Maika 7:14 - Godigo dwagi yai po buku

¹⁴ Genuai Bidi, naga digi te naga dąų olama, sa muani we bidi dabe te naga tonalubo bidi bidao. Augwali te moni genuai dulu te wiegi yai tǫ elalubo bulu du dabe bagede bidibao, tama te gi bulabo wiegi yai tǫ me aiyadu elalubao. Tialima, nago augwaliba te wiegi yai tǫ elalubo madiba te gi bulugi pomainu yao, te Basan me Gileatde, te polobadu yali tiwai yao.

Maika 7:14 Referans Kwoze

Maika 5:4

Te tobolu bidi pedalubo si da, te aga we bidi dabe aga tonalueibao, te God, aga Genuai Bidigo bomode me genuai nogide te tama tiaibao. Tama te we bidi dabe bugagia bidaibao, magi baso meni, te tigidali bulu tǫ kantri dabede bidalubo bidi hani dabego te agai bomo koneaibao.

Aisaia 49:10

Te augwali nai me, wę me sǫą pogobeo, te posolai giligago me waligo te augwali tigi posolo me egobeo. Magi baso meni, te augwali olo mu tau mabo wiegi yai kolesaga ebo bidigo te augwali bugagia tonalu, te sipsip tonalubo bidigo te sipsip dabe te nosai hauwa elalubo pesageba, me wiegi yai wę elalubo madiba odasa pabo tiwai gilama ebo dao.”

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

Aisaia 37:24

Nago po te naga ami tobolu bidi ofisabolo mayu, te augwaligo nago nogi ugwanu mu sali, tama te enaba posobo po wali. Te eno augwaligo pedauwalide te tiwai po odali, nage Senakerip, nage te naga karisde dolugulama, te nage ugwanu mu igulama, te Lebanon genuai bulu du dabeba te nago tobolu usu nama, nage te Lebanon genuai busi tomoba mu pali, te bidi me pisąbo buluba pali, tama nago te bobage bobage ni sida dabe, me te wiegi wiegi yai ni pain dabe togwali.

Godigo Nogi Ugwaba Sabo Tęąbi Po Wabo Buku Dabe 100:3

Dagego Genuai Bidi homugo konebo tagaligio, aga deli te God mu dao. Aga deligo da nigai, tama da aga we bidi dao. Da agai we bidi, da agai te kibu sipsip tiwai dao.

Godigo Nogi Ugwaba Sabo Tęąbi Po Wabo Buku Dabe 95:7

Aga digi dago God dao. Aga digi da we bidi te sipsip wai tiwai tonalubao, tama agai da nai mobao. Te e sogo megi tama dagego agai pedauwalide po odiąo.

Godigo Nogi Ugwaba Sabo Tęąbi Po Wabo Buku Dabe 28:9

Genuai Bidi God, naga we bidi dabe tau siyu, tama naga te sa muani we bidi hani dabe bugagia wiegi yai ilao. Nage te augwali tonalubo bidi bidiyu, tama augwali te bidada peyu, bidada pabo sesemane sogo bugagia tonaluao.

Dwagi Yai Gesi Po Jongo Asęani 17:16

Ena da e tǫde bidi menio. Te tiwai augwali me e tǫde bidi menio.

Matyu 2:6

‘Te Betlehem hanu, te Juda tǫ tomode, te Juda bagego tuni bidi dabego gedude nago nogi te dwasianunu elalugobeo. Te mu menio. Te nagede genuai tuni bidi me deli pedelaibao, tama agai eno hani Israel tonaluabo bidi dao,’ te po asęani,” augwaligo te po Herotbolo wai.

Malakai 3:4

Tama nosali te Jerusalem dabe me te gasa Juda pedai badu augwa te wiegi yai ofa Genuai Bidiba eyu, te polobadu yali tiwai ebaso, tama Genuai Bidigo te augwaligo ofade wiegi yai pemene ma yaibao wai dao.

Sefanaia 3:13

Te Israel hani dwasianu augwali me bidibao, augwaligo gasa bidi dabe dali dwai kolesaga me egobeo. Tama augwaligo ili po olama, tama augwa abagi dabe ili po wabo sę me egobeo. Te augwali wiegila bidibo sę naga elaluaibao. Tama augwali wi ilabo bidi meni yaibao,” Genuai Bidigo te po wai.

Te We Bidi Dabego Jerusalem Hagede Gela Wali 5:21

Genuai Bidi, nago da tudi ola menama, tama nago da dali sębę genuai mu yalio. Tiali goli, da nage pageba ma asaio. Tama tialima, nago da ma odasa asao. Tama nago da polobadu bugagia bidali tiwai ma bidimainu ilao.

Aisaia 65:10

Te augwa sipsip dabe, te bulmakau me, te tǫde pągąnalueibao, te Saron te giliga dega sigulubo pedai te odogo pesagede gagalasa pali, te Akor giliga pedalubo badu te odogo tǫba usu nigi paibao. Te augwa nosai hauwa elalu, te nai tuyu, toma neyu, bidaibao. Eno te sę dabe ebo te ena gegebo homu elalubo we bidi dabeba tiaibao,” te po wali.

Aisaia 35:2

Te wa pai bulu tǫ tonobo te sawi wiegi yai mu yaibao. Te aga genuai i hai dali weyu, genuai pemene yaibao. Te wiegi yai sawi yai nai hauwa mu pedaliyu, te bulu tonobo wiegi yai sawi me tedali eyu, te Lebanon genuai busi tonobo tiwai eyu, te Saron bulu odogo tonobo tiwai yaibao. Te we bidi dabego bomonama tonoyu, te genuai nogi, me te dago Genuai Bidi Godigo wiegi yai au dali elalueibao.

Godigo Nogi Ugwaba Sabo Tęąbi Po Wabo Buku Dabe 143:5

Megi da, eno te polobadu pedelali nai dabeba homu kone ma ebao. Tama eno te nago yali sę dabe, me te nago wiegi yai sę dabeba te eno homu kone ma ebao.

Bomai Po 33:28

Tama tiyu da, te Jekopgo hani augwali bugagia bidaluyu, tama te boi bidi dabego augwaliba me hwįagasogobeo. Tama te pesagede te hulide ąį segeni tulama, tama tǫ tedolama, tama tubo nai dabe hauwa elama, wain dabe me hauwa elaluaibao.

Israel Hanigo Namba 23:9

Ena te masigi bulu du te bulu dude dolaluyu, eno augwali suali. Ena ugwadu bidiyu suali, te we bidi augwali tedali bugagia bidibo suali. Godigo augwali bugagia tau siyu, tama augwaligo koneani, augwali gasa we bidi hani dali deli menio homu yalio.

Ma Dobola Sali 33:16

Ma, nage da dali pisąwani da, te gasa bidi hani augwaligo mena tama te nago ena me, te naga we bidi dabe dali, godolo ebo te koneaibawe? Tiali goli, nage da dali pobaso da, teda te gasa bidi hani augwaligo koneama, te da we bidi te gasa we bidi hani tigidali tiwai meni, da te gasagi yai bage mu da waibao,” wali.

Te We Bidi Dabego Jerusalem Hagede Gela Wali 1:7

Megi da, te Jerusalem dolai elalubadi, aga we bidi dabe digibulu sese mu tama usu nama, wau bilibo dao. Tama agai polobadu mu munolua asali wiegi wiegi yai nai dabeba homu kone ma palobo dao. Te boi bidi dabego Jerusalem we bidi sali sogo, te meba gasa hanigo aga me tau sai menio. Tama te boi bidi dabego aga dolobo suali, tama augwali gisugu dwai mu wali. Awe, aga tulalubaso, augwaligo kęnę po wali.

Pris Sę Ebo Bomai Po 27:32

Te nogo si bulmakau me sipsip dabe elalubaso, te me deli eno dao. Dagego te kibu dabe tigidali wasilama, te augwali nedelama, tama te nogo si wali tigidali enabolo mao.

Solomon 4:1

Eno we abagi, nage gasa sawi yai dao. Nago te name ugwa pedai tobolude bea selama, te nago gesabidi geme dualiyu tiali, tialima nago gedu eno suali ula yali, magi baso meni, nago ena godolo mu ebaso tiali. Nago gesabidi badu hauwagasali tobolu nisi da, te kibu meme hani me deligo wiegi yai pemene ebo tiwai eyu, te Gileat bulude te dwasianu bulu du dabedu aiyaba sasa mano dulubo tiwai ebo dao.

Jeremaia 49:31

Genuai Bidigo te Babilon dabeba te tiwai po wai, “Dage hogodama peyu, te bugagia dugulalu, te magi nai me delide homu kone isąbo hani we bidiba boi hwįgi pao. Augwaligo taun obo meni dao. Te gasa hani we bidi dabe augwali pąde me bidibeo.

Esekiel 36:11

Tama te we bidi dabe me dagede bidibo hasa dabe hauwa mu pedelaibao. Tama te we bidi tigidali pesage badu polobadu bidali yali gilama yaibao, tama eno dage dali wiegi yai kolesaga mu yaibao. Tama te kolesagago da, eno polobadu yali kolesaga edelama mu yaibao. Tama dagego bugagia mu koneaibao, ena deli naga ena Genuai Bidi dao homu yaibao.

Israel Hanigo Namba 32:1

Te Ruben hani, me Gat hani augwaligo kau kibu dali sipsip dali hauwa mu bidali. Tama augwaligo te distrik Jaser, me Gileat tǫde te kau kibu dabego tubo nosai dabe wiegi yai mu elalubo suali.

Aisaia 27:13

Tama te sogo te bu wabo nai biugel bu genuaimu waibao. Teda te Israel dabe i weyu, te boi bidi dabegoaugwali te bulu Asiriaba sela sąyu, me te bulu Isipba selasąyu yali bage dabe. Tama augwali Jerusalem buluba maaselama, tama augwaligo Godiba ma lotu po waibao, teaga tedali gasagi yai bulu dude.

Obadia 1:19

“Te Negevde bidibo Israel dabe, te Juda saut badu, te augwaligo Isogo bulu du te Idom tǫ kantride elaluaibao. Tama te dwasianu bulu du dabe te giliga dega sigulubo te Juda badu elalubo, te Filistia dabego tǫ augwaligo saibao,” wali. “Te Israel hani mebago te Efraim me Samariago tǫ saibao, te Benjamingo hanigo te wę Jordan bolama, te Gileat tǫ te giliga pedalubo badu saibao,” wai dao.

Sekaraia 10:10

Te Isip tǫde me Asiria bulu tǫde bidali we bidi augwali, te eno augwali ma odasa aselama, te augwa bulu tǫba ma bidagasaibao. Eno te tǫ dąį kidilama, tama augwaligo te Gileat tǫ pedai me te Lebanongo tǫ pedai me sigi pomainogo yaibao. Tama te we bidi dabe hauwa mu te tǫde pągąnalueibao.

Sekaraia 11:7

Tama tialima ena te sipsip dabe meba tonalubo bidi pedelali, te magi nai doado bage meni ebo bidi dabego te ela tuabo sipsip kibu dabe da. Tama eno te sipsip kibu dabe tonaluali bidi dabego te kibu ososalo biliyu tolasa bilali dono si eno sali. Te dono me nogi, eno te tiwai nogi polali, te Olo Mu Tau Sabo Homu Ebo dono da, tama dono me nogi te tiwai nogi yali te Deli Madi Sisinibo nogi polali. Tama eno te dono si tolalu, te sipsip kibu hani dabe tonalua bilalio.