Maika 7:12 - Godigo dwagi yai po buku

¹² Tama nago we bidi te gasa tǫ kantride kalabus igi pali, te augwali ma asaibao. Augwali te wę Yufretis pedai badu te tǫ kantri Asiria, te giliga pedalubo badu asaibao. Te augwali Isip te saut badu asaibao. Tama augwali te tigidali habude te digibulu bidali te asiyu, te tǫ kantri te nambis badu elaluai, te genuai tamu ąį, me te bulu du pesage dabede bidali tagalama, asaibao.

Maika 7:12 Referans Kwoze

Hosea 11:11

Te augwaligo Isip tagalama, tama te polo asesa asu, te ba bola asobo tiwai yaibao. Awe, augwali me Asiria tagalama, te ba hi dabe tiwai bola asaibao. Tama eno augwali te augwa page buluba ma odasa asaibao. Ena Genuai Bidi, eno te po wai dao,” wali.

Esekiel 37:21

Tialima, nago augwalibolo e tama po walao, ‘Ena God Genuai Bidi, eno te po obao, eno te tigidali Israel dabe augwali te bidibo te tigidali kantri dabede oda selama, sisinama, tama augwali augwa tǫ muba eno odasa paibao.

Esekiel 29:21

“Tama te sę pedalobo sogo da, teda eno Israel dabego bomo ma pedalumainu ilaibao. Tama tǫde bidi, ena nago Israel tomode po bomonama omainu ilaibao. Tama augwaligo bugagia koneaibao, ena deli naga te Genuai Bidi dao homu yaibao,” te po wali.

Jeremaia 31:8

Mu tama, ena Genuai Bidigo eno te ena we bidi dabe te tǫ kantri not badu, me tigidali tǫ pedai badu selama, te augwali ma odasa asaibao. Te gedu widai dabe, me sągą dwai, me te haliga elalubo we dabe, me te wai tega painogo ebo we dabe, augwali me asaibao. Te Israel genuai hani mu pedelama, te augwali augwa tǫba digi ma asaibao.

Jeremaia 23:3

Tama ena digi eno te dwasianu elalubo sipsip hani te eno augwali sela sąwani tǫ kantride sisinaibao. Tama eno te augwali te augwa obo tomoba ma odasa asaibao. Tama augwaligo te wai hauwa ame nenama, te umabo hauwa pedelaibao.

Jeremaia 3:18

“Te sogo te Juda dabe augwali te Israel augwali dali deliba sisinama, te augwa kantri te not badu, te megi bidibo madi tagalaibao. Tama augwali te eno duga wąįba mani tǫba bidagasaibao, te augwa hanigo te tǫ sesemane elalua pidu bidaibao,” wai.

Aisaia 49:12

Tialima, eno te digibulu bidalubo we bidi dabe, te not badu me, te giliga dega sigulubo badu me, asaibao. Te augwali te taun Aswan badu me asaibao,” wali.

Aisaia 43:6

Eno te bidi dabe te not badu, me saut badu bidibo bidi dabebolo olama, te dage ma asomainu ilao waibao. Te eno we bidi dabe te digibulu mu, te tǫ sesege badu bidali me, te augwali eno ma odasa asaibao.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Jeremaia 46:27

Genuai Bidigo te tama po wali, “Dage Israel, dage Jekopgo hani, dage eno sę bidi me sę ebo we dabe, dage wi me elama, dwai noma me sigio. Mu tama, te eno dage kalabuside bidibo digibulu bulude bidibadi, te eno dage ma saibao. Te dage duga tǫba ma aselama, bugagia bidagameo. Te mena hani me deligo dage wi me iligobe dao.