela sąyu, te augwali bugagia bidimainogo yaibao. Tama me, eno te Judago yali dwai sę sese sela sąwaibao. Tama te dwai sęgę ma dwai sę te augwalide me elalugobeo. Te bidi dabego augwali hani siba po kisilama obaso da, te usu me egobeo,” Genuai Bidigo te po wai.

Jeremaia 32:41

Tama eno me te homu kolesaga deli naga elalu, te eno augwalide wiegi yai pemene elama, te augwaliba wiegi yai sę eyu, tama eno augwali te tǫde bugagia bidimainogo ilaibao,” wali.

Jeremaia 3:12

“Tama Jeremaia, nage dolugulama, te not badu bidibo Israel haniba i wao. Nago Genuai Bidi eno po te tiwai pusao, ‘Israel, nage da, te aga bidiba homu kęą pabo kolesaga tagalobo we da,’ wao, ‘nage enaba begasa ma asao. Ena Genuai Bidi, eno te po obao, eno nageba haliga sębę munu ma egobeo. Magi baso meni, ena te olo mu tau sabo wiegi yai homu kolesaga ebo God dao, te eno haliga sębę ebo te sesemane sogo elalua pidugobeo.

Ma Dobola Sali 15:11

“Genuai Bidi Yawe, mena gasa god bidibo te nago bomo tiwai dawe? Me deli menio. Nage te polalubo tuni bidi te nage ugwadu tama tigidali wiegi yai tedali mu dao. Tama niwai bidi te nage dali usu tiwai dawe? Me menio. Nago te bidigo isąwai bomai sę eyu, tama genuai sę ebaso, te we bidi augwali nagede wi mu ebo dao.

Godigo Nogi Ugwaba Sabo Tęąbi Po Wabo Buku Dabe 89:8

Genuai Bidi, nage te Tigidali Bomo Elalubo God dao, te me deligo nago te genuai bomo tiwai me elalubeo. Nago naga po sesemane sogo wali peyu yaibao. Nago po me hasegelama eyu, me egobeo.

Godigo Nogi Ugwaba Sabo Tęąbi Po Wabo Buku Dabe 86:15

Tiali goli, Genuai Bidi, nagede te homu dene ebo, me olo tau mabo wiegi yai kolesaga pągąnalubao, tama nage da, te bobobage guni yai bidi dao. Nago da wei mu eyu, tama nago homugo da dali kęą mu pai dao.

Godigo Nogi Ugwaba Sabo Tęąbi Po Wabo Buku Dabe 65:3

Dago te dena yali dwai sęde homu kone palu tama tiali. Te dena dwai sęgo da aiyaba mu elaluali, tiali goli, dago koneani, te nago dago dwai sę te dagala sąwaibao wabo dao.

Godigo Nogi Ugwaba Sabo Tęąbi Po Wabo Buku Dabe 89:6

Genuai Bidi, te dagalude nage tiwai tobage me deli me elalubeo. Te ensel me te nage tobage tiwai deli me menio.

Dwagi Yai Gesi Po Lukgo Asęani 24:47

tama hodaluama, tama aga nogigo bomogo aga sę ebo bidi dabe augwaligo agai po tigidali bidi hanibolo ola mawaibao, te we bidi augwaligo homu begelemainogo yaibao. Augwaligo homu begelama, tama Godigo augwaligo yali dwai dwai sę sela sąwaibao. Te Godigo sa muani bidi agai sę ebo bidi dabego te tobage po tigidali bidi hanibolo wagi paibao, te sę augwaligo Jerusalem bulude gagalaibao.’

Maika 4:7

“Te hani bidi te dwasianu naga dao, te augwali te augwa page bulu digibulu bidali, te bilabo usu meni yani, tiali goli te eno ma gagalama, te augwali bomai hani we bidi pedalumainu ilaibao,” wali. “Tialima, ena te augwa king te Saion bulu dude sesemane bidada peyu, bidada paibao,” wai dao.

Maika 2:12

Te Genuai Bidigo po ma weyu, te po wali, “Tialima, nosali eno te dage te sogo me bidibo tigidali Israel we bidi sisinani elalueibao. Te eno dage ma sisiniyu, te sipsip tonalubo bidigo te sipsip dabe te oboba ma sela asobo tiwai gilama yaibao,” wali. “Tama te we bidi hauwa dagego tǫde pągąnalueibao, te sipsip dabe te wiegi yai nosai tubo madi pągąnalubo tiwai yaibao,” wali.

Esekiel 33:11

Te Israel dabebolo e tama po walao, ‘Ena God Genuai Bidi, ena tigidali sogo bidibo dao, tama mu tama dao, te dwai kolesaga ebo bidi dabe isibaso, eno tede wiegi yai homu pemene egobe dao. Menio. Eno te dwai kolesaga dabeba tudi ola menama bidibo bidi dabeba eno wiegi yai homu pemene ebo dao. Dage Israel dabego odao. Ma begasa asao. Dagego duga ebo dwai kolesagaba tudi ola menama, tama dage enaba ma asiąo. Magi baso dagego isabo sę idu gebawe?’ Nago augwalibolo te po wao,” wali.

Te Israel me Juda Hani Sigo Tuni Bidigo Po Elalubo Buku Deli 8:23

tama gedu haluasa po te tiwai wali, “God, Israelgo Genuai Bidio, te nage tiwai god me deli te dagalu ugwadu ma te tǫ aiyadu me bidibeo. Tama da te nago gedude bugagia bilibaso da, tama te dwai kolesaga me yabo homu isiąyu ebaso da, teda nago te naga sę ebo bage da dali te dąų wali bomai po te bugagia wali pomainu elama, tama sesemane sogo nago da godolo mu ebo dao.

Bomai Po 33:26

Tama Mosesgo te po wali, “Israel dabe, dago God tiwai gasa god me menio. Agai genuai bomo elaluyu, tama genuai ula tomode bidiyu, tama te dagalu pǫ daidu ugwadu asali, te da tau sainogo.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Sefanaia 3:17

God, duga Genuai Bidi, aga dage dali bidibao. Agai bomogo dage tau selama, tama dagego te boide dagego tobolu ela holali dao. Genuai Bidi aga dagede wiegi yai homu pemene elama, tama balia po waibao, te we bidigo lotu wabo genuai sogo ebo tiwai yaibao. Agai dage godolo mu ebao, tama agai po deli me wagobeo,” augwaligo te tobage po waibao.

Maika 7:14

Genuai Bidi, naga digi te naga dąų olama, sa muani we bidi dabe te naga tonalubo bidi bidao. Augwali te moni genuai dulu te wiegi yai tǫ elalubo bulu du dabe bagede bidibao, tama te gi bulabo wiegi yai tǫ me aiyadu elalubao. Tialima, nago augwaliba te wiegi yai tǫ elalubo madiba te gi bulugi pomainu yao, te Basan me Gileatde, te polobadu yali tiwai yao.

Jona 4:2

Tama agai Genuai Bidibolo gedu haluasa po weyu, te po wai, “Genuai Bidio, nago eno po odao. Eno bulu tagalama, e buluba asisiąbadi, tama eno koneani, te nago tama tiaibao naga wai. Tama ena wi peyu, tama ena te tǫ Tarsis teba painu yai. Eno koneani, nage te homu dene elama, olo tau sabo dwagi yai kolesaga ebo God da. Nago sębę polo me egobeo. Menio. Nago dade homu dene genilama mu ebao. Nago homu kolesaga hasegelama, tama nago te bidi dwai ebo wei me ponobeo.

Joel 2:32

Tialima, niwai we bidi te augwali tau somainu enaba hanalubaso, teda te eno augwali tigidali ma saibao,” wali. “Ena Genuai Bidi da, eno te sęde te tiwai po walio, te Jerusalemde bidibo we bidi meba te me hagagobeo. Te we bidi dabe ena digi te sa munama dąį ilali, te augwali bugagia bidaibao wai dao,” wali.

Aisaia 57:16

Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.

Godigo Nogi Ugwaba Sabo Tęąbi Po Wabo Buku Dabe 86:5

Genuai Bidi, nago te wiegi yai sę mu elama, tama nago eno dwai sęgę sela sąbo dao. Nago te nageba gedu haluasa po wabo we bidi tigidali wei mu eyu, tama naga homugo augwali dali kęą pai dao.

Daniel 9:9

Dago nago po sela sąwani, tiali goli nage te olo mu tau mabo wiegi yai kolesaga elalubo God, tama nago dago dwai sę yali sęgę sela sąbo dao.

Jeremaia 3:5

‘Te nago enaba sesemane haliga sębę elaluduabo homu igio. Te nago wado ebo te silao homu ebao.’ Israel, nago tama tiwai po wali, tiali goli, nago te tobage dwai kolesaga dabe idu, te nago homude ebo kolesaga simanigi pabo dao,” wali.

Aisaia 65:19

Ena digi me eno wiegi yai pemene te Jerusalemba elama, te ena we bidi dabeba bugai haliga yaibao. Te gesi nigali Jerusalemde te bidi dabe gela wabo kulukulu munu me elalugobeo, te genuai dene elalubo bidi dabego te i wabo sę me elalugobeo.

Aisaia 55:7

Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.

Aisaia 1:18

“Odao. Da deliba sisinama, po mimainao. Dagego sęgę hauwa elalubadi me, tagala. Te dage te nala ugwa tiwai bidai goli, hoda naigo polo dolai dao. Ena Genuai Bidi, eno te po obao, eno te dage te tedela ais tiwai ma ilaibao. Awe, te hoda nai mu dąų wai goli, eno dage te tedela yai sipsip kibu nisi tiwai ma ilaibao.

Godigo Nogi Ugwaba Sabo Tęąbi Po Wabo Buku Dabe 130:4

Tiali goli, nago dago dwai sęde sali sęgę sela sąbo da, tama tiyu, dago nagede noma siyu, wi ebo dao.

Godigo Nogi Ugwaba Sabo Tęąbi Po Wabo Buku Dabe 71:19

God, nago doloba pai kolesagago te tigidali badu usu nani, tama te tigidali we bidigo gedude te pepeli dilide elalubao. Nago genuai sę mu yai. Te tǫde bidi me deli te nage tiwai me elalubeo. Menio. Nago tigidali mu elaluai dao.

Nehemia 9:17

Tama augwaligo nago po wali pabo hagela yali. Te nago augwali tau selama, te bomai sę genuai tigidali yali te augwaligo homu konesiąyu gegeda palali. Tama augwali hagoma mu elama, tama augwa te tobolu bidi me deli nigilama, te augwa kalabus sę yali Isip tǫba ma odasa pomainu yali. Tiali goli, God, nago da tǫde we bidigo sęgę sela sąbo dao. Tama nago da godolo geninama eyu, tama daba wiegi yai sę mu ebo da. Tama nago haliga sębę polo me egobeo. Menio. Nago te olo mu tau sabo wiegi yai homu kolesaga te umabo me elalu, tama tiyu nago dago wąį nǫų dabe tudiba me mubeo.”

Ma Dobola Sali 34:9

Tama Mosesgo te po wai, “Genuai Bidi, nago ena godolo mu ebo da wida, teda eno homugo nage da dali pomainogo homu ebao. Te mu tama, te e we bidi augwaligo hagoma eyu, dwai kolesaga ebo dao, tiali goli eno homugo te dago tigidali dwai kolesaga ebo me, tama dago sęgę me, te sela sąnama, tama da selama, tama naga we bidi tiwai mu bidimainogo te homu eno ebo dao,” Mosesgo te po wai.

Polgo Po Pas Rom Dabeba Asęani 11:4

Tiali goli Godigo agabolo mena po wei ponaniwe? Agai te po wai, “Eno digi ena bidi dabe te bidi sese hauwa 7,000 bidi sali, tama augwaligo te tibo god Bal dologoba pelama teba lotu me wasiąwai dao,” Godigo te po wai.

Dwagi Yai Gesi Po Lukgo Asęani 15:32

Megi da dwagi yai homu eyu, tęąbi yabo si dao. Magi baso menio. E bidi nago amanu aga isigi pai tiwai yai yali, tama megi ma bidibao. Aga hagawai, tama megi eno ma suali,’ te ayago te po wali,” Jisasgo te po wai.

Maika 5:3

Tialima, Genuai Bidigo aga we bidi dabe digi te boi bidi dabego nogode bidimainu ilama, te Godigo we me deli sa mubo sogoba usu niyu, te ogwa me deli ame naibao. Tialima, te sogo te bidigo abagi dabe augwali te gasa bulu tǫ kantride kalabus sę igi pali bidi dabe, te augwali ma aselama, te augwa hani dali deliba ma sisinagasaibao.

Amos 8:2

Te Genuai Bidigo enabolo te tiwai hanalu wali, “Amos, nago magi nai sualiwe?” Eno te tiwai po agabolo wali, “Eno te basket wa me delide haniani tau yai nedu du hauwa pągąnalubo sualio,” wali. Tialima, Genuai Bidigo enabolo te tiwai po ma wali, “Te eno ena we bidi Israel dabe dolabo sogo, te bidi dabego te gide tau inawai nai dabe tuabo sogo pedalubo tiwai yalio. Megi da, te eno augwaliba dwai dene mawaibao. Eno te ena homu munu ma hasegeligobeo.

Amos 7:8

Tama agai enabolo te tiwai po hanalu wai, “Amos, nago magi nai sualiwe?” Tama eno te po wali, “Te be dodolabo ain elalubo hobi me deli suali.” Tama agai enabolo te tiwai po wali, “Odao. Eno te hobi tolalubo sę ebo te eno ena we bidi augwaligo ebo kolesaga sueinu ebao, te eno augwali suali, te be daga dolo dolalusąbo tiwai suali. Tama tibaso, eno augwaligo dwai kolesaga wei ponaibao homu eyu, te eno homu ma hasegelabo usu egobeo.

Jeremaia 31:34

Te ena Genuai Bidi, eno po dolo obao, te sogo te bidi dabego te augwa abagi dabe, me augwa ama dede, te po ola mabo po weyu, te tiwai po weyu, ‘Dagego Genuai Bidi koneiąo,’ po me wagobeo. Menio. Te nogi meni yai bidi, me nogi elalubo dabe, tigidaligo ena koneaibao. Magi baso meni, te eno augwa sęgę tagalama, te eno augwaligo yali dwai sę homu kone munu me egobeo,” wali.

Aisaia 57:10

Dage te god dabe gegebo sę dene mu eyu, te dagego bomo silibao. Tialima, dage tede gę neyu, te tiwai po me weyu, ‘Dago bomo te odolali silibao,’ po wabeo. ‘Dago te tebo kolesaga tagalinao,’ dagego te po wabeo. Menio. Te duga dwai homu ebo kolesaga te bomonama mu pedaliyu, te dage kekasa mu pobao wabo dao.”

Aisaia 40:25

“Ena Genuai Bidi, ena te Wiegi Yai Doloba Pai Kolesaga Tigidali Ebo God dao, tama ena tiwai de dawe? Te eno kolesaga ebo tobage kolesaga ebo bidi tiwai me deli elalu, bidibawe?”

Aisaia 40:18

Tama tialima, God te de mu tiwai dawe? Te elalubo nai me deli te God tonobo tiwai ebo da, agawe?

Godigo Nogi Ugwaba Sabo Tęąbi Po Wabo Buku Dabe 103:13

Ayago aga wai dabe hobede ebo dao. Tiwai Genuai Bidigo aga dali wi ebo we bidi augwali hobede ebo dao.

Godigo Nogi Ugwaba Sabo Tęąbi Po Wabo Buku Dabe 35:10

Tama te eno usu da po mu te Godiba waibao, “Genuai Bidi, te nage tiwai me deli elalubeo. Nago te bomo meni yai bidi dabe bugagia tau sabo dao, tama te bomo mu ebo bidi dabego augwali dolainu ebo te usu me egobeo.”

Israel Hanigo Namba 23:21

Te Israel dabeba pedelainu ebo sę eno suali, te augwali dali dwai sę elama, dolabo sę menio. Te mu menio. God augwa Genuai Bidi augwali dali bidibao, tama augwaligo te po wali, aga te augwaligo tuni bidi dao po walio.

Jeremaia 38:8

Tama Ebetmelek te kingo be tagalama, te kingba po waligi peyu, te tiwai po walio,

Aisaia 62:5

Te naga wai dabego nage selama, te nage dali bugagia bidibo tiwai yaibao, te gesi ogwa bidigo te gesi wegi selama, te augwa si bugagia mu bidibo tiwai ebao. Te Genuai Bidigo wiegi yai pemene nageba yaibao, te gesi noma sogo bidigo we selama, te aga weba wiegi yai homu pemene ebo tiwai ebo dao.

Tigidali Nai Gagalama Nigali Side 4:7

Te nago dwagi yai kolesaga eyu da, teda eno nage dali dwagi yai homu yaibao. Tiali goli, nago dwai kolesaga eyu da, teda dwai sę ebo kolesaga nage pąde bidiyu, tama tego nage godolo eyu, tama nage aiyaba elaluabo sogo tonalubao, te moni nasi yai bulu hasa tiwai dao. Tiali goli, nago bomo elama, te dwai sę ebo kolesaga aiyaba elaluao,” Yawego Keinbolo te po wai.

Tuni Bidi Dabego Po Elalubo Buku Si 6:21

Nage Genuai Bidi, nage naga bulu dagalude bidibao. Tiali goli eno homugo te ena me te Israel dabe te naga we bidi, dago nago te beba tonaluyu, gedu haluasa po wabo si da, teda nago dago gedu haluasa po wabo odama, tama nago dago sęgę sela sąyao.”

Tuni Bidi Dabego Po Elalubo Buku Si 30:9

Dagego koneani, te boi bidi dabego dage aiyaba elaluama, tama dagego hani meba kalabus elama, augwa buluba odasa pai dao. Tiali goli dage Genuai Bidiba ma asiyu da, teda agai te boi bidi dabego dagego te hani dabe hobede emainu ilama, tama augwaligo te dagego hani ma tagala palama duga tǫba ma asaibao. Genuai Bidi dago God aga te hobede iyu homu nagame ebo God dao. Tialima dagego homu begelama agaba ma asali da, teda agai dage ma selama, tama agai dage tudi ma ola magobeo,” te po asęna tama tolali.

Aisaia 33:24

Tama te sogo te Jerusalemde bidibo we bidi dabego e tama po munu ma wagobeo, “Ena gasi ebo.” Tama Genuai Bidigo te Jerusalemde bidibo we bidigo dwai sę yali sęgę sela sąwaibao.

Aisaia 64:9

O Genuai Bidi, nago dade haliga sębę mu idu, te sesemane sogo dago ebo dwai sęde homu kone paludigio. Menio. Da tigidali te naga we bidi da homu elama, te nago daba olo mu tau sabo wiegi yai kolesaga yao.

Jeremaia 9:24

Te bidi aga pemene yabo homu ebaso, aga te nai delide naga pemene yao. Agai ena Genuai Bidi koneani da homu elama, wiegi yai pemene yao. Agai enade e tiwai koneao, sesemane sogo eno tigidali tǫde we bidi homu godolo eyu, te eno wiegi yai doloba pai kolesaga augwaliba ebo dao. Ena Genuai Bidi, eno te tobage kolesaga ebode wiegi yai homu pemene ebo dao,” Genuai Bidigo te po wali.

Jeremaia 31:20

Ena Genuai Bidi, eno te po obao, eno Efraim te godolo mu yali, aga eno ogwa dao. Tigidali sogo eno aga nogi wedu, eno agade homu kone yai. Eno haliga agaba mu mudubadi ebao. Tialima, eno olo tau sabo wiegi yai kolesaga agaba yai dao.”

Jeremaia 33:8

Augwaligo enade hagoma elama, dwai sę yali. Tialima, eno augwaligo te dwai sę sela sąnama, te augwali eno gedude wiegi yai ma pedelaibao.

Esekiel 18:23

Ena God Genuai Bidi, eno dageba hanalu wabo homu yali, te dwai bidi me deli isibo sogo eno homu pemene eba homu dagego eba, agawe? Mu menio. Te bidi me deligo aga dwai sę ebo tagalama, bugagia bidibaso, tede eno wiegi yai pemene yaibao,” wali.

Hosea 14:2

Dage te Genuai Bidiba ma aselama, tama te gedu haluasa po dagego Godiba te ofa tiwai iyagameo. Dagego gedu haluasa po e tiwai wagameo, “God, nago dago sęgę tigidali sela sąyu, tama dago gedu haluasa po wabo odao. Tama dago te bulmakau elama, tama nageba ofa ebo usu egobeo. Menio. Te dago te dena polobadu dąų walali po wali gilama, te dwagi yai kolesaga naga yaibao.

Amos 1:11

Genuai Bidigo wabo po e dao, “Hauwa sogo te Idom tǫ kantri we bidigo dwai sęgę sabo sę idu geai. Augwaligo te tebode dwasianu toma me nabeo. Augwaligo te Israel hani we bidi dabe pobeasa pali, te augwa ama dabe digi te augwali bobage hwą ge bainatgo elalio. Te augwali hobede eyu, tau sabo homu eyu, tama augwali tagalabo homu dwasianu me ebeo. Mu menio. Augwaligo haliga sębę ebo wado yabo homu sębę genuai mu elama, posolo mu yai, tama te haliga sębę yali me silibeo. Te me elalualio. Tialima, mu tama, eno te Idom dabe augwaliba dwai sęgę mabo dene mu ilaibao.

Te Israel Tobolu Bidi Dabe 10:16

Tialima, augwaligo augwa te tibo godiba lotu wali te tiali te sę dabe sela sąnama, tama augwaligo Genuai Bidiba lotu po wali. Tama agai te Israel dabe homu dene elama, tama agai homugo augwali te sęgę ma tolidali homu yai.

Godigo Nogi Ugwaba Sabo Tęąbi Po Wabo Buku Dabe 65:4

Te nago sa munama, tama nago pąba odasa pabo bidi dabe, augwa te wiegi yai pemene emainao. Te tigidali wiegi yai sę yabo kolesaga nago dabolo te moni lotu be tempelde, te nago wiegi yai tedali bede mawai, tego da mu usu naibao.

Aisaia 38:17

Megi da, eno konebao, te sęgę dabe pedelali, te ena tau sainogo naga yai. Nago ena godolo mu elama, te nago ena te isali bidi dabego pesageba pomainu me ilibeo. Te nago eno yali dwai sę sęgę dabede homu kone me isąyu, tagalai dao.”

Esekiel 33:16

Tialima, eno agai polobadu yali dwai kolesaga kone me palogobeo. Megi da, agai doloba pai kolesaga ebaso da, teda aga bugagia bidaibao.’ Te po augwalibolo pusao,” wali.

Hosea 14:5

Te eno Israel dabeba wiegi yai sę ilaibao, te tulubage segeni te wa pai tǫba tulama, te telabo tiwai yaibao. Te augwali te gasa wiegi yai sawi yai plauwa tiwai pedaliyu, tama te tǫ kantri Lebanonde te genuai bomai ni dabe tiwai pedaliyu yaibao. Te ni dabe sele te tǫ aya tomoba mu dulali tiwai ebo dao.