Maika 7:10 - Godigo dwagi yai po buku

¹⁰ Polobadu te boi bidi dabego dabolo te tiwai posobo po wali, “God, duga Genuai Bidi, menade bidibawe?” wali. Tiali goli, nosali te Genuai Bidigo da tau sabo augwa sulama, te augwali hale dwai mu saibao. Te Genuai Bidigo augwali aiyaba elaluama, te augwaligo te tǫ pu aiyana pai, te bidi dabego sągągo agabo tiwai ebo sueibao.

Maika 7:10 Referans Kwoze

Sekaraia 10:5

Tama tibaso, te Juda dabego te boi bidi dabe aiyaba elalubo sę eyu, te ami bidi dabego te taun sunumi dabede te tǫ pude te boi bidi aiyaba agabo tiwai yaibao. Te Genuai Bidi augwali dali bidibaso, te augwaligo hwįbo bomo eyu, te hos kibude dugayali boi bidi dabe me augwali aiyaba elaluboba usu naibao,” wali

Godigo Nogi Ugwaba Sabo Tęąbi Po Wabo Buku Dabe 42:10

Te sesemane sogo te boi bidi dabego enaba te tiwai kęnę po weyu, “Te naga God mena bidibawe?” po wabo. Te pogo te ena tigide te ene enama, tama ena isainu ebo tiwai yai.

Kraisgo Geme Dualali Sę Pedelabo Po Jonbolo Ola Mani 18:20

Nage te dagalu, nage dali te Godigo we bidi dali, tama dage te Godigo po pusigi pabo bidi dabe me, te Godigo nosali yabo sę po ola mabo bidi dali, dage tigidaligo te genuai hanude megi pedalobo sęde wiegi yai homu yao! Godigo aga dagalama, tama agabolo te dwai dene sabo wei ponai dao. Tama te kolesagade agai te hanu agai dwai kolesaga dage dali yali wei ponai dao!

Joel 2:17

Te pris dabego Genuai Bidigo sę eyu, te aga be sunumi me alta tomode yali, augwa te gela weyu, te gedu haluasa po te tiwai waiąo wali, “Genuai Bidi, nago naga we bidi dabe da homu dene yao,” wao. “Te nago da homu dene isąbaso da, teda te gasa hani we bidi dabego da tudiba muyu, tama daba posobo po te tiwai waibao, ‘Te dagego God mena bidibawe?’ te po waibao.” Te pris dabego te po waiąo.

Godigo Nogi Ugwaba Sabo Tęąbi Po Wabo Buku Dabe 35:26

Augwaligo te enaba pedelali sęgęde wiegi yai homu pemene yali. Tama tiyu, nago augwali dwai hale emainu elama, tama augwaligo homu kone mu tuą pomainao. Augwa digi augwa nogi ugwaba siyu, te ena aiyaba elaluainu yali, tama tiyu, nago augwali te hale dwai mu emainu elama, tama augwaligo nogi te aiyaba elaluao.

Godigo Nogi Ugwaba Sabo Tęąbi Po Wabo Buku Dabe 18:42

Eno augwali mu dolama, tama augwali te waligo sela holobo tǫ hogomu tiwai pedelali. Eno te boi bidi dabe elaluama, eno te sunumide agabo pu tiwai gagawai dao.

2 Samuel 22:43

Eno te augwali mu dolama, tama augwali te tǫ hogomu tiwai pedelali. Eno augwali agalama, tama augwali aiyaba elaluali, te ena pu elalubo nagame yai tǫ elalubo sunumidu pabo tiwai yali.”

Maika 4:11

Megi da, te boi bidi hauwago te dage dali hwįainu sisinanio. Augwaligo posobo po te tiwai obao, “Tegobao, dago te Jerusalem mu dolama, tama suao, aga te tiwai naga me elalua pomainu yaibao,” obao.

Jeremaia 51:51

Megi da, dagego e tiwai po obao, “Da hale dwai mu yalio. Magi baso meni. Te bulu tǫ kantri bidi dabe augwali te Genuai Bidigo Tedali Gasagi Yai Mu Be Habu tomoba pai. Te augwaligo dabolo po dwai wali. Tibaso, da hale dwai mu ebao.” Megi dagego te tobage po obao.

Godigo Nogi Ugwaba Sabo Tęąbi Po Wabo Buku Dabe 79:10

Magi baso te gasa hani dabego dabolo te tiwai hanalu, “Te dagego God mena bidibo?” waibawe? Dago nago te gasa hani dabeba te dago kaneme gelali wei ponoyu, te dene mabo dago suabo homu ebao, magi baso meni, augwaligo te nago sę bidi dabe ela muai dao.

Matyu 27:43

Agai homu Godiba tinama te po wali, ‘Ena Godigo Ogwa dao’ wai. Tialima, Godigo aga godolo eba wida, agai aga megi tau somainao.” Augwaligo te po wai.

Malakai 4:3

Eno te sę dabe ebo sogo te dwai sę ebo bidi dabe dagego aiyaba elalueibao, tama augwali te tǫ hogomu agabo tiwai yaibao,” wai dao.

Malakai 1:5

“Dage Israel we bidigo te tebo sę te duga gedugo digi sueibao. Tama dagego te po weyu, ‘Genuai Bidigo bomo te umabo mu da Israelgo bulu tǫ kantride elalu, te dago bulu tǫ pedai bogo badu me te usu nai dao,’ po waibao,” Genuai Bidigo te po wali.

Obadia 1:10

Genuai Bidigo te tiwai po ma wali, “Dage Idom dabego te duga ama dede dabego nai doado bage dabe wi sali, augwali te Jekopgo hani dabe, te augwali ela muai dao. Tama tibaso, eno dage hale mu iliyu, tama dage mu ela silaibao, dage munu me ma pedalogobeo.

Daniel 3:15

Tialima, dagego te musik odobo sogo, dagego kidu sugunama, tama te piksaba lotu waiyąo. Tama dagego te tiwai isąbaso da, megi naga tama eno te bidi dabeba walama, tama augwaligo dage te genuai sia daboba sąmainogo yaibao. Tama dagego homugo te dage tau sabo god me deli elaluba homu eba, agawe?” kingo te po wai.

Jeremaia 51:24

“Tialima, ena Genuai Bidi, eno te Babilon dabe augwaliba dwai dene mawaibao po obao, te augwaligo Saionba dwai kolesaga tigidali yali wei ponaibao. Te dage Israel me Juda, te eno ebo sę dagego suagameo,” te po wai.

Godigo Nogi Ugwaba Sabo Tęąbi Po Wabo Buku Dabe 115:2

Magi baso te gasa hani dabego dabolo te tiwai po hanalu obawe, “Te duga God menade bidibawe?”

Godigo Nogi Ugwaba Sabo Tęąbi Po Wabo Buku Dabe 109:29

Eno homugo te eno boi bidi dabe te genuai hale somainu yaibao, tama augwali te hale dwai mu ebo te we bidi dabego sumainu yao.

Godigo Nogi Ugwaba Sabo Tęąbi Po Wabo Buku Dabe 58:10

Te doloba pai bidi dabego te Godigo te dwai sę ebo bidi dabebolo te dwai dene mabo subo si, te augwali wiegi yai pemene yaibao. Te doloba pai bidi dabego sągą te dwai bidi dabego kanemego sągą wę telaibao.

Godigo Nogi Ugwaba Sabo Tęąbi Po Wabo Buku Dabe 42:3

Sesemane sogo te bidi dabego enaba te tama po wali, “Te nago God mena bidibawe?” Tama tibaso, ena sesemane sogo gela udubo sę yali. Te eno gedu ąį te eno siade me hulide nai tubo tiwai gilama yali.

Esekiel 7:18

Tama augwa te homu dene ebo ugwa dabe gudama, te augwali didibili umagi mu yaibao. Tama te tigidali te hale ebaso, te augwa tobolu nisi poala sąwaibao.

Aisaia 41:25

“Eno te giliga pedalubo badu bidi me deli hodolali. Te bidigo enaba genuai nogi mobao, tama megi eno te not badu sela aselama, tama agai te king dabe aiyaba elaluama, agayu, te tǫgo sospen sene nigibo bidigo te tǫ agalama, te sospen nigibo tiwai ebao.

Obadia 1:12

Genuai Bidigo te po me wali, “Dagego te duga ama dede te Juda dabeba yali sę hauwa te dolo yai sę me ebeo. Dagego te augwali dwai dene sabo sogo, te dagego bugai haliga eyu, wiegi yai homu pemene yali. Te dagego hagoma eyu, te augwali dwai dene ebadi, te gagali ilibo po wali. Te eno we bidi augwali dene sabo sogo, te dage augwaligo taun tomoba pelama, te augwali dene sabode te wiegi yai homu pemene elama, te augwaligo wiegi yai nai dabe elali. Dage te sunumi tumage age siba doligi pelama, te meba Juda wi painu sobadi, te pageabi elama tualio. Tama dagego augwali te boi bidi dabego nogoba muani. Dagego te yali sę dabe, te dolo yai sę mu me ebeo,” wai dao.

Maika 7:8

Te dago boi bidi dabego te dabolo posobo po omainu me ilamuo. Mu tama, da tulaluali, tiali goli, te da ma hodaluaibao. Da be hulia side megi bidibao, tiali goli te Genuai Bidigo ula dabolo mawaibao.

Josua 7:9

Te Kenan bidi dabego, me te e tǫde bidalubo gasa tigidali we bidi dabego te sę yali po odaibao. Tama tiyu, augwaligo da bobegelama, tama da tigidali elaibao! Tama naga nogi ugwaba sabo sę te nago megi magi elama yaibawe?” Josuago te po wai.

Godigo Nogi Ugwaba Sabo Tęąbi Po Wabo Buku Dabe 92:12

Te doloba pai kolesaga ebo we bidi dabe te wiegi yai pedalu, te nigo wiegi yai du walubo tiwai yaibao, tama te genuai holama, te Lebanonde te wiegi yai ni sida dabe tiwai yaibao.

Aisaia 26:11

O Genuai Bidi, nago nogo polo balalubao, te dwai we bidi dene mawainogo. Tiali goli, augwaligo subeo. Genuai Bidi, te nago naga we bidi godolo mu elama, tau sabo kolesaga te augwaligo sumainao. Tama te dwai bidi dabe augwali hale dwai mu yaibao. Tama nago naga boi bidi dabe ulabo isi, te isigo augwali mu ula silaganio.

Jeremaia 49:15

Genuai Bidigo te tǫ kantri Idomba waliyu, te po wai, “Idom, odao. Eno nage te olo nai me tama tiwai te gasa hani we bidi dabe tomode pedalumainogo ilaibao. Te augwaligo nage begela mu dolaibao.

Sefanaia 3:15

Magi baso meni. Genuai Bidigo te po wai dao, agai dage dene mawaibao po wai dao, tiali goli megi da, dagego dene sabo usu eyu silama, agai te po tagalali dao. Agai dagego boi bidi dabe sese sela sąwani dao. Genuai Bidi da, aga Israel dabego king dao, tama aga dage dali bidibao. Tialima, dage nai me delide munu ma wi igimio.